Portal:Ópera

A ópera é un xénero dramático no que a historia se canta na súa maior parte. Para a súa elaboración precísase dun compositor/a así coma dun escritor/a, que recolle a historia no libreto, polo que se chama tamén libretista. L'Orfeo (1607) de Claudio Monteverdi, está considerada coma a primeira ópera da historia. Para a súa representación precísase de cantantes para interpretar os personaxes e dunha orquestra, así coma todo o persoal necesario para calquera produción escénica, liderado polo director/a de escena. Adoita comezar por unha abertura e estrutúrase en arias, recitativos, coros, dúos, tríos, cuartetos, fragmentos orquestrais... Amosar máis contido destacado Artigo destacado Schachnovelle é unha ópera nun acto composta entre 2010 e 2012 por Cristóbal Halffter con libreto en alemán de Wolfgang Haendeler, baseado na novela homónima de Stefan Zweig. A obra, terceira ópera do compositor español, foi un encargo do Theater Kiel e a Ernst von Siemens Musikstiftung, e foi representada por primeira vez na Opernhaus de Kiel (Alemaña) o 18 de maio de 2013. O compositor adicoulle a ópera ao seu fillo Pedro. A obra está encadrada no grupo de óperas de Halffter denominado ás veces como Kieler Trilogie (Triloxía de Kiel), xunto ás dúas primeiras óperas do compositor madrileño: Don Quijote e Lázaro. As tres obras de Halffter teñen como denominador común as súas representacións na ópera da cidade alemá. Se ben Don Quijote foi estreada no Teatro Real de Madrid e recuperada para o teatro alemán, Lázaro e Schachnovelle foron estreadas na Opernhaus Kiel. A ópera ten unha duración aproximada de 115 minutos Imaxe destacada Imaxe aérea da Ópera de Sydney, Patrimonio da Humanidade da UNESCO. Vexa o artigo Jørn Utzon. Este mes 3 de maio de 2005 – A ópera de Lorin Maazel 1984 estréase na Royal Opera House de Londres. 5 de maio de 1726 – A ópera de Händel Alessandro é esteada no King's Theatre de Londres co aclamado castrato italiano Senesino no papel protagonista. 8 de maio de 1895 – Henry Clifford, unha ópera do compositor español Isaac Albéniz, estréase no Gran Teatre del Liceu de Barcelona. 10 de maio de 1901 – O tenor alemán Max Lorenz, un famoso intérprete wagneriano, nace en Düsseldorf. 18 de maio de 1910 – A cantante de ópera e compositora francesa Pauline Viardot morre en París aos 89 anos. 19 de maio de 1894 – A última ópera de Verdi, Falstaff, é estreada no Reino Unido con Arturo Pessina no papel protagonista. 22 de maio de 1813 – O compositor Richard Wagner (na imaxe) nace en Leipzig. Vinte anos despois finaliza a súa primeira ópera, Die Feen. 25 de maio de 1869 – A Wiener Staatsoper é inaugurada oficialmente coa representación de Don Giovanni de Mozart. Máis aniversarios... Categorías Queres atopar artigos relacionados coa ópera? Proba buscando nas seguintes categorías: Ópera Arias de ópera Festivais de ópera Libretistas Mitoloxía grecorromana na ópera Óperas Personalidades da ópera Teatros de ópera Terminoloxía operística Xéneros operísticos Portal:Ópera Biografía destacada Carolina Casanova Rodríguez, máis coñecida como Carolina Casanova de Cepeda ou simplemente como «La Cepeda», nada o 10 de xaneiro de 1847 no ferrolán barrio de Esteiro e finada en Madrid o 8 de febreiro de 1910, foi unha soprano galega, considerada como unha das mellores sopranos da segunda metade do século XIX. Foi unha das primeiras sopranos españolas en acadar renome en Europa. Ao longo da súa carreira Carolina Casanova actuou nalgúns dos teatros de ópera máis prestixiosos do mundo, como o Teatro alla Scala de Milán, o Teatro San Carlo de Nápoles, ou a Royal Opera House de Londres, tendo realizado estreas mundiais como a de Il mercadante di Venezia de Ciro Pinsuti. Logo de deixar a súa carreira concertística exerceu como profesora na Escola Nacional de Música e Declamación (actualmente denominado Real Conservatorio Superior de Música de Madrid), onde formaría a futuras personalidades importantes do mundo da ópera española. No momento da súa morte, durante as festividades do Entroido, o Conservatorio abriu as súas portas para que alumnado e profesorado do centro puideran darlle a última homenaxe, e algúns xornais cualificaron a súa como «unha perda irreparable» para a arte española. Cita destacada Son destacado Fédor Chaliapine canta "Vieni, la mia vendetta" da ópera Lucrezia Borgia de Gaetano Donizetti. Sabías que... Jacopo Peri. ... Euridice de Jacopo Peri é a ópera máis antiga da que se conserva a música? ... Antonio Vivaldi afirmou ter composto 94 óperas, se ben menos de 50 títulos foron identificados? ... o Teatro alla Scala de Milán recibe o seu nome pola igrexa de Santa Maria alla Scala, sobre a cal foi construído o teatro? Artigos de calidade e bos Artigos de calidade (19) Óperas: L'Orfeo, Tristan und Isolde Personalidades: Hector Berlioz, Georges Bizet, Carolina Casanova, Georg Friedrich Händel, Kathleen Ferrier, Angela Gheorghiu, Carl Nielsen, Krzysztof Penderecki, Sergei Prokofev, Nikolai Rimskii-Korsakov, Gioachino Rossini, Bedřich Smetana, Richard Wagner Listas: Canon de Bayreuth, óperas de Claudio Monteverdi, óperas perdidas de Claudio Monteverdi, óperas de Wolfgang Amadeus Mozart Artigos bos (2) Óperas: Schachnovelle (ópera) Personalidades: Einojuhani Rautavaara Proxectos relacionados Música • Música escénica • Música contemporánea Portais relacionados Música Música Vigo Música clásica Proxectos irmáns Wikimedia Commons en Commons Wiktionary no Galizionario Wikiquote en Galicitas