Ángel Jorge Echeverri

Ángel Jorge Echeverri

Biografía
Nacemento	29 de xullo de 1904 Santiago de Compostela, España
Morte	28 de xuño de 1984 (79 anos) Santiago de Compostela, España
Procurador en Cortes
6 de novembro de 1967 – 24 de xullo de 1968 – Manuel García Garrido → Lexislatura: IX lexislatura das Cortes franquistas
Procurador en Cortes
3 de xullo de 1964 – 15 de novembro de 1967 Lexislatura: VIII lexislatura das Cortes franquistas
Procurador en Cortes
31 de maio de 1961 – 6 de xuño de 1964 Lexislatura: VII lexislatura das Cortes franquistas
Procurador en Cortes
10 de outubro de 1960 – 18 de abril de 1961 ← Luis Legaz Lacambra Lexislatura: VI lexislatura das Cortes franquistas
Reitor da Universidade de Santiago de Compostela
1960 – 1968 ← Luis Legaz Lacambra – Manuel García Garrido →
Catedrático de universidade
Datos persoais
Educación	Universidade de Santiago de Compostela
Actividade
Lugar de traballo	Madrid
Ocupación	médico, anatomista, traumatólogo, político
Empregador	Universidade de Santiago de Compostela, reitor
Familia
Irmáns	Agustín Jorge Etcheverri
Premios
(1974)  Medalla ó Mérito no Traballo (1965)  Gran Cruz de Afonso X o Sabio (1964)  Gran Cruz do Mérito Naval con distintivo branco (1964)  Gran Cruz de la Orden Civil de Sanidad

Ángel Jorge Echeverri, nado en Santiago de Compostela o 29 de xullo de 1904 e finado na mesma cidade o 28 de xuño de 1984, foi un médico e profesor galego.

Traxectoria

Estudou Medicina na Universidade de Santiago de Compostela. Acadou o Premio Extraordinario de licenciatura e o Premio Fernández Carril ao mellor expediente académico. Ampliou estudos no Hospital Provincial de Madrid, en Bruxelas, París e Porto, onde traballou no campo da embrioloxía e o sistema vascular linfático. En 1934 ampliou estudos de Traumatoloxía en Italia.

En 1929 gañou en oposición a praza de profesor adxunto da cátedra de Anatomía Descritiva e Topográfica e Técnica Anatómica da USC, e seis anos despois conseguiu dita cátedra. En 1931 doutorouse en Madrid coa tese Variedades del aparato renal superior. En 1932 foi nomeado médico do Hospital Provincial de Santiago de Compostela. Tras a súa xubilación deu clase de Historia da Medicina.

Foi reitor da Universidade de Santiago de Compostela entre 1960 e 1968. En 1947 ingresou como académico de número na Real Academia de Medicina de Galicia, co discurso Aspectos anatomofisiológicos del neopallium del cerebro humano.

Foi irmán de Agustín Jorge Echeverri, médico e alcalde republicano de Cangas, fusilado en setembro de 1936.

Obra

• "Estudio anatómico sobre los vasos linfáticos de los músculos masticadores”, en Boletín de la Universidad de Santiago de Compostela (BUSC), 18 (1933), páx. 87-81.
• “Linfáticos profundos del riñón”, en VV. AA., Actas de las Jornadas Médicas Galaico-Portuguesas (Orense, 1935), Ourense, Imprenta Encuadernación y Papelería La Industrial, 1936, páxs. 250- 254;
• Medicina y arte, Universidade de Santiago de Compostela, 1942
• “Estudio de los ganglios linfáticos de articulación sacroilíaca”, en Archivos de Anatomía (1943)
• “La anatomía y los monstruos humanos”, en BUSC, nº 45-46 (1945), páx. 283- 299
• “Un Capítulo de las ciáticas vertebrales: las del génesis discal”, en BUSC, nº. 53-54 (1949), páxs. 3-46;
• “La Anatomía radiográfica de la articulación de la cadera”, en BUSC, 70 (1962), páxs. 329-351 (con Héctor Fraga García).

Véxase tamén

Bibliografía

• VV. AA., Sesión necrológica en memoria del Excmo. y Mgfco. Sr. D. Ángel Jorge Echeverri, Universidade de Santiago de Compostela, 16 de novembro de 1984.
• Jorge Barreiro, F. J. (1998): “Biografía del profesor Ángel Jorge Echeverri”, en Boletín Informativo de la Sociedad Gallega de Cirugía Ortopédica y Traumatología, 3, páxs. 2-3.

Ligazóns externas

• "Ángel Jorge Echeverri". Álbum de Galicia do Consello da Cultura Galega.