Ángel López Ruano

Ángel López Ruano

Nome orixinal	(es) Ángel Domingo López Ruano
Biografía
Nacemento	10 de marzo de 1981 (43 anos) As Palmas de Gran Canaria, España
Altura	180 cm
Peso	71 kg
Actividade
Lugar de traballo	Malpartida de Corneja (pt)
Ocupación	futbolista
Período de actividade	2000 - 2016
Nacionalidade deportiva	España
Deporte	fútbol
Posición de xogo	Defensa
Número deportivo	6
Traxectoria   Deporte base – UD Las Palmas   Equipo 1998–2000   UD Las Palmas Atlético 2000–2003   UD Las Palmas 81 (1) 2003–2007   Celta de Vigo 159 (6) 2007–2012   Villarreal Club de Fútbol 104 (2) 2012–2013   Real Betis Balompié 11 (1) 2013–2016   UD Las Palmas 71 (2)   Selección nacional 2001–2003   España sub-21 14 (0) 2006–2008   España 5 (0)

Ángel Domingo López Ruano, coñecido como Ángel, nado nas Palmas de Gran Canaria o 10 de marzo de 1981, é un exfutbolista español, que xogaba de defensa ou centrocampista. Foi internacional coa selección española.

Traxectoria

Logo de xogar nas categorías inferiores e nos equipos B e A do UD Las Palmas, Ángel chega ao Celta no mercado de inverno da tempada 2002-03, con Miguel Ángel Lotina no banquiño celeste. Esa tempada acabou disputando 15 partidos. O seu debut produciuse un 9 de febreiro de 2003, contra o Mallorca, nun encontro que o Celta gañou 0-2. Ángel xogara de titular como interior dereito.

Custoulle ter un sitio no equipo e convencer a afección. Foi con Fernando Vázquez en Segunda División cando se fixo un imprescindible no once titular. O adestrador xa o coñecía do seu paso polo Las Palmas. Tiña contrato co Celta ata o ano 2012, pero no 2007 marchou ao Villarreal.

O adestrador da selección española Luis Aragonés cconvocouno por primeira vez o 10 de novembro de 2006. O seu debut como internacional tivo lugar o 16 de novembro de 2006 no amigábel España-Romanía (0-1), onde xogou de titular durante 73 minutos. Repetiu o 7 de febreiro de 2007 ante Inglaterra, onde xogou 45 minutos. O seu debut en partido oficial foi o 24 de marzo de 2007, cando foi titular no España-Dinamarca (2-1), nun partido de clasificación para a Eurocopa de fútbol 2008, e onde recibiu un cartón amarelo.

Características

Aínda que comezou como mediocentro, reconverteuse a lateral dereito (con Fernando Vázquez), posición na que xogou varias tempadas. Tecnicamente bo, posuía unha boa condición física.

Véxase tamén

Ligazóns externas

• Datos do xogador en bdfutbol.com
• Datos do xogador en futbol.sportec.es