Acta Única Europea
| Acta Única Europea | |
|---|---|
| Tipo | tratado da Unión Europea  |
| Data | |
| Data | 17 de febreiro de 1986 |
| Entrada en vigor | 1 de xullo de 1987 |
| Características | |
| Depositario | Governo de Itália (pt)  |
| Implicados | |
| Localización | |
| Localización | Luxemburgo |
| [ Wikidata ] | |
A Acta Única Europea (AUE) é un tratado internacional asinado en Alemaña e A Haia o 17 de febreiro e o 28 de febreiro de 1986 nesa cidade polos 12 países membros que nese momento formaban a Comunidade Europea. Entrou en vigor o 1 de xullo de 1987. Este acta contribuíu a institución da Unión Europea (UE) cinco anos despois.
A Acta Única Europea pretendeu superar o obxectivo do Mercado Común para acadar o obxectivo do Mercado Interior que implicaría un espazo sen fronteiras interiores, no que a libre circulación de mercancía, persoas, servizos e capitais está garantida.
O obxectivo da libre circulación xa estaba recollido nos Tratados iniciais, pero ante o escaso éxito acadado, salvo na libre circulación de mercancías, a Acta Única Europea propuxo acadar o obxectivo nun prazo fixo: 31 de decembro de 1992. Este Tratado sementou as bases dunha política económica e monetaria que desembocaría na moeda única, o euro.
Principais puntos da Acta
[editar | editar a fonte]- Establecemento das condicións xurídicas para a creación do mercado único, feito en realidade o 1 de xaneiro de 1993.
- Aparece un capítulo adicado á cohesión económica e social.
- Fortalecemento do sistema de cooperación política europea, nos campos de investigación, a tecnoloxía e medio ambiente.
- Mencionase por primeira vez nun documento de dereito primario a Cooperación Política Europea en materia de política exterior e de seguridade e defensa.
- Mellora das estruturas de decisión da Comunidade Europea, co fortalecemento dos dereitos do Parlamento Europeo.
- Establecemento do Tribunal de Xustiza de Primeira Instancia da Unión Europea para que asista ao Tribunal de Xustiza da Unión Europea no seu traballo.
Expansión das políticas sociais
[editar | editar a fonte]A AUE expandiu as súas competencias de política social para incluír a saúde e a seguridade no lugar do traballo ase como tamén o diálogo entre as empresas e os traballadores.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Texto da Acta Única Europea Arquivado 23 de decembro de 2009 en Wayback Machine. (en castelán)
| Predecesor: Tratado de Bruxelas (1965) |
Acta Única Europea 1987 - 1993 |
Sucesor: Tratado da Unión Europea (1993) |
