Adrián Sieiro
| Biografía | |
|---|---|
| Nacemento | (es) Adrián Sieiro Barreiro  7 de decembro de 1992 (31 anos)Pontevedra, España |
| Datos persoais | |
| País de nacionalidade | España |
| Actividade | |
| Ocupación | piragüista |
| Deporte | piragüismo |
| Disciplina deportiva | Piragüismo en augas tranquilas |
| Participou en | |
| 2018 | Campionato Europeo de Piragüismo en Augas Tranquilas de 2018 |
Adrián Sieiro Barreiro, nado en Pontevedra o 7 de decembro de 1992, é un deportista galego que compite en piragüismo na modalidade de augas tranquilas. Foi dúas veces campión do mundo no C4 500 metros (2022 e 2023) e unha vez campión de Europa (2023).
Traxectoria[editar | editar a fonte]
Membro do Piragüismo Poio Pescamar, en 2018 sumou xunto ao poiés Sergio Vallejo a súa primeira gran medalla internacional, o bronce do Campionato de Europa celebrado en Belgrado, na proba de C2 1000 metros.[1] A pesar de gañar todos os selectivos nacionais entre 2017 e 2020 os problemas físicos de Vallejo deixaron á parella sen poder acudir aos Xogos Olímpicos de 2020 en Toquio.[2]
En 2022 proclamouse campión do mundo na proba de C4 500 m, xunto aos tamén galegos Manuel Fontán e Pablo Graña e o balear Joan Moreno, dúas semanas antes de proclamarse tamén campión europeo xunto a Joan Moreno no C2 500, no certame celebrado en Múnic.[3][4] En 2023 xa nas filas do Nautico O Muíño de Ribadumia revalidou o ouro mundial no C4 500 metros, co mesmo equipo que na edición anterior sendo compañeiro de Manuel no mesmo club.[5]
En 2024 disputou o Campionato de Europa na localidade húngara de Szeged, conseguindo o bronce no C2 200 metros, xunto a Manuel Fontán.[6]
Palmarés internacional[editar | editar a fonte]
| Campionato Mundial | |||
|---|---|---|---|
| Ano | Lugar | Medalla | Competición |
| 2022 |  Dartmouth
|
 Ouro
|
C4 500 m |
| 2023 |  Duisburgo
|
Ouro
|
C4 500 m |
| Campionato Europeo | |||
| Ano | Lugar | Medalla | Competición |
| 2018 |  Belgrado
|
 Bronce
|
C2 1000 m |
| 2022 | Múnic
|
Ouro
|
C2 500 m |
| 2024 |  Szeged
|
Bronce
|
C2 200 m |
Notas[editar | editar a fonte]
- ↑ «Adrián Sieiro» en CanoeResults.eu (en inglés).
- ↑ "El virus de Epstein-Barr, un enemigo silencioso que ha dejado a Sergio Vallejo y Adrián Sieiro sin Juegos Olímpicos". Pontevedra Viva (en castelán). 26 de abril de 2021. Consultado o 1 de xaneiro de 2024.
- ↑ "Manuel Fontán y Pablo Graña logran el oro en el Campeonato del Mundo de Sprint" (en castelán). 8 de agosto de 2022. Consultado o 1 de xaneiro de 2024.
- ↑ Carrazoni, Yuri (26 de agosto de 2022). "O ano da redención de Adrián Sieiro, ouro mundial e europeo en 14 días: "Penso en París 2024, mais non me obsesiona"". Nós Diario (en castelán). Consultado o 1 de xaneiro de 2024.
- ↑ "El cangués Pablo Graña, campeón del mundo dentro del C4 500" (en castelán). 27 de agosto de 2023. Consultado o 1 de xaneiro de 2024.
- ↑ Caldas, María (16 de xuño de 2024). "Manuel Fontán y Adrián Sieiro logran la medalla de bronce en el C2 200 metros" (en castelán). Consultado o 28 de xuño de 2024.