Aguia romana do Courel
| Aguia romana do Courel | |
| Tipo | Escultura |
| Características | |
| Lonxitude | 7,5 cm |
| Anchura | 10 cm |
| Materiais | Bronce |
| Descuberta | |
| Localización | Torre Cabreira, Carbedo,  Galicia
|
| Conservación | |
| Localización | Museo Provincial de Lugo |
A aguia romana do Courel ou aguia de Carbedo é unha pequena escultura de bronce da Roma antiga atopada en Carbedo, Esperante, Folgoso do Courel e conservada no Museo Provincial de Lugo dende o 4 de abril de 1963.[1][2]
Descrición
[editar | editar a fonte]Cuns 10 cm de anchura por 7,5 cm de lonxitude suponse procedente de Torre Cabreira, isto é, coa mesma procedencia da Tabula hospitalis,[3] e que representa unha aguia coas ás a medio despregar. A deterioración da súa cara ou a ausencia de garras, non minoran a súa calidade. Debeu ser realizada mediante a técnica da cera perdida.[1]
Pouco se coñece dos contextos arqueolóxicos e cronolóxicos da peza, fóra da súa suposta procedencia, xa que foi adquirida polo doador a un anticuario xunto con outros materiais. Pouco tamén en canto á súa función. Tradicionalmente, estase entendendo como remate dun estandarte militar, un vexillum.[3] Hipótese que se sustentaría na propia postura da escultura como nas dúas pequenas perforacións apreciables na parte inferior, baixo a cola; suposto encaixe para o hastil da insignia.[1]
Véxase tamén
[editar | editar a fonte]- Modelo 3D da aguia Arquivado 02 de xuño de 2023 en Wayback Machine.
Notas
[editar | editar a fonte]- ↑ 1,0 1,1 1,2 "AGUIA DO CAUREL". redemuseisticalugo.org. Consultado o 2024.
- ↑ "A aguia de bronce do Courel, ao alcance das persoas invidentes". galego.lavozdegalicia.es. Consultado o 2023.
- ↑ 3,0 3,1 "Dous valiosos bronces romanos atopados nun monte da serra do Courel". galego.lavozdegalicia.es. Consultado o 2003.