Antón Costa Rico

Antón Costa Rico
	;
Biografía
Nacemento	28 de setembro de 1952 (72 anos); Castellar de la Frontera, España
Educación	Universidade de Salamanca
Actividade
Ocupación	pedagogo, investigador
Empregador	Universidade de Santiago de Compostela (1985–2020)
Premios
	(2005) Premio Antón Losada Diéguez de investigación ;

Antón Costa Rico, nado en Castellar de la Frontera (provincia de Cádiz) o 28 de setembro de 1952, é un pedagogo galego de orixe andaluza.

Traxectoria

Fillo dunha familia modesta, con catro meses de idade, os seus pais trasladáronse a Galicia, á Mariña de Lugo. É nesta provincia onde comezou os seus estudos no Seminario de Mondoñedo. Posterioermente, decidiu estudar o Grao de Pedagoxía na Universidade Pontificia de Salamanca.

Doutorouse pola Universidade de Salamanca en 1982, cunha tese sobre a historia da escola primaria en Galicia entre 1900 e 1936. Foi un dos fundadores do movemento de renovación pedagóxica Nova Escola Galega en 1983. É membro do Seminario de Estudos Galegos, ao que representa no Consello Escolar de Galicia. Foi un dos promotores das revistas pedagóxicas As Roladas (1980) e Revista Galega de Educación (1986).

De 1985 a 2010 foi profesor na Facultade de Filosofía e CC. da Educación da Universidade de Santiago de Compostela. En 2010, exerceu como Catedrático na mesma Facultade, ata a súa xubilación en 2020.

É presidente da Asociación Española de Historia da Educación.

Obra

Ensaio

O ensino en Galicia. Problemática e perspectivas (Edicións do Cerne, 1980).
Escolas e Mestres (Xunta de Galicia, 1989).
A Colonia escolar compostelana de 1893: primeiro centenario (Consorcio de Santiago, 1994).
A Reforma da educación (1906-1936): X. V. Viqueira e a historia da psicopedagoxía en Galicia (Ediciós do Castro, 1996).
Historia do ensino no Reino de Galiza : (anos 414-1483) (Tórculo, 1995. 2ª edición: Universidade de Vigo, 2000).
Sarmiento. Vida e obra (Xerais, 2002).
Historia da Educación e da Cultura en Galicia (Séculos IV-XX) (Xerais, 2004).
A construción do coñecemento pedagóxico: antecedentes e desenvolvementos no século XX (Universidade de Santiago de Compostela, 2009).

Edicións

Viaje por las escuelas de Galicia, de Luis Bello (2011, Nigra Trea).

Obras colectivas

12 anos na búsqueda da nosa identidade (1990, Asociación Cultural Xermolos).
Seminario de Mondoñedo (1565-2013). Centro de formación e promoción cultural (2015).
Arredor das Irmandades da Fala (2016, Xerais).

Obra en castelán

Ensaio

Ramón de la Sagra. Un protosocialista hispano ante el desarrollo educativo. Lecturas y precisiones, en Hispania. Revista Española de Historia, vol. LXVIII, núm. 228 (xaneiro-abril 2008), páx. 193-210 (en castelán).
D'abord les enfants: Freinet y la educación en España (1926-1975) (Universidade de Santiago de Compostela, 2010).

Premios

Premio Irmandade do Libro ao Mellor Libro Galego do 2004, no 2005, por Historia da educación e da cultura en Galicia (Séculos IV-XX).
Premio Losada Diéguez no 2005, por Historia da Educación e da Cultura en Galicia (Séculos IV-XX).
Premio de Investigación da Crítica de Galicia no 2005, por Historia da Educación e da Cultura en Galicia (Séculos IV-XX).
Premio Ánxel Casal ao libro do ano no 2005, por Historia da educación e da cultura en Galicia (Séculos IV-XX).
Premio Luís Porteiro Garea ^[cando?]

Véxase tamén

Bibliografía

"Costa Rico, Antón". Dicionario biográfico de Galicia 3. Ir Indo Edicións. 2010-2011. p. 330.
"Costa Rico, Antón". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. ISBN 84-8064-113-4.
Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 99. ISBN 84-7492-465-0.