Antón Santamarina Delgado

Antón Santamarina Delgado
	;
Biografía
Nacemento	16 de novembro de 1928 (96 anos); Melilla, España
Actividade
Ocupación	político, escritor
Xénero artístico	Narrativa e poesía

Antón Santamarina Delgado, nado en Melilla o 16 de novembro de 1928, é un escritor e político galego.

Traxectoria

Fillo dun sarxento de artillaría, con ano e medio por cambio de destino do pai, pasou a vivir a Axdir, no Rif; de onde procede o pseudónimo Alí Ben Omar que utilizaría para asinar moitos artigos. En 1933 trasladáronse a Coruña. En 1936 o pai foi detido por non se ter pregado á rebelión militar, permanecendo preso durante catro anos, e Antón vai vivir cos avós paternos a Guitiriz. Cando o pai saíu da prisión, Antón regresou a Coruña e estudou o bacharelato que rematou en 1947. Ao ano seguinte titulouse como mestre de primeiro ensino. Dedicouse a dar clases a domicilio a estudantes de secundaria. Pero a Lei de responsabilidades políticas complicoulle a existencia a toda a familia: O pai marchou a Arxentina en 1951, Antón seguiu os seus pasos e embarcou en Vigo en xuño de 1953; o resto da familia (a nai, a irmá máis nova e a súa muller) tamén partiron entre 1954 e 1955.

En Bos Aires fundou o coro Brétemas e Raiolas, remedo do homónimo da Coruña, do que foi presidente. En 1953 uniuse a Vidal Pérez Graña, Carlos Abraira, Antón Moreda, Pilar Jeremías Cela, Denis Conles Tizado, Manuel Cordeiro e Xosé Neira Vilas para fundar as Mocedades Galeguistas, das que foi o primeiro presidente.

Foi homenaxeado non XVI Encontros na Terra Chá, o 5 de setembro de 2008.

Obras

Poesía

Pra unha Terra apremida, 1961, Editorial Citania (colección Herba de namorar).

Narrativa

O gatiño da "Miss" e outros contos, 1988, Ediciós do Castro.

Obras colectivas

Prontuário ortográfico galego, 1985, AGAL.

Véxase tamén

Ligazóns externas

Antón Santamarina Delgado na Biblioteca Virtual Galega.