Benicarló

Benicarló
	Brasón
Localización
	40°25′07″N 0°25′23″L / 40.418611111111, 0.42305555555556
Estado	España
Comunidade autónoma	Comunidade Valenciana
Provincia	Castelló
Comarca da Comunidade Valenciana	Baix Maestrat
Capital	sen valor
Poboación
Poboación	28.681 (2023) (598,77 hab./km²)
Lingua oficial	lingua catalá (lingua predominante); lingua castelá
Xeografía
Parte de	Mancomunidade Taula del Sénia
Superficie	47,9 km²
Bañado por	Mar Mediterráneo
Altitude	21 m
Comparte fronteira con	Càlig ; Peníscola ; Vinaròs
Creación	14 de xuño de 1236
Santo padrón	Bertomeu
Organización política
• Alcalde	Juanma Cerdá Tena (en) (2023–)
Identificador descritivo
Código postal	12580
Fuso horario	UTC+01:00
Código INE	12027
Código ARGOS de concellos	12027
Outro
Irmandado con	Ladispoli (pt) ; Saint-Pol-de-Léon
Sitio web	ajuntamentdebenicarlo.org

Benicarló é un concello do País Valenciano. Situado na costa norte da provincia de Castelló, na comarca do Baix Maestrat. Ten 26.381 habitantes (INE 2008).

Xeografía

Situada a beiras do mar Mediterráneo e rodeada de hortas de regadío, Benicarló ten un clima privilexiado propio do litoral no que se sitúa. Ao norte da cidade desemboca a rambla de Cervera.

Accédese a esta localidade dende Castelló de la Plana tomando a N-340 ou a AP-7.

Localidades limítrofes

O termo municipal de Benicarló limita coas localidades de Vinaròs, Càlig e Peníscola.

Demografía

A poboación que en 1794 era de 1.300 veciños, pasou a ser de 2.182 en 1877. Esta liña ascendente verase detida entre os anos 1.900-1.930 pola crise no cultivo, a produción e a exportación do viñedo. Pero a partir de 1930, estabilízase o crecemento demográfico.

Evolución demográfica
1990	1992	1994	1996	1998	2000	2002	2004	2005	2006	2007	2008
18.200	18.550	19.005	19.229	19.350	19.908	21.488	22.653	25.244	25.503	25.248	26.381

Economía

De grande importancia foi a produción de viño a finais do século XIX, o denominado "Viño Carlón", que constituía a maior fonte de riqueza da cidade. Como exemplo diremos que no 1890 foron exportados 17 millóns de litros. Este cultivo realizábase tanto no termo de Benicarló como nas poboacións veciñas de Peníscola, Càlig e Vinaròs. A praga da filoxera acabou con practicamente todas as viñas da zona, desaparecendo por completo este cultivo.

Entre 1931-1944 construíuse o actual porto, co conseguinte impulso no desenvolvemento do sector pesqueiro que, na actualidade, mantén unha frota de máis de 50 embarcacións, a cal obtivo nos últimos anos, unha media de 1 500 000 quilogramos anuais de toda clase de especies mariñas, entre as que destacan o salmonete da pedra, pescada, polbo, peixe sapo, linguado e cigala.

Na década dos anos 60 do pasado século Benicarló converterase en centro receptor de inmigrantes. As causas que atraen esta poboación son: a industria (entre outros as do moble, as destilerías de esencias químicas e a construción) e o auxe turístico. Na actualidade cidadáns de diversas partes do mundo residen na cidade.

En canto á agricultura hai que sinalar que o termo municipal de Benicarló alberga gran cantidade de explotacións agrícolas, tanto de secán como de regadío, destacando a produción da afamada alcachofa de Benicarló (produto con Denominación de Orixe Europea) cítricos, tomates e outros produtos da horta.

Alcachofa de Benicarló

A alcachofa (Cynara Scolymus) cultívase sobre todo nas rexións mediterráneas e nas zonas que gozan dun clima suave. O seu consumo data, de máis de dous mil anos. Estas plantas foron consideradas xa polos antigos como un apreciable alimento, e recomendábase especialmente con coandro, viño, aceite de oliva e Garum, nome dunha soada salsa de peixe usada na antigüidade.

É un cardo grande como o indican as raíces árabes do seu nome "espina de terra". Este cardo grande aparece no escudo da cidade de Benicarló como reflexo da importancia que tiña este produto, xa desde a antigüidade nesta zona.

Ligazóns externas