Cayetano Taboada Sotelo

Cayetano Taboada Sotelo

Biografía
Nacemento	18 de febreiro de 1817 Codeseda, España
Morte	19 de marzo de 1899 (82 anos) Codeseda, España
Presidente da Deputación de Pontevedra
1871 – 1871 ← Francisco Pereira García – Francisco Fernández Anciles →
Datos persoais
Educación	Universidade de Santiago de Compostela
Actividade
Ocupación	avogado, político

Cayetano Manuel Taboada Sotelo, nado en Codeseda (A Estrada) o 18 de febreiro de 1817 e finado na mesma parroquia o 19 de marzo de 1899, foi un avogado e político galego.

Traxectoria

Fillo de Luis Taboada Baamonde e de María Antonia Joaquina Vázquez Sotelo Losada, neto de Pedro Antonio Taboada e de Ana María Baamonde Cortes e de Antonio Miguel Vázquez Sotelo Mariño de Lobeira e de Manuela Antonia Jacoba Losada Navia. Estudou na Universidade de Santiago de Compostela, onde obtivo o grao de bacharel en leis. Foi aprobado para avogado da Audiencia Territorial da Coruña o 8 de xullo de 1841.

Foi concelleiro e primeiro tenente de alcalde da Estrada (1846) e logo procurador síndico (1849). Foi secretario xeral da Xunta de agricultura, industria e comercio da provincia de Ourense en 1860. No Sexenio Democrático foi militante do Partido Liberal, elixido deputado provincial en 1871, 1872 e 1873 o 28 de xullo de 1871 foi nomeado presidente da Deputación de Pontevedra.

Como concelleiro e tenente de alcalde da Estrada promoveu a construción das pontes de Abragan en Codeseda e de Liñares e mandou construír a ponte sobre o río Umia na parroquia de Souto, facendo colocar unha pedra coa inscrición: "Este puente se construyó por disposición del alcalde licenciado don Cayetano Taboada Sotelo año 1847".

Vida persoal

Casou con Magdalena Rivas Martínez, filla de Francisco María Rivas Taboada, o 9 de xullo de 1855.

Véxase tamén

Ligazóns externas

• Biografía na web codeseda.com