Claudia Castellanos
Claudia Castellanos Lara, nada en Madrid o 19 de xullo de 2006, é unha xogadora de hóckey sobre xeo española. Xoga de dianteira e en 2025 xogará no equipo das Lions da Universidade de Lindenwood (Missouri) na División I da National Collegiate Athletic Association (NCAA).
Traxectoria
[editar | editar a fonte]Claudia Castellanos naceu en Madrid o 19 de xullo de 2006 e aos catro anos comezou a patinar no xeo na modalidade de patinaxe artística, pasándose pouco despois ao hóckey sobre xeo logo de ver un adestramento e probalo.[1] e formouse no Quimeras Valdemoro, equipo co que tamén debutou na Liga Iberdrola, a máxima categoría do hóckey sobre xeo feminino en España, da que foi nomeada mellor xogadora do mes de novembro en 2021 con tan só 15 anos. Na tempada 2023-24 trasladouse aos Estados Unidos, onde xogou dous anos nas filas do Newark Ironbound U19 da AAA League.[2][3][4]
En decembro de 2024 converteuse na primeira xogadora española en competir na División I da NCAA logo de asinar coas Lions da Universidade de Lindenwood (Missouri).[2]
Selección española
[editar | editar a fonte]Claudia Castellanos ten xogado tanto coa selección española absoluta como coa selección española sub-18, coa que foi a máxima anotadora do Campionato do Mundo da Division IB que se disputou en Jaca en 2024 grazas aos seus 11 goles e 3 asistencias que axudaron ao equipo español a lograr a medalla de prata.[2]
Palmarés
[editar | editar a fonte]Se ben a maior parte dos seus logros chegaron coa selección española sub-18, Claudia Castellanos ten conseguido coa selección absoluta os seguintes logros:[3]
- 1 medalla de bronce do Campionato do Mundo Division IIA: 2022
- 1 medalla de prata do Campionato do Mundo Division IIA: 2023
Notas
[editar | editar a fonte]- ↑ "Claudia Castellanos es alumna del colegio Alkor y ganadora de las cuatro nacionales junto a la selección española de Hockey" (en castelán). Alkor Report. Revista Escolar Digital - Madrid. 8 de decembro de 2021. Consultado o 8 de decembro de 2024.
- ↑ 2,0 2,1 2,2 "Claudia Castellanos hace historia: primera jugadora de hockey hielo española en alcanzar la División I de la NCAA" (en castelán). Real Federación Española de Deportes de Hielo. 5 de decembro de 2024. Consultado o 7 de decembro de 2024.
- ↑ 3,0 3,1 "Claudia Castellanos" (en inglés). eliteprospects.com. Consultado o 8 de decembro de 2024.
- ↑ "Familia Quimeras. Claudia Castellanos (entrevista á xogadora)" (en castelán). Quimeras Valdemoro. 28 de decembro de 2021. Consultado o 8 de decembro de 2024.
