Dólar de prata da muller no servizo militar dos Estados Unidos
| Dólar de prata da muller no servizo militar dos Estados Unidos | |
|---|---|
 |
 |
| A/: Cinco mulleres con uniforme militar.
Lendas: ARMY ⋆ MARINES ⋆ NAVY ⋆ AIR FORCE ⋆ COAST GUARD / LIBERTY / IN GOD WE TRUST |
R/: Monumento ás mulleres militares dos Estados Unidos en Arlington.
Lenda: UNITED STATES OF AMERICA / WOMEN IN MILITARY SERVICE MEMORIAL / ONE DOLLAR / E PLURIBUS UNUM |
| |
O dólar de prata da muller no servizo militar dos Estados Unidos é unha moeda conmemorativa, non circulante, emitida en 1994 e cuñada pola Casa da Moeda dos Estados Unidos.
Esta moeda dun dólar foi autorizada pola Lei 103-186, do 14 de decembro de 1993,[1] pola que se creaba unha moeda conmemorativa para render homenaxe ás mulleres que forman parte das Forzas Armadas dos Estados Unidos.[2]
Este dólar insírese nunha serie de tres moedas do Programa de Veteranos de 1994, xunto con outros dous dedicados aos veteranos da guerra de Vietnam e aos prisioneiros de guerra estadounidenses.[1][3][4]
Deseños
[editar | editar a fonte]As dúas faces desta moeda foron deseñadas por T. James Ferrell. No seu anverso reprodúcese a imaxe de cinco mulleres de perfil que representan as cinco ramas das Forzas Armadas dos Estados Unidos: Exército de Terra, Marines, Armada, Forza Aérea e Garda Costeira.[2][3]
No seu reverso figura o deseño que foi aprobado para a construción do monumento dedicado ás mulleres militares estadounidenses, en Arlington, Virxinia.[2][3]
Produción e comercialización
[editar | editar a fonte]A lei pola que se autorizou este dólar prevía a cuñaxe dunha tiraxe máxima de 600.000 exemplares. Na Casa da Moeda de West Point —con marca de ceca W—produciuse na súa versión estándar e na Casa da Moeda de Filadelfia —con marca P— na versión con acabamento especial (proof).[3] En total cuñáronse 311.136 exemplares, deles 69.860 en West Point e 241.278 en Filadelfia, que estiveron dispoñibles para a súa compra a partir do 29 de xullo de 1994.[5]
A recadación obtida pola comercialización desta moeda conmemorativa destinouse á Women in Military Service for America Memorial Foundation, co fin de recadar fondos para erguer un monumento en homenaxe ás mulleres no servizo militar dos Estados Unidos.[2]
Notas
[editar | editar a fonte]- ↑ 1,0 1,1 "Public Law 103-168 - DEC. 14, 1993". Govinfo.gov
- ↑ 2,0 2,1 2,2 2,3 "Women in Military Service for America Memorial Dollar". United States Mint.
- ↑ 3,0 3,1 3,2 3,3 "1 Dollar Women In Military Service For America Memorial". Numista.com
- ↑ "Historical Commemorative Coin Sales Figures: 1994 Veterans Program". United States Mint.
- ↑ "Historical Commemorative Coin Sales Figures: 1994 Veterans Program". United States Mint.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- "1994 Women in Military Service Silver Dollar" (ModernCommemoratives.com)