Casa de Trastámara

Casa de Trastámara
Casa materna	Casa de Borgoña - Ivrea
Fundador	Henrique de Trastámara
Último gobernante	Xoana de Trastámara
Fundación	1366 / 1369
Disolución	1555

A casa de Trastámara foi unha dinastía real comezada por Henrique II de Castela. Os seus membros reinaron na coroa de Castela de 1369 até 1504, en Aragón de 1412 até 1516, en Navarra de 1425 até 1479 e en Nápoles de 1458 até 1501. A casa colle o seu nome do condado de Trastámara, no noroeste de Galiza, título que ostentara antes Henrique.

Historia

Afonso XI, o pai de Henrique II, nomeouno conde de Trastámara e señor de Lemos e Sarria en Galicia, e das vilas de Cabrera e Ribera, que constituían un amplo e importante patrimonio no noroeste peninsular. Isto fíxoo xefe da nova dinastía Trastámara, xurdida da rama principal de Borgoña-Ivrea.

A casa de Trastámara reinou en Aragón polo Compromiso de Caspe (1412) e substituíu a casa de Aragón despois da morte de Martiño I o Humano cando houbo un período de interregno onde se puido chegar a unha guerra civil.

A derradeira raíña desta casa en gobernar na coroa de Castela foi a raíña Xoana I "a Tola", que polo seu matrimonio con Filipe I e a través do fillo dos dous, Carlos I, deu paso ao goberno das coroas de Castela e Aragón polos monarcas da casa de Habsburgo.

Árbore xenealóxica

Lista de monarcas da casa de Trastámara

Reis de Castela e León (1369-1555)

Henrique II de Castela (1334-1379), rei de Castela en 1369 despois da revolta dos nobres en contra de Pedro o Cruel. Foi o fundador da dinastía.
Xoán I de Castela (1358-1390), fillo do precedente
- Seu fillo cadete, Fernando, foi elixido rei de Aragón polo Compromiso de Caspe
Henrique III de Castela (1379-1406), fillo do precedente
Xoán II de Castela (1405-1454), fillo do precedente
Henrique IV de Castela (1425-1474), fillo do precedente
Isabel I de Castela (1451-1504), media irmá do precedente
Xoana I de Castela (1479-1555), filla da precedente e de Fernando II de Aragón. Foi tamén, raíña de Navarra dende 1512

Reis de Aragón e de Sicilia (1412-1516)

Fernando o de Antequera (1380-1416), fillo de Xoán I de Castela. Foi elixido rei de Aragón polo Compromiso de Caspe (1412)
Afonso V de Aragón (1394-1458), tamén rei de Nápoles, fillo do precedente
- Seu fillo natural, Fernando, foi rei de Nápoles (1442)
Xoán II de Aragón (1398-1479), irmá do precedente
- Os fillos que tivo coa súa esposa, Branca de Navarra, foron reis de Navarra
Fernando II de Aragón (1452-1516), fillo do segundo matrimonio, herdou dos seus primos napolitanos en 1504.

Reis de Nápoles (1442-1516)

Afonso o Magnánimo (1394-1458), fillo primoxénito de Fernando I de Aragón
Fernando I de Nápoles (1423-1494), fillo natural do precedente
Afonso II de Nápoles (1448-1495), fillo do precedente
Fernando II de Nápoles (1469-1496), fillo do precedente
Frederico II de Nápoles, (1452-1504) fillo cadete de Fernando I de Nápoles
Fernando III de Nápoles (1452-1516), máis coñecido como Fernando II de Aragón e V de Castela e tamén como O Católico.

Reis de Navarra (1425-1479 e 1512-1555)

Xoán II de Aragón (1398-1479), fillo cadete de Fernando I de Aragón e tamén rei de Navarra xunto coa súa esposa Branca de Navarra (1425)
Carlos (1421-1461), fillo dos precedentes, Fernando de Aragón e Branca de Navarra. Herdeiro do Reino de Navarra co título de Príncipe de Viana
Branca II de Navarra (1424-1464), irmá do precedente
Leonor I Navarra (1425-1479), irmá da precedente
Xoana I de Castela (1479-1555), despois da anexión do reino de Navarra pola coroa de Castela en 1512.

Véxase tamén

Outros artigos

Bibliografía

(en castelán)Valdeón Luque, Julio: Los trastámaras. Madrid, Ediciones Temas de Hoy, 2001. ISBN 84-8460-129-3. Reeditado en 2006 por RBA Ediciones, ISBN 84-473-4739-7