Dunkerque

Dunkerque
	Dunkerque (fr); Duunkerke (vls); Duinkerken (nl)
	Bandeira
Localización
	51°02′16″N 2°22′35″L / 51.0378, 2.3764
Estado	Francia
Divisións administrativas	Francia Metropolitana
Rexións	Altos de Francia
Departamento	Norte, Francia
Distrito	arrondissement of Dunkirk (en)
Capital de	canton of Dunkerque-Ouest (en) ; canton of Dunkerque-Est (en) ; arrondissement of Dunkirk (en) ; canton of Dunkerque-2 (en) (2015–); canton of Dunkerque-1 (en) (2015–)
Poboación
Poboación	87.013 (2022) (1.982,52 hab./km²)
Lingua usada	Flamengo occidental ; lingua francesa
Xeografía
Situado na entidade territorial estatística	Q108921420 ; Unité urbaine de Dunkerque (en)
Superficie	43,89 km²
Altitude	4 m-0 m-17 m
Comparte fronteira con	Coudekerque-Branche ; Cappelle-la-Grande ; Grande-Synthe ; Leffrinckoucke ; Armbouts-Cappel ; Spycker ; Téteghem-Coudekerque-Village ; Loon-Plage
Datos históricos
Precedido por	Rosendaël, Petite-Synthe (en) , Malo-les-Bains, Mardyck (en) , Dunkerque (en) , Fort-Mardyck e Saint-Pol-sur-Mer
Creación	960
7 de setembro de 1646	Evento clave
7 de setembro de 1646	Siege of Dunkirk (en)
25 de maio de 1658	Siege of Dunkirk (en)
24 de agosto de 1793	Siege of Dunkirk (en)
15 de setembro de 1944	Siege of Dunkirk (en)
Organización política
• Alcalde	Patrice Vergriete (2014–)
Identificador descritivo
Código postal	59140, 59240, 59430, 59640 e 59279
Fuso horario	UTC+01:00, horario estándar; UTC+02:00, horario de verán
Outro
Irmandado con	Gaza ; Riga ; Ramat Hasharon (pt) ; Rostock (1960–); Krefeld (1974–); Middlesbrough (pt) (1976–); Liberec (2010–)
Sitio web	ville-dunkerque.fr

Dunkerque (en neerlandés Duinkerke) é unha cidade portuaria do norte de Francia, no departamento de Norte, situada a 10 quilómetros da fronteira con Bélxica.

Xeografía

A poboación do concello era de 86.865 habitantes no ano 2018. Incluíndo poboacións próximas, a poboación da área metropolitana é de máis de 200 mil habitantes. O seu nome provén das palabras neerlandesas duin (duna) e kerk (igrexa).

Historia

Rexión moi disputada entre España (pois pertencía aos Países Baixos españois), Inglaterra, os Países Baixos e Francia, non foi ata o 17 de outubro de 1662 que pasou definitivamente a soberanía francesa, cando Carlos II de Inglaterra llela vendeu por 40.000 libras. Durante o reinado de Lois XIV serviu de base para un gran número de corsarios, o máis famoso dos cales foi Jan Bart, coñecido por atacar barcos holandeses.

Xa bombardeada durante a Primeira guerra mundial, a cidade padeceu especialmente durante a Segunda. En 1940 foi escenario da evacuación de 300.000 soldados franceses e británicos, estes últimos pertencentes á Forza Expedicionaria Británica, cara a Gran Bretaña, ante o avance alemán, no que foi coñecido como Operación Dinamo (ver Batalla de Dunkerque).

O 14 de decembro de 2002, o Tricolor, un barco noruegués destinado ao transporte de coches, chocou co Kariba (rexistrado nas Bahamas) en fronte ás costas de Dunkerque, e afundiu, o que representou un inmenso perigo para a navegación no canle da Mancha. Xa á noite seguinte o Nicola, un barco alemán, tocou o naufraxio e tivo que ser remolcado para liberarse. O 1 de xaneiro de 2003 o barco de bandeira turca Vicky embarrancou nos restos do Tricolor, pero puido marchar ao subir a marea.

Economía

Dunkerque é o terceiro porto máis grande de Francia logo do Le Havre e de Marsella. Tamén teñen importancia as industrias metalúrxica, alimentaria, petroquímica e naval. Dunkerque representa, ademais, un importante nó de comunicacións, con enlaces con tren de alta velocidade con Lille e París (ademais de trens de proximidade), por autoestrada con Flandres e Calais e por ferri con Ramsgate e Dover, en Gran Bretaña.

Eventos e atraccións turísticas

O Museo portuario acolle exposicións sobre a historia da cidade e do porto.
O Museo de Belas Artes ten unha ampla colección de pintura e escultura flamenga, inglesa e francesa.
O entroido de Dunkerque.
Os Catro días de Dunkerque unha proba de ciclismo profesional.