Eagulls
| Eagulls | |
|---|---|
.jpg) Eagulls en 2011 | |
| Orixe | Leeds,  Inglaterra |
| Período | 2010 - presente |
| Xénero(s) | post-punk |
| Selo(s) discográfico(s) | Partisan Records |
| Membros | Mark 'Goldy' Goldsworthy Henry Ruddel Liam Matthews Tom Kelly George Mitchell |
| Na rede | |
| http://www.eagulls.co.uk/ | |
          | |
Eagulls é unha banda inglesa de post-punk formada en Leeds no ano 2010.[1] O grupo está composto por Mark Goldsworthy (guitarra), Henry Ruddel (batería), Liam Matthews (guitarra), Tom Kelly (baixo) e George Mitchell (voces).[2][3]
Historia
[editar | editar a fonte]Eagulls formouse en 2010 e publicou o seu primeiro sinxelo, "Council Flat Blues", a través no selo de Moshi Moshi Records Not Even Records. O seu primeiro EP, Eagulls, gravado por MJ da banda Hookworms, foi publicado en 2012 tanto polo selo londiniense Sexbeat como polo canadense Deranged Records. No ano 2013 o grupo asinou un contrato con Partisan Records, publicando o sinxelo "Nerve Endings" cunha versión do tema de Killing Joke "Requiem", e o sinxelo "Tough Luck". O seu primeiro álbum, Eagulls, publicouse en marzo de 2014.
A banda recibiu a atención continua de certos medios, tanto nacionais como internacionais. Foron elixidos a "New Favourite Band" en 2013 por Steve Lamacq da emisora BBC Radio 6.[4] Tocaron polo Reino Unido e Europa ao lado de destacados artistas como Manic Street Preachers, Flipper, Milk Music, Ceremony, Iceage, Hot Snakes e Pulled Apart By Horses, e nos Estados Unidos tocaron nos festivais South by Southwest en Texas e CMJ de Nova York. En 2014 apareceron no programa Late Show with David Letterman, interpretando a súa canción "Possessed" para Bill Murray. Ese mesmo ano foi elixida como abreconcertos para a xira británica de Franz Ferdinand.
En maio de 2016 a banda publicou o seu segundo álbum, Ullages, tamén a través de Partisan Records.[5] Producido por Matt Peel, o título é un anagrama do nome da banda.
Discografía
[editar | editar a fonte]| Álbum | Ano | Selo |
|---|---|---|
| Eagulls | 2014 | Partisan Records |
| Ullages | 2016 | Partisan Records |
Notas
[editar | editar a fonte]- ↑ Brown, Harley. Interview Magazine, ed. "Eagulls Get Loud". Consultado o 16 de xaneiro de 2017.
- ↑ Lester, Paul. The Guardian, ed. "New band of the week - Eagulls". Consultado o 16 de xaneiro de 2017.
- ↑ NME (ed.). "Radar Band Of The Week – No.43: Eagulls". Consultado o 16 de xaneiro de 2017.
- ↑ BBC (ed.). "Eagulls join as New Favourite Band". Consultado o 16 de xaneiro de 2017.
- ↑ Gourlay, Dom. Drowned in Sound, ed. "Eagulls - Ullages". Arquivado dende o orixinal o 14 de agosto de 2016. Consultado o 16 de xaneiro de 2017.
