O'Donell Lorenzo
| Nome orixinal | O'Donell Lorenzo Codesido | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||||||||||||||||||||||||
| Nacemento | 20 de xullo de 1910 Pontevedra, España  | ||||||||||||||||||||||||||||||||||||||
| Morte | 14 de setembro de 1979 (69 anos) Pontevedra, España | ||||||||||||||||||||||||||||||||||||||
| País de nacionalidade | Galiza  Galicia | ||||||||||||||||||||||||||||||||||||||
| Actividade | |||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||
| |||||||||||||||||||||||||||||||||||||||
| Familia | |||||||||||||||||||||||||||||||||||||||
| Irmáns | Edelmiro Lorenzo Codesido Gonzalo Lorenzo Codesido | ||||||||||||||||||||||||||||||||||||||
O'Donell Lorenzo Codesido, tamén coñecido como Edelmiro II, nado en Pontevedra o 20 de xullo de 1910 e finado na mesma cidade o 14 de setembro de 1979, foi un futbolista galego, que xogaba na demarcación de dianteiro.
Traxectoria
[editar | editar a fonte]Formou parte dunha saga familiar de dianteiros xunto ao seu irmán xemelgo Edelmiro e ao seu outro irmán Gonzalo. Comezou a xogar ao fútbol en equipos do seu barrio antes de fichar polo Eiriña CF, co que debutou en marzo de 1928.[1] Co equipo pontevedrés disputou o Campionato de Galicia nas tempadas 1928/29 e 1929/30.
En xaneiro de 1930 emigrou á Habana, onde levaban xa un tempo seus irmáns,[2] e fichou como eles polo Iberia. Debutou nun partido do Campionato Nacional contra o Olimpia, formando na dianteira xunto a Edelmiro, Pedrito, Bebito e o coruñés Bergés, e marcando o seu primeiro gol.[3] Con este equipo disputou o Campionato Nacional e en decembro de 1931 emprendeu con el unha xira por México, co equipo reforzado con xogadores como os coruñeses Chorens e Cholas.[4][5] Xogou no Iberia ata xullo do ano 1933.[6]
En agosto regresou a España e fichou polo Espanyol, seguindo os pasos de seu irmán Edelmiro, que xogaba no club catalán dende había tres tempadas. Por este motivo foi alcumado Edelmiro II dende a súa chegada.[7] Debutou en partido oficial na primeira xornada da tempada 1933/34, marcando dous goles contra a Real Sociedad en Sarrià (4-0). Ese mesmo ano o Espanyol enfrontouse na Copa do Presidente da República ao Celta de Vigo, equipo no que xogaba o seu outro irmán, Gonzalo, coincidindo os tres irmáns sobre o campo, tanto no partido de ida como no de volta. Xogou no Espanyol ata o ano 1935, cando fichou polo Levante FC, da Segunda División.
Pasou a guerra civil en Galicia, xogando de novo nas filas do Eiriña, onde coincidiu outra vez co seu irmán Edelmiro. Co club pontevedrés disputou as tempadas 1936/37 e 1937/38 do campionato galego. A finais de 1939 o Celta de Vigo fixo varias fichaxes procedentes do Eiriña para reforzarse de cara ao seu debut na Primeira División, e desta maneira chegou a Vigo xunto a Cons e Pirelo.[8]
Debutou co Celta na máxima categoría o 3 de decembro de 1939 ante o Zaragoza, formando na dianteira xunto a Venancio, Nolete e Toro. Porén este sería un dos tres encontros que disputaría en todo o campionato, aos que sumou dous na Copa do Xeneralísimo, sen marcou ningún tanto.
Na tempada 1940/41 xogou no Alfonso XIII, que militaba na Serie A rexional,[9] e na tempada seguinte formou parte do Vigués FC.[10]
Notas
[editar | editar a fonte]- ↑ "En Orense". Diario de Pontevedra (en castelán) (12978). 19 de marzo de 1928. p. 2. Consultado o 19 de decembro de 2021.
- ↑ Peter (14 de xaneiro de 1930). "Tópicos futbolísticos". Diario de la Marina (en castelán). p. 16. Consultado o 20 de decembro de 2021.
- ↑ "Los Toros de la "Juventud Asturiana" al Vencer a los Alacranes del Ctro. Gallego Dos Goal Por Uno Mantienen su Invicto". Diario de la Marina (en castelán). 20 de xaneiro de 1930. p. 15. Consultado o 20 de decembro de 2021.
- ↑ "El Entusiasmo de los Aficionados Fué Grande Para Despedir a Los Futbolistas Que Van Para México". Diario de la Marina (en castelán). 9 de decembro de 1931. p. 13. Consultado o 20 de decembro de 2021.
- ↑ "Perdieron los leones del Iberia su primer encuentro en México". Diario de la Marina (en castelán). 21 de decembro de 1931. p. 11. Consultado o 20 de decembro de 2021.
- ↑ Peter (29 de xullo de 1933). "Tópicos futbolísticos". Diario de la Marina (en castelán). p. 12. Consultado o 20 de decembro de 2021.
- ↑ "El cuadro del Español para la próxima temporada". La correspondencia de Valencia (en castelán) (22189). 9 de agosto de 1933. p. 4. Consultado o 20 de decembro de 2021.
- ↑ "Entrenaron ayer los célticos". El Pueblo Gallego (en castelán) (5040). 17 de novembro de 1939. p. 3. Consultado o 20 de decembro de 2021.
- ↑ "Alfonso, 3, Sportivo, 1". El Pueblo Gallego (en castelán) (5318). 8 de outubro de 1940. p. 8. Consultado o 20 de decembro de 2021.
- ↑ "El Vigués recibe al Santiago". El Pueblo Gallego (en castelán) (5673). 9 de outubro de 1941. p. 4. Consultado o 20 de decembro de 2021.
Véxase tamén
[editar | editar a fonte]Ligazóns externas
[editar | editar a fonte]- Berto V. T. (20 de marzo de 2011). "O'Donell Lorenzo". Yo jugué en el Celta (en castelán).
| Control de autoridades |
|
|---|
