Eileen Ivers
  | |
| Biografía | |
|---|---|
| Nacemento | 13 de xullo de 1965 (59 anos) |
| Educación | Iona University (en)  |
| Actividade | |
| Ocupación | violinista |
| Instrumento | Violín e fiddle |
| Páxina web | eileenivers.com |
         | |
Eileen Ivers, nada en Nova York o 13 de xullo de 1965, é unha violinista estadounidense.
Traxectoria
[editar | editar a fonte]De pais irlandeses, Ivers creceu no Bronx e asistiu ao St. Barnabas High School.[1] Durante a súa infancia pasou os veráns en Irlanda e comezou a tocar o violín aos nove anos, titorizada polo violinista irlandés Martin Mulvihill.[2] Fixo unha xira con Mick Moloney (músico e estudoso das raíces musicais americanas, irlandesas, galegas e africanas)[3] e a súa banda Green Fields of America, fundada en 1977. Graduouse cum laude no Iona College de Nova York e completou un posgrao en Matemáticas.
Foi fundadora da banda Cherish the Ladies, coa que gravou varios discos e realizou xiras durante varios anos.[4]
En 1994 publicou o seu primeiro álbum Eileen Ivers – Traditional Irish Music. En 1995, substituíu o violinista no espectáculo de danza e música tradicional irlandesa Riverdance de Bill Whelan e realizou varias xiras co grupo.[2]
O seu violín eléctrico Barcus-Berry de cor azul inspirou o nome do seu álbum Wild Blue, lanzado en 1996. Posteriormente substituíuno por un electroacústico Zeta Strados, tamén de azul e feito segundo as súas especificacións pola empresa estadounidense Zeta Music Systems.[5]
No ano 2000 participou no Festival de Ortigueira.[6] En 2002 colaborou na banda sonora da película Gangs of New York, en 2003 actuou no Festival Intercéltico de Lorient. En 2005 participou no disco 25 de Milladoiro.[7]
Discografía
[editar | editar a fonte]álbums solistas
[editar | editar a fonte]- Eileen Ivers – Traditional Irish Music (1994)
- So Far (1979–1995) (1995)
- Wild Blue (1996)
- Crossing the Bridge (1999)
- Eileen Ivers and Immigrant Soul (2003)
- An Nollaig: An Irish Christmas (2007)
colaboracións
[editar | editar a fonte]- Riverdance: Music from the Show (1995)
- Song of the Irish Whistle de Joanie Madden (1996) [8]
- The Fiddling Ladies de The Chieftains no álbum Tears of Stone (1999)
- Becoming de Micheál Ó Súilleabháin (1998)
- Celtic Solsticie de Paul Winter (1999)
- Lament for Stalker Wallace - Gangs of New York Soundtrack (2002)
- Seed (2003)
- New York Town de Black 47 no álbum New York Town (2004)
- 25. Álbum de Milladoiro (2005)
- Voice of Hope de Tommy Fleming
- Absolutely Irish, compilación de varios artistas (2008)
- Into the Deep: America, Whaling & The World de Brian Keane (2010) [9]
- Banda sonora da serie de televisión Copper de Brian Keane (2013) [10]
Notas
[editar | editar a fonte]- ↑ Sauro, Tony (19 de setembro de 2013). "Former math star takes the fiddling world by storm". Consultado o 11 de febrero de 2016.
- ↑ 2,0 2,1 Mullins, Emer. Erro no código da cita: Etiqueta
<ref>non válida; o nome "9c99dbff" está definido varias veces con contidos diferentes - ↑ Schweitzer, Vivien (2022-08-01). "Mick Moloney, Musician and Champion of Irish Culture, Dies at 77". The New York Times (en inglés). ISSN 0362-4331. Consultado o 2023-03-12.
- ↑ Greenberg Artists. "Eileen Ivers" (en inglés). Arquivado dende o orixinal o 5 de agosto de 2017. Consultado o 5 de agosto de 2017.
- ↑ Musikaze. "Eileen Ivers" (en inglés). Consultado o 5 de agosto de 2017.
- ↑ Voz de Galicia (27 de xuño de 2000). "O festival celta de Ortigueira agarda reunir a 30.000 persoas". Consultado o 5 de agosto de 2017.
- ↑ "25 (CD) – Milladoiro". Consultado o 2023-03-12.
- ↑ "Song of the Irish Whistle". Consultado o 30 de maio de 2013.
- ↑ "Into the Deep: America, Whaling & The World". Consultado o 30 de mayo de 2013.
- ↑ "Copper: Original Soundtrack". Consultado o 30 de mayo de 2013.
Véxase tamén
[editar | editar a fonte] |
Wikimedia Commons ten máis contidos multimedia na categoría: Eileen Ivers |
