Emirates Stadium

Emirates Stadium
	Emirates Stadium
Tipo	estadio de fútbol
Localización
Enderezo	Hornsey Rd, London N7 7AJ
Localización	Londres, Inglaterra
	51°33′18″N 0°06′31″O / 51.555, -0.10861111111111
Estado	Reino Unido
País	Inglaterra
Rexións	Londres
Condado cerimonial	Gran Londres
Borough	Islington
Construción
Fundación	22 de xullo de 2006
Inauguración	22 de xullo de 2006
Dimensións
Capacidade	60.355
Tipo superficie	Desso GrassMaster e céspede
Implicados
Propietario(s)	Arsenal F.C.
Arquitecto(s)	HOK Sport
Ocupante(s)	Arsenal F.C. e Arsenal W.F.C. (en)
Deporte
Deporte	fútbol
Localía	Arsenal F.C.
Eventos
	Copa do Mundo de Rugby 2015
Contacto
Páxina WEB	arsenal.com…
	[ Wikidata ]

O Emirates Stadium é o terceiro maior estadio de fútbol de Inglaterra, despois do mítico Old Trafford e do ultramoderno Wembley, e por tanto o segundo máis grande de Londres. O Emirates está situado ao norte de Londres, no barrio de Ashburton Grove, moi preto de Highbury Stadium. É propiedade do Arsenal F.C. e nel disputa os seus partidos como local. Ten unha capacidade de 60.355 espectadores sentados.^[1]

Historia

Foi inaugurado no verán de 2006 nun partido amigable Arsenal FC e o Ajax Amsterdam como homenaxe ao xogador holandés Dennis Bergkamp. Creouse como novo estadio do Arsenal para substituír o antigo Highbury Stadium. Actualmente é usado para os partidos da Premier League.

Ten capacidade para 60.355 espectadores, o terreo de xogo conta cunha superficie de 105x68 metros e a súa construción custou uns 390 millóns de libras esterlinas, é dicir, 581 millóns de euros. O estadio foi deseñado pola compañía HOK Sport, que tamén deseñou o Estádio da Luz de Lisboa ou o Estadio Novo Wembley. O seu nome débese a un contrato por 15 anos con Emirates Airlines.

Elementos radioactivos

En decembro de 2006 atopáronse no estadio restos de polonio 210, material altamente radioactivo co que se envelenou ao exaxente soviético Aleksandr Litvinenko. Os sospeitosos do asasinato presenciaron o 1 de novembro o partido entre o Arsenal e o CSKA Moscova. Con todo as cantidades eran mínimas, e rapidamente informouse que non se trataba dun risco para a saúde pública.

Notas

↑ "Statement of Accounts and Annual Report 2006/2007" (PDF). Arquivado dende o orixinal (PDF) o 16 de febreiro de 2008. Consultado o 03 de febreiro de 2010.

Véxase tamén

Outros artigos

Arsenal F.C.

Ligazóns externas

Sitio do Emirates Stadium na web oficial do Arsenal

[2007annualreport-1] "Statement of Accounts and Annual Report 2006/2007" (PDF). Arquivado dende o orixinal (PDF) o 16 de febreiro de 2008. Consultado o 03 de febreiro de 2010.

[1]