Ellis Park

Ellis Park
Coca-Cola Park durante o partido Eslovaquia-Italia na Copa Mundial de Fútbol de 2010.
Tipo	estadio de rugby e estadio de fútbol
Custo	£ 5.000
Localización
26°11′51″S 28°03′39″L
Localización	Xohanesburgo, Suráfrica
Enderezo	47 N. Park Lane, Johannesburg 2028
Datas
Fundación	1927
Inauguración	1928
Acontecementos
	Copa do Mundo de Rugby 1995
	Copa Confederacións Suráfrica 2009
	Mundial de Fútbol Suráfrica 2010
Dimensións
Capacidade	62.567
Tipo superficie	céspede
Persoas e organizacións
Propietario/a	Golden Lions Rugby Union Orlando Pirates F.C.
Arquitecto/a	Boogertman & Partners
Ocupante	Lions
Deporte
Deporte	fútbol, tenis e rugby a 15
Localía	Golden Lions Rugby Union Orlando Pirates F.C. Selección de rugby de Suráfrica
Contacto
Páxina WEB	lionsrugby.co.za…
[ Wikidata ]

O Ellis Park, chamado por motivos publicitarios Coca-Cola Park (First National Bank), é un estadio de rugby e de fútbol localizado en Xohanesburgo, Suráfrica, que foi sede de partidos da Copa Mundial de Fútbol de 2010. Este estadio acolleu a final da Copa do Mundo de Rugby 1995 onde a selección de rugby de Suráfrica gañou, feito representado na película "Invictus".

Historia

Inaugurado en 1928, foi demolido e reconstruído en 1982. Ten unha capacidade de 62.567 espectadores para partidos de rugby ou fútbol. Até a construción dos novos escenarios da Copa Mundial de Fútbol de 2010, era o estadio máis moderno do país. Ellis Park é a sede do Orlando Pirates F.C., que se converteu en 1995 no primeiro equipo de Suráfrica en alzarse co título da Copa Africana de Clubs Campións.

O 11 de abril de 2001 foi escenario dunha das maiores traxedias do deporte: durante un encontro entre Kaizer Chiefs e Orlando Pirates, 43 seareiros morreron tentando acceder ao seu interior, cando xunto con 30.000 persoas máis tentaban ingresar a un estadio que xa estaba cheo. Albergou a final da Copa do Mundo de Rugby 1995 e foi unha das sedes da Copa Mundial de 2010. Para esta competición, a súa capacidade ampliouse ata 70.000 localidades, cunha remodelación mínima.

Copa do Mundo 2010

Artigo principal: Copa Mundial de Fútbol de 2010.

Partidos

O Ellis Park albergou durante o campionato sete encontros: cinco encontros da fase de grupos, un de oitavos de final e un de cuartos de final. Os partidos foron os seguintes:

Data	Fase	Equipo		Resultado		Equipo	Espectadores
12 de xuño	Primeira rolda	Arxentina		1 - 0		Nixeria	55.686
15 de xuño	Primeira rolda	Brasil		2 - 1		Corea do Norte	37.034
18 de xuño	Primeira rolda	Eslovenia		2 - 2		Estados Unidos	45.573
21 de xuño	Primeira rolda	España		2 - 0		Honduras	54.386
24 de xuño	Primeira rolda	Eslovaquia		3 - 2		Italia	53.412
28 de xuño	Oitavos de final	Brasil		3 - 0		Chile	54.096
2 de xullo	Cuartos de final	Paraguai		0 - 1		España	55.359

Véxase tamén

Outros artigos

• Copa Mundial de Fútbol de 2010

Ligazóns externas

• Sitio web oficial Arquivado 04 de febreiro de 2005 en Wayback Machine. (en inglés)
• Ellis Park en Google Maps