Estadio Moses Mabhida
| Estadio Moses Mabhida | |
|---|---|
  Moses Mabhida-stadion | |
| Datos | |
| Coordenadas | 29°49′44″S 31°01′49″L / -29.829, 31.0303 |
| Localización | Durban, Suráfrica |
| Construción | |
| Inauguración | 24 de novembro de 2009 |
| Arquitecto | GMP Architekten |
| Custo | $450 millóns |
| Estadio | |
| Superficie | Céspede |
| Dimensións | 320x280x45 |
| Capacidade | 70.000 |
| Propietario | eThekwini |
| Eventos | |
| [ editar datos en Wikidata ] | |
O Moses Mabhida é un estadio multiúsos situado en Durban (Suráfrica), construído para a disputa da Copa Mundial de Fútbol de 2010. Leva o nome de Moses Mabhida, un exsecretario xeral do Partido Comunista Surafricano (SACP), e está destinado a ser un estadio de usos múltiples de categoría mundial.[1]
O estadio ten unha capacidade prevista dunhas 70.000 persoas. Está situado no novo Recinto Deportivo Kings Park, como parte dos plans da cidade para a Copa do Mundo da FIFA. Sitúase xunto ao antigo Estadio Kings Park, que dará paso ao novo complexo que inclúe un pavillón cuberto, un museo do deporte, novos aparcadoiros e unha estación de transporte. O nome previsto nun principio para esta instalación era Estadio King Senzangakhona, e aínda é coñecido con este nome nalgúns ámbitos.
Características
[editar | editar a fonte]O deseño do estadio foi levado a cabo polo Estudo alemán GMP Architekten, que xa levou a cabo obras similares en distintas partes do mundo. A característica principal do estadio é o arco que se proxecta 105 m sobre o chan, podendo acceder ao alto do mesmo os espectadores por teleférico dende un lateral, ou a través de centos de chanzos desde o outro. Situado xunto ao océano Índico, o Moses Mabhida Stadium dispón dun teito cuberto que lle converte no máis vistoso dos novos estadios de Suráfrica.[2]
Construción
[editar | editar a fonte]A súa construción atrasouse trinta e dous meses sobre os prazos previstos, sendo finalizado en outubro de 2009, e inaugurado o 29 de novembro do mesmo ano. O custo da construción foi de máis de 450 millóns de dólares, o segundo máis caro dos construídos para o mundial.[3]
Utilización
[editar | editar a fonte]Durante a disputa do Mundial de Fútbol Suráfrica 2010, o estadio foi a sede de cinco encontros da fase de grupos, un de oitavos de final e unha semifinal. Despois foi destinado a partidos de fútbol da liga de Suráfrica e da selección nacional, así como encontros de rugby e atletismo, entre outros acontecementos.
Copa do Mundo 2010
[editar | editar a fonte]- Artigo principal: Copa Mundial de Fútbol de 2010.
Partidos
[editar | editar a fonte]O estadio Moses Mabhida albergou durante o campionato sete encontros: cinco encontros da fase de grupos, un de oitavos de final, e unha semifinal. Os partidos foron os seguintes:
| Data | Fase | Equipo | Resultado | Equipo | Espectadores | ||
|---|---|---|---|---|---|---|---|
| 13 de xuño | Primeira rolda | Alemaña | 
|
|
Australia | ||
| 16 de xuño | Primeira rolda | España | 
|
|
Suíza | ||
| 19 de xuño | Primeira rolda | Países Baixos | 
|
|
Xapón | ||
| 22 de xuño | Primeira rolda | Nixeria | 
|
|
Corea do Sur | ||
| 25 de xuño | Primeira rolda | Portugal | 
|
|
Brasil | ||
| 28 de xuño | Oitavos de final | Países Baixos |
|
|
Eslovaquia | ||
| 11 de xullo | Semifinal | Alemaña |
|
|
España |
Notas
[editar | editar a fonte]- ↑ "Name changes proposed for Durban". www.iol.co.za (en inglés). Consultado o 2021-03-02.
- ↑ "FIFA: Durban, "á vangarda" co seu precioso estadio para 2010". Arquivado dende o orixinal o 23 de outubro de 2013. Consultado o 10 de xuño de 2010.
- ↑ Moderno e fermoso estadio mundialista abriu as súas portas[Ligazón morta]
Véxase tamén
[editar | editar a fonte] |
Wikimedia Commons ten máis contidos multimedia na categoría: Estadio Moses Mabhida  |
