Soccer City

Soccer City
FNB Stadium
Tipo	estadio de fútbol
Custo	$440 millóns
Localización
26°14′05″S 27°58′57″L
Estado	Suráfrica
Provincia	Gauteng
Municípios metropolitanos da África (pt)	City of Johannesburg Metropolitan Municipality (en)
Cidade	Xohanesburgo
Localización	Xohanesburgo, Suráfrica
Enderezo	Stadium Ave., Nasrec, Johannesburg 2147, ZA
Datas
Fundación	1989
Inauguración	1989
Acontecementos
	Mundial de Fútbol Suráfrica 2010
Dimensións
Capacidade	94.700
Superficie	Céspede
Tipo superficie	céspede
Persoas e organizacións
Propietario/a	Stadia and Soccer Development Trust
Arquitecto/a	Boogertman & Partners
Operador/a	Associação de Futebol da África do Sul (pt)
Ocupante	Suráfrica e Kaizer Chiefs Football Club (pt)
Deporte
Deporte	fútbol
Localía	Selección de Suráfrica
Contacto
Páxina WEB	joburg.org.za…
[ Wikidata ]

O Soccer City, chamado por motivos publicitarios FNB Stadium (First National Bank), é un estadio de fútbol localizado en Xohanesburgo, Suráfrica, que foi sede de partidos da Copa Mundial de Fútbol de 2010, entre os cales estiveron o partido inaugural e a gran final entre os Países Baixos e España.

Foi construído en 1987, e dispuña de 78.000 espectadores. Foi parcialmente demolido para o mundial de 2010, e a súa capacidade ampliada a 94.700 espectadores sentados, o que o converte no estadio máis grande de África. A maioría dos grandes acontecementos futbolísticos de Suráfrica desenvólvense no FNB, xa que se adapta mellor a estes eventos que o próximo Ellis Park, onde se disputou a final da Copa do Mundo de Rugby de 1995. Soweto e o Centro Nacional de Exposicións en Nasrec están nas súas proximidades. Unha vez remodelado, volveu ser sede de partidos internacionais da selección de fútbol de Suráfrica, disputando o primeiro deles contra Colombia, o 27 de maio de 2010.

Eventos

No Soccer City xogouse a final da Copa Africana de Nacións 1996, na que Suráfrica quedou campioa. Tamén foi escenario do primeiro discurso multitudinario de Nelson Mandela, tras a súa liberación en 1990. En 1993 celebráronse no estadio os funerais por Chris Hani, o líder do Partido Comunista de Suráfrica. Foi tamén o escenario para o funeral de Nelson Mandela o 10 de decembro de 2013, cinco días despois do seu falecemento.

Copa do Mundo 2010

Artigo principal: Copa Mundial de Fútbol de 2010.

Soccer City albergará o 11 de xuño de 2010 o partido inaugural do campionato, entre a elección do país anfitrión e a selección de México, e despois catro da primeira rolda, un de oitavos de final, outro de cuartos de final e a gran final. O estadio someteuse a unha importante renovación para o torneo, cun novo deseño inspirado na cerámica tradicional africana. O nivel superior estenderase en todo o estadio para aumentar a capacidade a 94.700 espectadores, con 99 suites executivas. Inclúe a construción dunha cuberta elíptica, novas instalacións de vestiarios e nova iluminación. As obras foron adxudicadas ao consorcio Grinaker-LTA, e comezaron en febreiro de 2007. En xullo de 2009, o estadio estaba practicamente completado, faltando só por plantar o céspede, culminando as obras en decembro de 2009.

Partidos

Soccer City albergou durante o campionato oito encontros (incluíndo o partido inaugural e a final): cinco encontros da fase de grupos, un de oitavos de final, un de cuartos e a final. Os partidos foron os seguintes:

Data	Fase	Equipo		Resultado		Equipo	Espectadores
11 de xuño	Primeira rolda	Suráfrica		1 - 1		México	84.490
14 de xuño	Primeira rolda	Países Baixos		2 - 0		Dinamarca	83.465
17 de xuño	Primeira rolda	Arxentina		4 - 1		Corea do Sur	82.174
20 de xuño	Primeira rolda	Brasil		3 - 1		Costa do Marfil	84.455
23 de xuño	Primeira rolda	Ghana		0 - 1		Alemaña	83.391
27 de xuño	Oitavos de final	Arxentina		3 - 1		México	84.377
3 de xullo	Cuartos de final	Uruguai		1 - 1		Ghana	84.017
11 de xullo	Final	Países Baixos		0 - 1		España	84.490

Véxase tamén

Outros artigos

• Copa Mundial de Fútbol de 2010

Ligazóns externas

• Sitio web oficial Arquivado 06 de febreiro de 2010 en Wayback Machine.
• Soccer City en Google Maps