Extraliga Checa (hóckey sobre xeo)

Extraliga Checa

Tipo	liga de hóckey sobre xeo
Organizador	Asociace profesionálních klubů ledního hokeje (en) (–2012) Associação Tcheca de Hóquei no Gelo (pt) (2012–2022) Asociace profesionálních klubů ledního hokeje (en) (2022–)
Liga inferior	1st Czech Republic Hockey League (en)
Localización  e  Datas
País	República Checa
Vixencia	1993 –
Calendario da tempada	setembro – abril
Período de ocorrencia	1 ano
Outro
Páxina web oficial	ceskyhokej.org…

A Extraliga Checa (en checo Extraliga ledního hokeje ou ELH) é a máxima competición de hóckey sobre xeo na República Checa e catalogada pola IIHF como a terceira liga nacional máis importante de Europa. Esta liga é unha importante canteira de xogadores, exportando talentos tódolos anos ás dúas grandes ligas do mundo, a Kontinental Hockey League (KHL) eurasiática e á National Hockey League (NHL) norteamericana. Actualmente está integrada por 14 equipos e o club máis laureado da historia da competición é o VHK Vsetín con seis títulos ligueiros. A televisión que retransmite a competición é a Česká televize.

Historia

Esta liga creouse en 1993 trala separación administrativa de Checoslovaquia nas actuais repúblicas de Chequia e de Eslovaquia, polo cal a Liga checoslovaca se dividiu en dúas ligas: a Extraliga Checa e a Extraliga Eslovaca.

Denominacións ao longo da súa historia

En moitas ocasións o nome da liga estivo vencellado a un patrocinador, polo que a súa denominación foi variando moito ao longo da súa historia:

• Na tempada 1999-2000: Staropramen Extraliga
• Na tempada 2001-02: Český Telecom Extraliga
• Dende o 2003 ao 2006: Tipsport Extraliga
• Dende o 2007 ao 2010: O2 Extraliga
• Dende o 2010: Tipsport Extraliga

Formato

A Extraliga Checa está formada por 14 equipos que xogan un total de 52 partidos na liga regular. Os 10 mellores equipos ao final da liga regular disputan os play-offs polo título, mais coa particularidade de que os equipos que finalizaron entre o 7º posto e o 10º disputan unha rolda eliminatoria previa no formato do mellor de cinco encontros para decidir que dous equipos acompañarán aos seis mellores nos cuartos de final do play-off, que se disputan ao mellor de sete encontros.

Dende a tempada 2006-07, o equipo que consegue a vitoria no tempo regulamentario consegue tres puntos, se gaña na prórroga dous puntos e o equipo que perde na prórroga recibe un punto. Se fora necesario, realizaríase unha quenda de penaltis para decidir ao gañador do encontro.

Os catro últimos clasificados ao final da liga regular (dos postos 11 ao 14) disputan un play-out pola permanencia na máxima categoría, xogando 12 partidos entre eles nos que as vitorias conseguidas na liga regular contan para a clasificación. O último clasificado da liguiña descende á Primeira División, mentres que o gañador consegue a permanencia, mentres que o último clasificado xoga unha serie ao mellor de sete partidos contra o campión da Primeira División, o perdedor desta serie xoga á tempada seguinte na segunda categoría.

Equipos participantes na tempada 2012-13

Liberec

Pardubice

Litvínov

Kladno

Slavia Praha
Sparta Praha

Plzeň

Karlovy Vary

České Budějovice

Mladá Boleslav

Vítkovice

Třinec

Brno

Zlín

Nome	Cidade	Estadio	Capacidade	Fundación	Campionatos
Bílí Tygři Liberec	Liberec	Tipsport Arena	7.500	1956	0
Mountfield České Budějovice	České Budějovice	Budvar Arena	6.421	1928	0
Energie Karlovy Vary	Karlovy Vary	KV Arena	6.000	1932	1
ČSOB Pojišťovna Pardubice	Pardubice	ČEZ Arena	10.194	1923	3
HC Plzeň	Plzeň	ČEZ Arena	8.420	1929	1
PSG Zlín	Zlín	Zimní stadion Luďka Čajky	7.500	1928	1
Verva Litvínov	Litvínov	Zimní stadion Ivana Hlinky	7.000	1945	0
Rytíři Kladno	Kladno	Zimní stadion	8.600	1924	0
Slavia Praha	Praga	O2 Arena	17.360	1900	2
Sparta Praha	Praga	Tipsport Arena	13.995	1903	4
Oceláři Třinec	Třinec	Werk Arena	5.200	1929	1
Vítkovice Steel	Ostrava	ČEZ Aréna	9.821	1928	0
Piráti Chomutov	Chomutov	ČEZ Arena	5.050	1945	0
HC Kometa Brno	Brno	Kajot Arena	7.200	1953	0

• NOTA: A localización dos equipos no mapa corresponde coa tempada 2010-11

Palmarés

Tempada	Campión	Resultado	Finalista	—	1º da liga regular
1993-94	HC Olomouc [1]	3 - 1	HC Pardubice [2]	-	HC Kladno
1994-95	HC Dadák Vsetín [3]	3 - 1	AC ZPS Zlín [4]	-	HC Dadák Vsetín
1995-96	HC Petra Vsetín [5]	4 - 1	HC Chemopetrol Litvínov [6]	-	HC Sparta Praha
1996-97	HC Petra Vsetín [7]	3 - 0	HC Vítkovice [8]	-	HC Petra Vsetín
1997-98	HC Petra Vsetín [9]	3 - 0	HC Železárny Třinec [10]	-	HC Petra Vsetín
1998-99	HC Slovnaft Vsetín [11]	3 - 0	HC ZPS Barum Zlín [12]	-	HC Slovnaft Vsetín
1999-00	HC Sparta Praha [13]	3 - 0	HC Slovnaft Vsetín	-	HC Sparta Praha
2000-01	HC Slovnaft Vsetín [14]	3 - 1	HC Sparta Praha [15]	-	HC Slovnaft Vsetín
2001-02	HC Sparta Praha [16]	3 - 1	HC Vítkovice [17]	-	HC Sparta Praha
2002-03	HC Slavia Praha [18]	4 - 3	HC Pojišťovna Pardubice [19]	-	HC Pojišťovna Pardubice
2003-04	HC Hamé Zlín [20]	4 - 1	HC Slavia Praha [21]	-	HC Moeller Pardubice
2004-05	HC Moeller Pardubice [22]	4 - 0	HC Hamé Zlín [23]	-	HC Hamé Zlín
2005-06	HC Sparta Praha [24]	4 - 2	HC Slavia Praha [25]	-	HC Bílí Tygři Liberec
2006-07	HC Sparta Praha [26]	4 - 2	HC Moeller Pardubice [27]	-	HC Bílí Tygři Liberec
2007-08	HC Slavia Praha [28]	4 - 3	HC Energie Karlovy Vary [29]	-	HC Mountfield České Budějovice
2008-09	HC Energie Karlovy Vary [30]	4 - 2	HC Slavia Praha [31]	-	HC Slavia Praha
2009-10	HC Eaton Pardubice [32]	4 - 0	HC Vítkovice Steel [33]	-	HC Plzeň 1929
2010-11	HC Oceláři Třinec [34]	4 - 1	HC Vítkovice Steel [35]	-	HC Oceláři Třinec
2011-12	HC ČSOB Pojišťovna Pardubice[36]	4 - 2	HC Kometa Brno [37]	-	HC Sparta Praha
2012-13	HC Škoda Plzeň	4 - 3	PSG Zlín	-	PSG Zlín

Véxase tamén

Ligazóns externas

• Federación Checa de Hóckey Xeo
• Novas de hóckey sobre xeo en idnes.cz