Fernando Serena

Fernando Serena
	; (1966)
Nome orixinal	(es) Fernando Rodríguez Serena
Biografía
Nacemento	28 de xaneiro de 1941 ; Madrid, España
Morte	15 de outubro de 2018 (77 anos); Pamplona, España
Causa da morte	párkinson
Altura	165 cm
Actividade
Ocupación	futbolista
Período de actividade	1961 - 1976
Nacionalidade deportiva	España
Deporte	fútbol
Posición de xogo	Extremo esquerdo
1960–1961
Traxectoria

Fernando Rodríguez Serena, nado en Madrid o 28 de xaneiro de 1941 e finado en Pamplona o 15 de outubro de 2018,^[1]^[2] foi un futbolista español que xogaba como extremo dereito.

Traxectoria

Formouse nas categorías inferiores do Real Madrid, e en 1960 debutou co filial, o Plus Ultra, na Segunda División. Nese equipo coincidiu con xogadores como Luis Aragonés ou Gento III, e disputou 26 encontros, marcando 4 goles. A continuación xogou dous anos cedido en Osasuna, na Primeira División, club co que marcou un total de 10 goles en 55 partidos.

En 1963 regresou ao Real Madrid, e xogou as seguintes cinco tempadas co primeiro equipo. É especialmente lembrado por marcar o gol decisivo na final da Copa de Europa de 1966, ante o Partizan de Belgrado no estadio de Heysel de Bruxelas, completando a remontada do club branco, despois de que Velibor Vasović adiantase o equipo iugoslavo e Amancio empatase.^[3]^[4] Adoitaba xogar na banda dereita, onde destacaba pola súa elegancia, a velocidade do seu xogo e a precisión nos centros.

En 1968 polo Elxe CF, onde xogou dúas tempadas, antes de pasar á UE Sant Andreu, club no que se asentou durante os seguintes seis anos, todos eles na Segunda División.

Selección española

Vestiu nunha ocasión a camiseta da selección española, o 9 de xaneiro de 1963, nun partido amigable contra Francia no Camp Nou no que entrou na segunda parte como substituto de Enrique Collar.

Faleceu o 15 de outubro de 2018, aos 77 anos.^[1]

Palmarés

Real Madrid

Primeira División (4): 1963/64, 1964/65, 1966/67, 1967/68.
Copa de Europa (1): 1965/66.

Notas

↑ ^1,0 ^1,1 Ayala, Manuel (15 de outubro de 2018). "Fallece Fernando Serena, héroe de la sexta Copa de Europa". Mundo Deportivo (en castelán) (Barcelona). Consultado o 6 de maio de 2022.
↑ B., E. (15 de outubro de 2018). "Muere Serena, mítico jugador del Real Madrid, a los 77 años de edad". El Español (en castelán) (Madrid). Consultado o 6 de maio de 2022.
↑ "¿Quién se acuerda de Serena?" (en castelán). 6 de abril de 2013. Consultado o 6 de maio de 2022.
↑ "Real Madrid 2-1 Partizan". UEFA (en inglés). Consultado o 2 de maio de 2022.

Véxase tamén

Ligazóns externas

Datos do xogador Arquivado 25 de xaneiro de 2022 en Wayback Machine. coa selección española (en castelán).

[:0-1] 1,0 ^1,1 Ayala, Manuel (15 de outubro de 2018). "Fallece Fernando Serena, héroe de la sexta Copa de Europa". Mundo Deportivo (en castelán) (Barcelona). Consultado o 6 de maio de 2022.

[2] B., E. (15 de outubro de 2018). "Muere Serena, mítico jugador del Real Madrid, a los 77 años de edad". El Español (en castelán) (Madrid). Consultado o 6 de maio de 2022.

[3] "¿Quién se acuerda de Serena?" (en castelán). 6 de abril de 2013. Consultado o 6 de maio de 2022.

[4] "Real Madrid 2-1 Partizan". UEFA (en inglés). Consultado o 2 de maio de 2022.

[1]

[2]

[3]

[4]