Ferreira, Coristanco

Ferreira
	Cruceiro e igrexa de Santa María de Ferreira.
Concello	Coristanco
Provincia	A Coruña
Coordenadas	43°09′09″N 8°46′53″O / 43.15261327, -8.78138637
Área	5 km²
Poboación	162 hab. (2018)
Densidade	32,4 hab./km²
Entidades de poboación	8
	[ editar datos en Wikidata ]

Para outras páxinas con títulos homónimos véxase: Ferreira.

Santa María de Ferreira é unha parroquia que se localiza no sur do concello coruñés de Coristanco na comarca de Bergantiños. En 2018 contaba con 162 habitantes dos cales 69 eran homes e 93 mulleres. Segundo o padrón municipal de 2004 tiña 192 habitantes (104 mulleres e 88 homes) distribuídos en 6 entidades de poboación, o que supón unha diminución en relación ao ano 1999 cando tiña 209 habitantes. Segundo o IGE, no 2014 a súa poboación descendera ata os 174 habitantes, sendo 77 homes e 97 mulleres.

Referencias medievais

É probable que nos primeiros séculos da Idade Media pertencese ao territorio dos cóporos ou dos brigantinos e que polo século XII estivesen dentro das posesións dos Condes de Traba e dentro da área de influencia do bispado iriense.^{[Cómpre referencia]}

Debeu estar moi poboada xa no Neolítico porque no seu territorio, segundo o Inventario de patrimonio (2000) había tres mámoas localizadas no Chao da Embarradas que pasarían a ser sete, segundo o traballo de campo para a elaboración do PXOM. No citado Inventario do PXOM incluirían o cruceiro e a igrexa parroquial ademais de: catro muíños, dous hórreos, casa con dependencias e dous conxuntos singulares. A primeira referencia histórica que atopamos está relacionada cun camiño da época medieval que, segundo Elisa María Ferreira Priegue, uniría Bergantiños coas terras do occidente coruñés remontando as empinadas abas de Ferreira e, despois de pasar pola Agualada, torcería en dirección a Cuns e Sordíns e, desde alí, seguiría por Gándara e Carreira cara a Dumbría e Cee.

Lugares e parroquias

Lugares de Ferreira

Lugares da parroquia de Ferreira no concello de Coristanco (A Coruña)
Bieite de Abaixo \| Bieite de Arriba \| Ferreira \| Figueiras \| O Piñeiro \| O Pontillón \| O Porto \| As Teixoeiras

Parroquias de Coristanco

Galicia \| Provincia da Coruña \| Parroquias de Coristanco
A Agualada (San Lourenzo) \| Cereo (Santa María) \| Coristanco (San Paio) \| Couso (San Miguel) \| Cuns (San Vicenzo) \| Erbecedo (San Salvador) \| Ferreira (Santa María) \| Oca (San Martiño) \| San Xusto (San Xián) \| Santa Baia de Castro (Santa Baia) \| Seavia (San Mamede) \| Traba (Santa María) \| Valenza (San Pedro) \| Verdes (Santo Adrán) \| Xaviña (San Tomé)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

Véxase tamén

Bibliografía

Parroquias de Ferreira, Couso e Seavia. Andando por Bergantiños. Instituto de Estudos Bergantiñáns. 2015.

Outros artigos

Lugares de Coristanco

Este artigo sobre parroquias da Coruña é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[1]