Festa da filloa de Lestedo
| Festa da filloa de Lestedo | ||||
|---|---|---|---|---|
| Tipo | festa gastronómica  | |||
| Localización | ||||
| Localización | Boqueixón | |||
| ||||
| Características | ||||
| Conmemora | filloa | |||
| Patrimonio Cultural | ||||
| Festas de Interese Turístico de Galicia | ||||
| [ Wikidata ] | ||||
A Festa da filloa de Lestedo é unha festa gastronómica celebrada desde 1984 na parroquia de Lestedo, no concello coruñés de Boqueixón. En 2008, coincidindo coa 25ª edición, foi declarada Festa de interese turístico de Galicia.
Historia
[editar | editar a fonte]Naceu a partir da decisión dos veciños da parroquia de recuperar unha tradición da comarca da Ulla e prolongar os actos do entroido, caracterizado polos Altos Xenerais e Correos. Celébrase o domingo seguinte ao Martes de carnaval, tamén chamado domingo de piñata.
A gran calidade das filloas débese ao bo facer dos artesáns para manter a temperatura indicada das pedras onde se friten. Este produto gastronómico pódese degustar só, con mel, envolveitas etc. Na festa tamén son frecuentes outros produtos do país como a orella, o chourizo, o churrasco, o mel etc.
Desde 2004 o grande atractivo desta festa foi unha "máquina de facer filloas", capaz de producir ata 1.600 unidades por hora, sen alterar nin a receita nin o método de produción da filloa, o que permitiu popularizar aínda máis a degustación.
No ano 1995 completáronse as celebracións deste día festivo coa "Gran Baixada de carrilanas da República da Filloa".