O golfo de Almería é un golfo situado na costa de Almería que se abre ao mar de Alborán. Está delimitado de oeste a leste pola punta do Moro e o cabo de Gata. Toma o nome da cidade de Almería, a máis importante da súa costa.
Destacan as súas prominentes formacións rochosas pertencentes ás cordilleiras Béticas, que dan lugar a cantís que se alternan con zonas de costa baixa. Parte do seu medio natural está integrado no Parque Natural do Cabo de Gata-Níjar.[1]
