Halldór Már
 (2016)  | |
| Biografía | |
|---|---|
| Nacemento | 12 de xullo de 1972 (52 anos) Reiquiavik, Islandia |
| Actividade | |
| Ocupación | cantante |
| Xénero artístico | Folk e rock alternativo |
| Premios | |
| Sitio web | darumarecords.net |
    | |
Halldór Már Stefánsson, nado en Reiquiavik o 12 de xullo de 1972, é un cantautor e guitarrista islandés. A súa música está baseada no folk acústico e alternativo. Forma parte do grupo de pop/rock Wiggum.
Traxectoria
[editar | editar a fonte]Foi músico dende pequeno, cando lle daba ás potas e tixolas da súa nai nunha pequena vila de Islandia. Inicia os seus estudos de guitarra co profesor Örn Vinðar Erlendsson no Conservatorio de Akureyri. En 1993, trasládase a Barcelona para realizar estudos de perfeccionamento de guitarra na Escola Luthier d'Arts Musicals cos profesores Arnaldur Arnarson e Alex Garrobé. Participou como activo en cursos internacionais con mestres como David Russell, Hopkinson Smith, Manuel Barrueco ou José Tomás Pérez Seles. Máis adiante percorre Islandia e España como solista e forma parte de "Mosaic, Barcelona’s Guitar Quartet".
En 2004, colabora no disco "Amb les mans" do compositor e guitarrista Eduard Rodés interpretando unha peza chamada "La Luz" e inspirada na vida de Ferrer i Guàrdia, coñecido librepensador fusilado no ano 1909 por mor dos disturbios da Semana Tráxica.
En 2006, o mesmo Eduard Rodés edita un novo disco baixo o nome "República Mediterránea", onde Halldor Mar volve colaborar interpretando o tema "Al Iskandariyah".
En 2009, lanza o seu primeiro álbum en solitario, Simple, baixo o selo Daruma Records. O disco grávase no estudo El Tostadero coa axuda do produtor Marc Molas.
Halldor Mar é tamén membro do grupo Wiggum, que tras a súa formación en 2009, edita en febreiro de 2010 o seu primeiro álbum chamado Sintón Nisón ama a Nifú Nifá, gravado no estudo Micromaltese con Cacho Salvador (de "Extraperlo") como produtor.
Discografía
[editar | editar a fonte]- Simple (Daruma Records, 2009)
- Sintón Nisón ama a Nifú Nifá do grupo Wiggum (El Genio Equivocado, 2010)
- Winds (Amantes Records, 2014)
- Records (La Cúpula Music, 2017)
- El mar no té camins (2023)
