Hans Morgenthau

Hans Morgenthau
	;
Biografía
Nacemento	(de) Hans Joachim Morgenthau ; 17 de febreiro de 1904 ; Coburgo, Alemaña
Morte	19 de xullo de 1980 (76 anos); Nova York, Estados Unidos de América
Educación	Instituto Universitário de Altos Estudos Internacionais (pt) ; Gymnasium Casimirianum Coburg (en)
Actividade
Campo de traballo	Relacións internacionais
Ocupación	xuíz, filósofo, escritor, politicólogo, profesor universitario
Empregador	Universidade de Chicago ; Universidade da Cidade de Nova York ; Universidade de Xenebra
Membro de	Academia das Artes e das Ciencias dos Estados Unidos
Premios
	(1975) Gran Cruz da Orde do Mérito da República Federal de Alemaña ;

Hans Joachim Morgenthau, nado en Coburg o 17 de febreiro de 1904 e finado en Nova York o 19 de xullo de 1980, foi unha das grandes figuras do século XX no estudo da política internacional. A obra de Morgenthau pertence á tradición do realismo na teoría das relacións internacionais, e adoita ser considerado con George F. Kennan e Reinhold Niebuhr, un dos tres líderes realistas estadounidenses do período posterior á segunda guerra mundial. Morgenthau fixo importantes contribucións á teoría das relacións internacionais e ao estudo do dereito internacional. A súa obra Politics Among Nations, publicada por primeira vez en 1948, tivo cinco edicións durante a súa vida.

Morgenthau tamén escribiu amplamente sobre a política internacional e a política exterior dos Estados Unidos para publicacións como The New Leader, Commentary, Worldview, The New York Review of Books e The New Republic. Coñecía e mantiña correspondencia con moitos dos líderes intelectuais e escritores da súa época, como Reinhold Niebuhr,^[1] George F. Kennan,^[2] Carl Schmitt^[3] e Hannah Arendt.^[4]^[5] Nun punto a comezos da guerra fría, Morgenthau era conselleiro do Departamento de Estado dos Estados Unidos cando Kennan dirixía a Policy Planning Staff, e por segunda vez durante as administracións de Kennedy e Johnson ata que foi cesado por Johnson cando comezou a criticar publicamente a política estadounidense na guerra de Vietnam.^[6] Durante a maior parte da súa carreira, non obstante, Morgenthau foi estimado como intérprete da política exterior dos Estados Unidos.^[7]

Traxectoria

Morgenthau naceu nunha familia xudía asquenací en Coburg (Alemaña) en 1904, e logo de asistir ao Casimirianum, estudou nas universidade de Berlín, Frankfurt e Múnic, e procurou un traballo de postdoutoramento no Instituto de Estudos Internacionais de Xenebra, Suíza.

Deu clases e practicou o dereito en Frankfurt antes de emigrar aos Estados Unidos en 1937, despois de varios anos en Suíza e España. Entre 1939 e 1943, ensinou en Kansas City e asistiu á Keneseth Israel Shalom Congregation alí.^[8] Morgenthau deu clases posteriormente na Universidade de Chicago ata 1973, cando asumiu unha cátedra na City University of New York (CUNY).

Cando marchou a Nova York, Morgenthau separouse da súa esposa, que permaneceu en Chicago en parte a causa de problemas médicos. Sábese que tivo plans de iniciar novas relacións mentres estaba en Nova York, unha delas coa filósofa política Hannah Arendt,^[9] e outra con Ethel Person (falecida en 2012), profesora de medicina na Universidade de Columbia.^[10]

O 8 de outubro de 1979, Morgenthau era un dos pasaxeiros do voo 316 de Swissair que se estrelou mentres trataba de aterar no Aeroporto Internacional de Ellinikon.^[11] O voo tiña destino a Bombay e Pequín.

Morgenthau faleceu o 19 de xullo de 1980, pouco despois de ser ingresado no Lenox Hill Hospital de Nova York cunha úlcera perforada.^[12] Está enterrado na sección Chabad do cemiterio Montefiore,^[13] nas proximidades do Lubavitcher Rebbe, co que tivo unha relación respectuosa.^[14]

Obras seleccionadas

Scientific Man versus Power Politics (1946) Chicago, IL: University of Chicago Press.
Politics Among Nations: The Struggle for Power and Peace (1948, e edicións posteriores) Nova York, NY: Alfred A. Knopf.
In Defense of the National Interest (1951) Nova York, NY: Alfred A. Knopf.
The Purpose of American Politics (1960) Nova York, NY: Alfred A. Knopf.
Crossroad Papers: A Look Into the American Future (ed.) (1965) Nova York, NY: Norton.
Truth and Power: Essays of a Decade, 1960–70 (1970) Nova York, NY: Praeger.
Essays on Lincoln's Faith and Politics. (1983) Lanham, MD: Univ. Press of America for the Miller Center of Public Affairs at the Univ. of Virginia. Copublicado cunha separata de David Hein.
The Concept of the Political (2012; orig. 1933) Introdución de H. Behr e F. Roesch. Palgrave Macmillan.

Notas

↑ Rice, Daniel. Reinhold Niebuhr and His Circle of Influence, University of Cambridge Press, 2013, complete chapter on Hans Morgenthau.
↑ Rice, Daniel. Reinhold Niebuhr and His Circle of Influence, University of Cambridge Press, 2013, complete chapter on George Kennan.
↑ E., Scheuerman, William (2006-09-22). "Carl Schmitt and Hans Morgenthau: Realism and Beyond" (en inglés).
↑ Klusmeyer, Douglas. "Beyond Tragedy: Hannah Arendt and Hans Morgenthau on Responsibility, Evil and Political Ethics." International Studies Review 11, no.2 (2009): 332–351.
↑ Rösch, Felix (2013-11-01). "Realism as social criticism: The thinking partnership of Hannah Arendt and Hans Morgenthau". International Politics (en inglés) 50 (6): 815–829. ISSN 1384-5748. doi:10.1057/ip.2013.32.
↑ Zambernardi, L. (2011). "The Impotence of Power: Morgenthau's Critique of American Intervention in Vietnam". Review of International Studies 37 (3): 1335–1356. doi:10.1017/S0260210510001531.
↑ Morgenthau, Hans (1982). In Defense of the National Interest: A Critical Examination of American Foreign Policy, with a new introduction by Kenneth W. Thompson (Washington, D.C.: University Press of America, 1982).
↑ Hartmut Behr e Felix Roesch, intro. to Morgenthau's The Concept of the Political, Palgrave Macmillan, 2012, p.13.
↑ Young-Bruehl, Elizabeth. Hannah Arendt: For Love of the World, Second Edition. Yale University Press, 2004.
↑ Mazur, G. O., ed. One Hundred Year Commemoration to the Life of Hans Morgenthau. Nova York: Semenenko, 2004.
↑ Small amount of plutonium missing from crashed jet
↑ "Hans Morgenthau dies; noted political scientist". The Telegraph, 21 de xullo de 1980.
↑ "Research Results".
↑ ""Diamonds of the Rebbe" by Mordechai Staiman".

Véxase tamén

Ligazóns externas

Guide to the Hans Morgenthau Collection no Leo Baeck Institute, Nova York.

[1] Rice, Daniel. Reinhold Niebuhr and His Circle of Influence, University of Cambridge Press, 2013, complete chapter on Hans Morgenthau.

[2] Rice, Daniel. Reinhold Niebuhr and His Circle of Influence, University of Cambridge Press, 2013, complete chapter on George Kennan.

[3] E., Scheuerman, William (2006-09-22). "Carl Schmitt and Hans Morgenthau: Realism and Beyond" (en inglés).

[4] Klusmeyer, Douglas. "Beyond Tragedy: Hannah Arendt and Hans Morgenthau on Responsibility, Evil and Political Ethics." International Studies Review 11, no.2 (2009): 332–351.

[5] Rösch, Felix (2013-11-01). "Realism as social criticism: The thinking partnership of Hannah Arendt and Hans Morgenthau". International Politics (en inglés) 50 (6): 815–829. ISSN 1384-5748. doi:10.1057/ip.2013.32.

[Zambernardi_2011_1335–1356-6] Zambernardi, L. (2011). "The Impotence of Power: Morgenthau's Critique of American Intervention in Vietnam". Review of International Studies 37 (3): 1335–1356. doi:10.1017/S0260210510001531.

[7] Morgenthau, Hans (1982). In Defense of the National Interest: A Critical Examination of American Foreign Policy, with a new introduction by Kenneth W. Thompson (Washington, D.C.: University Press of America, 1982).

[8] Hartmut Behr e Felix Roesch, intro. to Morgenthau's The Concept of the Political, Palgrave Macmillan, 2012, p.13.

[9] Young-Bruehl, Elizabeth. Hannah Arendt: For Love of the World, Second Edition. Yale University Press, 2004.

[10] Mazur, G. O., ed. One Hundred Year Commemoration to the Life of Hans Morgenthau. Nova York: Semenenko, 2004.

[11] Small amount of plutonium missing from crashed jet

[12] "Hans Morgenthau dies; noted political scientist". The Telegraph, 21 de xullo de 1980.

[13] "Research Results".

[14] ""Diamonds of the Rebbe" by Mordechai Staiman".

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]