Hidrografía

A hidrografía é unha parte da xeografía física que clasifica e estuda as masas de auga do planeta.

Razóns do estudo da hidrografía

A auga é fundamental para a supervivencia do planeta, a evolución dos seres vivos sempre foi dependente da auga. Foi nela onde que xurdiron as primeiras formas de vida, e, nun proceso de evolución crecente, a partir dela orixináronse as formas terrestres, as cales soamente conseguiron sobrevivir despois de que puideron desenvolver mecanismos fisiolóxicos que lles permitiron colectar a auga do medio ambiente e retela nos seus propios organismos. A auga é o elemento mais crítico e importante para a vida humana, pois comprende do 60 ao 70% do noso peso corporal, regula a nosa temperatura interna e é esencial para todas as funcións orgánicas.

O obxecto de estudo da hidrografía son as correntes de auga da Terra, abrangue polo tanto océanos, mares, glaciares, auga do subsolo, lagos, auga da atmosfera e ríos. A maior parte da auga está concentrada en océanos e mares – 1 380 000.000 km³ –, correspondendo ó 97,3% da reserva hídrica do mundo. As augas continentais posúen un volume total de 38 000 000 km³, valor que representa o 2,7% da auga do planeta.

Hidrografía do mundo

As maiores bacías hidrográficas

As maiores bacias hidrográficas do mundo son as seguintes (indícase nome, localización e área en km²):

Bacía Amazónica, Brasil, 7 050 000
Bacía do Congo, Zaire, 3 690 000
Bacía do Mississippi, EUA, 3 328 000
Bacía do Rio da Prata, Brasil-Paraguai-Uruguai-Arxentina, 3 140 000
Bacía do Obi, Federación Rusa, 2 975 000
Bacía do Nilo, Exipto, 2 867 000
Bacía do Ienissei, Federación Rusa, 2 580 000
Bacía do Níxer, Nixeria, 2 092 000
Bacía de Amur, Federación Rusa, 1 855 000
Bacía do Río Amarelo, China, 1 807 199

Os maiores océanos e mares

Os maiores océanos e mares do mundo son os seguintes (indícase nome, área en km² e profundidade máxima en m):

Océano Atlántico, 106 100 000, 7.758
Mar Glacial Ártico, 14 090 000, 5.450
Mar Caribe (ou Mar das Caraíbas), 2 754 000, 7.680
Mar Mediterráneo, 2 505 000, 5.020
Mar de Noruega, 1 547 000, 4.020
Golfo de México, 1 544 000, 4.380
Baía de Hudson, 1 230 000, 259
Mar de Groenlandia, 1 205 000, 4.846
Mar do Norte, 580.000, 237
Mar Negro, 413.000, 2.243
Mar Báltico, 420.000, 463
Océano Pacífico, 179 700 000, 11.020
Mar da China Meridional, 3 447 000, 5.560
Mar de Okhotsk, 1 580 000, 3.372
Mar de Bering, 2 270 000, 4.191
Mar da China Oriental, 752.000 2.720
Mar Amarelo, 417.000, 105
Mar do Xapón, 978.000, 4.230
Océano Índico, 74 900 000, 7.450
Mar Arábigo, 3 683 000, 5.800
Golfo de Bengala, 2 172 000, 5.258
Mar Vermello, 440.000, 2.600

Os maiores ríos

A seguir, os maiores ríos do mundo (indícase nome, localización, extensión en km e foz):

Amazonas, Brasil, 6.868, océano Atlántico
Nilo, Exipto, 6.671, Mar Mediterráneo
Río Xi-Jiang, China, 5.800, Mar da China
Río Mississippi, EUA, 5.620, Golfo do México
Río Obi, Federación Rusa, 5.410, Golfo de Obi
Ártico Huang Ho, China, 4.845, Mar Amarelo
Río da Prata, Arxentina, 4.700, océano Atlántico
Mekong, China, 4.500, Mar da China
Río Amur, Federación Rusa, 4.416, Estreito da Tartaria
Río Lená, Federación Rusa, 4.400, Mar de Laptev/Ártico

(Fonte: Atlante Xeográfico di Agostini)

Os maiores lagos

A continuación aparecen os maiores lagos do mundo (indícase nome, localización, área en km² e profundidade máxima en m):

Mar Caspio, Oeste da Asia, 371.000, 1.025
Lago Superior, EUA/Canadá, 84.131, 406
Vitoria, Uganda/Tanzania/Kenya, 68.100, 73
Huron, EUA/Canadá, 61.797, 229
Michigan, EUA, 58.016, 281
Mar de Aral, Cazaquistán/Uzbequistán, 41.000, 68
Tanganica, Congo (ex-Zaire)/Zambia/Burundi/Tanzania, 32.893, 1435
Gran Lago do Oso, Canadá, 31.792, 90
Lago Baikal, Federación Rusa, 31.500, 1.620
Lago Niassa (ou Malawi), Zimbabue/Malaui/Mozambique, 30.800, 678

Véxase tamén

Outros artigos

Xeografía física