Hipparchia fidia
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Hipparchia fidia | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Madrid, España | |||||||||||||||||||||||||||||||||||
| Clasificación científica | |||||||||||||||||||||||||||||||||||
| |||||||||||||||||||||||||||||||||||
| Nome binomial | |||||||||||||||||||||||||||||||||||
| Hipparchia fidia Linnaeus, 1767 | |||||||||||||||||||||||||||||||||||
| Sinonimia | |||||||||||||||||||||||||||||||||||
| |||||||||||||||||||||||||||||||||||
A Hipparchia fidia é unha especie de lepidóptero ditrisio da familia Nymphalidae pertencente á subfamilia das Satyrinae, propia da rexión mediterránea.
Descrición
[editar | editar a fonte]Trátase dunha bolboreta bastante grande dentro do grupo das Satyrinae, alcanzando unha envergadura duns 6 cm. A cara inferior das ás presenta uns tons predominantemente agrisados, que permite a esta bolboreta pasar practicamente desapercibida cando se pousa sobre os chans rochosos que afecciona, onde resulta moi difícil distinguila cando queda totalmente inmóbil. Confía entón plenamente na súa camuflaxe e é posible, por iso, achegarse a escasos centímetros dela. Destacan, na cara inferior das ás, unha ampla e irregular banda gris-branca zigzagueante, subliñada de negro, que atravesa a á de par en par e que contrasta netamente co fondo máis escuro da mesma, así como grandes ocelos negros punteados de branco e cercados por un anel de cor beige-amarelo. A cara superior é de tons escuros, marrón.
-
♂ -
♂△ -
♀ -
♀ △
Área de distribución
[editar | editar a fonte]Especie mediterránea presente na Península Ibérica e no norte de África (Magreb). Tamén vive no sur de Francia (costa mediterránea), alcanzando o noroeste de Italia. É unha especie propia de zonas abertas (incluíndo bosque aberto), secas, cálidas e rochosas.
Ciclo vital
[editar | editar a fonte]Tan só se observa unha única xeración en toda a súa área de repartición, que voa de xuño a agosto (setembro) en Europa e de xullo a outubro no norte de África.
Plantas nutricias
[editar | editar a fonte]As eirugas aliméntanse de diferentes especies de gramíneas (Brachipodium, Festuca, Stipa, etc.).
Véxase tamén
[editar | editar a fonte]Bibliografía
[editar | editar a fonte]- Tom Tolman & Richard Lewington (2002). Guía de las mariposas de España y Europa. Lynx Edicions.
