Infolibre
| Infolibre | |
|---|---|
 | |
| Fundación | 7 de marzo de 2013 |
| Director | Daniel Basteiro |
| Tendencia | progresismo, esquerda política |
| Lingua | Castelán |
| Localidade | Madrid |
| Ámbito |  España |
| Impresión | Dixital |
| Periodicidade | Diario |
| ISSN | 2445-1592 |
| Na rede | |
| http://www.infolibre.es | |
    | |
| [ editar datos en Wikidata ] | |
infoLibre é un diario dixital en español publicado por primeira vez o 7 de marzo de 2013. A súa redacción localízase en Madrid, España.[1]
Características
[editar | editar a fonte]É un diario creado por xornalistas procedentes, entre outros, dos diarios Público, El País e Radio Televisión Española, cunha liña editorial progresista. É pioneiro no mercado de medios dixitais españois polo seu modelo de negocio, no que unha parte dos contidos son de pago e pechado para subscritores. Os abonados do diario reciben un avance diario de contidos cara á medianoite e unha revista mensual en papel e en formato dixital, TintaLibre, dedicada a crónicas e reportaxes, e cuxo primeiro número saíu a venda o 9 de marzo de 2013.[2]
Dirección
[editar | editar a fonte]InfoLibre e TintaLibre están dirixidos editorialmente por Jesús Maraña, exdirector de Público. O director do diario dixital é o tamén experiodista de Público Manuel Rico, e completan o equipo de dirección Juan Carlos Ortiz de Elguea (subdirector), Fernando Varela (redactor xefe) e Yolanda González (correspondente política). Á cabeza de TintaLibre está Ramón Reboiras.[3]
Accionistas, socios e apoios
[editar | editar a fonte]InfoLibre conta con varios socios que achegan capital, entre eles editoriais, como o diario dixital francés Mediapart e Daniel Fernández, presidente da editorial Edhasa.[4] Ademais das cotas abonadas polos socios, finánciase a través dunha Sociedade de Amigos, á que pertencen figuras do mundo da cultura como Luis García Montero, Emilio Lledó, Fernando León de Aranoa, El Gran Wyoming, Almudena Grandes, Joaquín Sabina, Pedro Almodóvar, Gonzalo López Alba e Baltasar Garzón, entre outros.[5]
A estrutura accionarial debe ser tal que respecte por estatutos o control único e exclusivo polos xornalistas sobre a información e os criterios editoriais. O principal accionista individual é unha sociedade formada polos cinco xornalistas fundadores. Desde a súa orixe, InfoLibre renunciou aos así chamados "acordos institucionais" opacos mediante os que as grandes empresas financian á inmensa maioría dos medios de comunicación a cambio de publicidade e/ou outros acordos.[6]
Notas
[editar | editar a fonte]- ↑ "Dirección y teléfonos". Arquivado dende o orixinal o 04 de maio de 2016. Consultado o 27 de abril de 2016.
- ↑ "tintaLibre, ya en los quioscos". Consultado o 15 de setembro de 2018.
- ↑ Maraña, Jesús. "El tiempo del periodismo". infolibre.es (en castelán). Consultado o 15 de setembro de 2018.
- ↑ Rubio Jordán (2014), p. 495
- ↑ Rubio Jordán (2014), p. 496
- ↑ "infoLibre – Información libre e independiente". Consultado o 15 de setembro de 2018.
Véxase tamén
[editar | editar a fonte]Bibliografía
[editar | editar a fonte]- Rubio Jordán, Ana Virginia (2014). "La aparición de InfoLibre y eldiario.es para la defensa de un periodismo más democrático y participativo". Historia y Comunicación Social (UCM) 19: 491–500. ISSN 1137-0734. doi:10.5209/rev_HICS.2014.v19.44979.
