John Franklin

John Franklin
	; Sir John Franklin por Thomas Phillips
Biografía
Nacemento	16 de abril de 1786 ; Spilsby, Reino Unido (en)
Morte	11 de xuño de 1847 (61 anos); Illa King William, Canadá
Governor of Van Diemen's Land (en)
	5 de xaneiro de 1837 – 21 de agosto de 1843 ; ← Rt. Hon. Sir George Arthur, 1st Bt. (pt) – Sir John Eardley-Wilmot, 1st Baronet (en) →
Datos persoais
Educación	King Edward VI Grammar School (en)
Actividade
Campo de traballo	Botánica
Ocupación	explorador, oficial da armada, botánico
Membro de	Royal Society (1823–); Royal Geographical Society
Carreira militar
Rama militar	Royal Navy
Rango militar	admiral (en)
Participou en
19 de maio de 1845	Expedição de John Franklin (pt)
1825	Mackenzie River expedition (en)
1819	Coppermine expedition (en)
Obra
	Obras destacables (1828) Narrative of a Second Expedition to the Shores of the Polar Sea in the Years 1825, 1826, and 1827 (en) ;
Abreviación dun autor en botánica	Franklin
Familia
Cónxuxe	Jane Franklin (1828–1847); Eleanor Anne Porden (1823–1825)
Pais	Willingham Franklin e Hannah Weekes
Irmáns	Sarah Franklin; James Franklin
Premios
	(29 de abril de 1829) Knight Bachelor; (1829) Grande Médaille d'Or des Explorations (en) ; (20 de febreiro de 1823) membro da Royal Society; Membro da Real Sociedade Xeográfica; Orde do Salvador ;
	Sinatura
Descrito pola fonte	Nordisk familjebok; Grande Enciclopedia Soviética 1969-1978, (sec:Франклин Джон); Dictionary of National Biography

John Franklin (1786 – 1847) foi un explorador británico.

Naceu en Spilsby, Lincolnshire no seo dunha familia numerosa que prosperara grazas ao comercio.

Aínda que ao primeiro o seu pai opúñase aos desexos de Franklin de se facer mariño, finalmente permitiulle embarcar nun mercante nunha viaxe de proba que chegou ata Lisboa, a viaxe confirmou os desexos do rapaz e o seu pai conseguiu que formase parte da tripulación do HMS Polyphemus, e estivo presente na batalla de Copenhaguen en 1801.

Xa no HMS Investigator participou nunha expedición de exploración da costa de Australia co seu tío, o capitán Matthew Flinders. De volta en Europa participou na batalla de Trafalgar en 1805 a bordo do HMS Bellerophon. En 1815 estivo na batalla de Nova Orleáns.

En 1818 viaxou pola primeira vez ao Ártico, como tenente, ás ordes de John Ross, e a pesar do fracaso da expedición quedou fascinado con el. Entre 1819 e 1822 participou nunha expedición para descubrir o Paso do Noroeste polo norte do actual Canadá, que foi un fracaso e na expedición morreron 11 dos 20 homes que participaron.

En 1823 regresou a Inglaterra e casou coa poeta, Eleanor Anne Porden, que morreu de tuberculose en 1825. En 1828 casou con Jane Griffin.

Entre 1836 e 1843 foi gobernador da Terra de Van Diemen (a actual Tasmania).

Obsesionado coa busca do Paso do Noroeste, en maio de 1845 partiu con 128 homes e dous navíos (HMS Erebus e HMS Terror) e nunca regresou.

A súa muller organizou varias partidas de rescate e debido á publicidade que xerou organizáronse outras partidas na busca do explorador. En 1850 atopáronse os primeiros restos da expedición, as tumbas de tres homes que morreran por causas naturais en 1846.

En 1854 John Rae, que non procuraba a Franklin, atopou un inuit que lle falou dunha partida de 35-40 homes que morreran de inanición preto da foz do Black River. En 1859 a súa viúva armou unha última expedición baixo o mando de Francis Leopold McClintock para investigar os descubrimentos de Rae e atopou un documento que deixara o segundo da expedición na Illa do Rei Guillerme, a mensaxe datada o 28 de abril de 1847 informaba que os barcos quedaran atrapados polo xeo durante dous invernos, moito máis tempo do que agardaban, suxeriuse que morreron por escorbuto, e existen evidencias que practicaron o canibalismo.