José Andrëa
  | |
| Biografía | |
|---|---|
| Nacemento | (es) José Mario Martínez Arroyo 26 de xaneiro de 1971 (53 anos)A Paz, Bolivia |
| Outros nomes | José Andrëa Mowglie |
| Actividade | |
| Ocupación | cantante |
| Período de actividade | 1994 - |
| Membro de | |
| Xénero artístico | Folk metal |
| Instrumento | Voz |
    | |
José Mario Martínez Arroyo, nado na Paz (Bolivia) o 26 de xaneiro de 1971, máis coñecido como José Andrëa (engadiu o nome «Andrea» pola súa primeira filla) é un cantante boliviano-español coñecido polo seu traballo co grupo de folk metal Mägo de Oz. Actualmente é vocalista e líder da banda José Andrëa e Uróboros.[1]
Traxectoria
[editar | editar a fonte]Naceu na Paz, Bolivia, mais medrou no barrio madrileño de Hortaleza. Comezou tocando a batería nun grupo escolar con 14 anos. Despois de o cantante do grupo cambiar de colexio, José substituíuno de xeito provisional. Nese momento casualmente foi albiscando aos poucos a súa capacidade vocal e comezou a tomar clases de música. Ante o seu talento, tanto a súa nai como un profesor de música insistíronlle en que tomase clases de canto e máis adiante fose ao conservatorio.
Licenciouse en canto polo Real Conservatorio Superior de Música de Madrid e foi profesor de canto e coro durante anos. En 1994 Txus, batería e compositor de Mägo de Oz, foi á academia onde José daba clases, na busca dun vocalista para o grupo.[2] A banda actuara unha noite antes como abreconcertos de Ñu e, casualmente, José víraos. O batería preguntoulle por algún alumno avantaxado en canto e que lle gustase o estilo de Mägo para entrar na banda como vocalista. Daquela, o propio profesor ofreceuse para o posto.
Tras exercer como cantante en varias formacións madrileñas de heavy metal, en 1995 José Andrëa converteuse no novo cantante oficial do grupo.
Alcanzou a fama tras varios nomeamentos e premios a "Mellor cantante masculino" entre elas as do Rockferendum de MariskalRock. Gañou dito galardón desde 2005 até 2008 e quedou segundo en 2009, 2010 e 2011.[3]
En 2004, baixo a produción de Txus, José lanzou o seu primeiro álbum en solitario, Donde el corazón te lleve. O disco está composto por baladas de grupos como Deep Purple ou Barón Rojo e as letras están adaptadas ao español por Txus.
O 24 de outubro de 2011, 16 anos despois, Mägo de Oz anunciou nun comunicado na súa web oficial que José Andrëa deixaba a banda. As subseguintes xiras por América e España foron os seus últimos actos como membro da formación.[4]
A inicios de 2012 comezou un novo proxecto cunha banda de seu: José Andrëa e Uróboros. Desta volta deixa de lado o estilo de Mägo de Oz e céntrase nunha fusión de rock and roll e blues. A banda sacou tres discos: Uróboros (2012), Resurrección (2015) e Bienvenidos Al Medievo (2019).
Voz
[editar | editar a fonte]A voz de José Andrëa é dun tenor lírico lixeiro. Con todo, os seus profesores consideraron nun principio que se trataba dun contratenor.
O seu rexistro vocal, segundo a discografía á cal lle deu voz, sería dun Fa#2 (Adiós Dulcinea), frecuentes Do5 e Re5 alcanzados de cabeza («La Leyenda de la Mancha», «El Santo Grial», «Kelpie», «La Cruz de Santiago» ou «El pacto») e Fa5 en voz de cabeza («La Última Cena»). O seu máximo sobreagudo rexistrado é un La5 (no minuto 10:12 de «La Bruja»).[Cómpre referencia]
O seu rexistro vocal é Fa#2-Do5~Fa5(La5), é dicir, 40 semitons ou 3,33 oitavas.[Cómpre referencia]
Nos últimos anos con Mägo de Oz, debido ás intensas xiras, a idade, a súa adicción ao alcol de entón e outros factores ambientais, a voz de José escureceuse lixeiramente. Os tons agudos perderan a súa brillantez característica en prol doutros matices, como unha voz máis desgarradora e con máis corpo.[Cómpre referencia]
Problemas de saúde
[editar | editar a fonte]Durante os seus últimos anos en Mägo de Oz e os primeiros en Uróboros, José Andrëa tivo moitos problemas debido ao seu alcolismo, que mesmo afectou ao seu rendemento no escenario. A adicción chegou a provocarlle unha pancreatite necrosante e posterior peritonite da que tivo que ser operado de emerxencia en 2013 durante as datas de concertos na Paz, a súa cidade natal.[5]
Esta foi unha operación de vida ou morte, e fóronlle extirpados parte do intestino groso, a vesícula e tres cuartas partes do páncreas.[6] Sobrevivir a dita cirurxía fixo que decidise cambiar os seus hábitos. En 2015, xa recuperado, incluíu no traballo de Uróboros dese ano, Resurrección, a canción «La Salida del Averno», a cal fala sobre como logrou superar a adicción.
En setembro de 2021, debido a varias hernias estomacais, tivo que volver someterse a unha cirurxía de moi alto risco, cunha probabilidade de supervivencia de tan só un 30%.[5] Afortunadamente, a intervención foi un éxito e continuou coa súa actividade con Uróboros.[7]
Discografía
[editar | editar a fonte]Con Mägo de Oz
[editar | editar a fonte]- Jesús de Chamberí (1996)
- La bruja (1997)
- La leyenda de La Mancha (1998)
- Finisterra (2000)
- Fölktergeist (2002)
- A Costa da Rock (2002)
- Gaia (2003)
- Belfast (2004)
- Madrid Las Ventas (2005)
- Gaia II: La voz dormida (2005)
- The Best Oz (2006)
- La ciudad de los árboles (2007)
- Barakaldo D.F. (2008)
- Gaia III: Atlantia (2010)
- Gaia: Epílogo (2010)
- Love 'n' Oz (2011)
Con José Andrëa e Uróboros
[editar | editar a fonte]- Uróboros (2012)
- Resurrección (2015)
- La Paz, Donde Todo Es Posible (En Directo) (2018)
- Bienvenidos al Medievo (2019)
Como solista
[editar | editar a fonte]Colaboracións
[editar | editar a fonte]- Como vocalista en «Y serás canción», canción escrita por Txus e interpretada, entre outros, xunto a Savia, Stravaganzza, Silver Fist ou Ebony Ark para render homenaxe a Big Simon. Foi incluída no disco-libro de poemas El cementerio de los versos perdidos, de Txus, que inclúe temas orixinais. Foi gravado con artistas de grupos como Savia ou Saratoga.
- Con Sabor Amargo en «Este invierno no hace frío», así como na gravación do videoclip e a presentación do mesmo.
- Con Muro en «Mirada asesina».
- Con The Garb en «O final» xunto con Txus.
- Con Dragonfly en «1000 Lágrimas" e «Ángeles con una sola ala» do disco Alma Irae.
- Con Renacer nunha versión de «Ancha es Castilla» do álbum En versiones.
- Con Ankhara en «Hasta el fin», do álbum Dueño del tiempo.
- Con In Extremo en «En esta noche», do álbum Sängerkrieg (en alemán, Guerra dos cantantes).
- Con El Gitano, La Cabra y La Trompeta en «Investigando en los tejados» no disco Besos por balas.
- Con Mojinos Escozíos en «Mi jefe».
- Con Homo-Demen en «El discurso del estridente» do disco Nuevo Orden gravada en xullo de 2013.
- Con Local 9 no tema «Solo puedo anidar en ti», cantando en chinés e español.
- Coa banda Aquelarre en «El Mismo Pecado».
- Con Legado de una Tragedia en «El Cruzado».
- Coa banda Tregua en «Descalzo por tus besos».
- Coa banda madrileña de power metal Casus Belli no seu primeiro álbum Ad Calendas Graecas cos temas «El Baler (1898)» e «Arianne».
Notas
[editar | editar a fonte]- ↑ "Biografía de José Andrea". Arquivado dende o orixinal o 22 de xullo de 2019. Consultado o 12 de xaneiro de 2010.
- ↑ "Mägo de Oz". Mundo del Ocio. Arquivado dende o orixinal o 23 de marzo de 2010. Consultado o 12 de xaneiro de 2010.
- ↑ "Rockferendum". MariskalRock. Arquivado dende o orixinal o 7 de novembro de 2009. Consultado o 12 de xaneiro de 2010.
- ↑ "El cantante de 'Mägo de Oz' abandona el grupo". Público (en castelán). 24 de outubro de 2011. Consultado o 28 de outubro de 2022.
- ↑ 5,0 5,1 "Qué son las eventraciones, el grave problema que ha llevado a Jose Andrëa, exvocalista de Mago de Oz, al quirófano". 20 Minutos (en castelán). 6 de setembro de 2021. Consultado o 2 de novembro de 2022.
- ↑ "La operación a vida o muerte de José Andrëa, excantante de Mägo de Oz, se realizará este 23 de septiembre". 20 Minutos (en castelán). 19 de setembro de 2021. Consultado o 2 de novembro de 2022.
- ↑ Marcos, Carlos (22 de setembro de 2021). "José Andrëa, excantante de Mägo de Oz, supera la grave operación: “Estoy aquí, sí”". El País (en castelán) (Madrid: Prisa). Consultado o 2 de novembro de 2022.
