José Luis de Azcárraga Bustamante

José Luis de Azcárraga Bustamante
Biografía
Nacemento	26 de outubro de 1918 ; Vitoria, España
Morte	30 de xullo de 1985 (66 anos); Bertamiráns, España
Procurador en Cortes
	11 de novembro de 1971 – 28 de abril de 1975 – Joaquin Fernandez Lopez (en) → ; Lexislatura: X lexislatura das Cortes franquistas
Procurador en Cortes
	6 de novembro de 1967 – 12 de novembro de 1971 ; Lexislatura: IX lexislatura das Cortes franquistas
Procurador en Cortes
	3 de xullo de 1964 – 15 de novembro de 1967 ; Lexislatura: VIII lexislatura das Cortes franquistas
Procurador en Cortes
	19 de decembro de 1962 – 6 de xuño de 1964 ; Lexislatura: VII lexislatura das Cortes franquistas
Gobernador civil da provincia de Lugo
Datos persoais
Educación	Universidade de Valladolid ; Universidade de Madrid ; Universidade de Santiago de Compostela ; Escola Naval Militar de Marín
Actividade
Lugar de traballo	Madrid
Ocupación	avogado, xurista, oficial da armada, político, escritor, requeté
Familia
Irmáns	Pilar Azcarraga Bustamante
Premios
	(1984) Gran Cruz do Mérito Militar con distintivo branco; (1966) Cruz de Honra da Orde de San Raimundo de Peñafort; (1964) Gran Cruz da Orde do Mérito Civil; (1956) Gran Cruz da Orde de Cisneros ;

José Luis de Azcárraga Bustamante, nado en Vitoria en 1918 e finado en Bertamiráns (Ames) o 30 de xullo de 1985^[1], foi un avogado, escritor e político español.

Traxectoria

Estudou Dereito na Universidade de Valladolid e a Universidade de Santiago de Compostela, e fixo o doutoramento na Universidade de Madrid. Foi profesor de Dereito Internacional Público do Centro de Estudios Universitarios e da Academia San Raimundo de Peñafort e profesor de Dereito Internacional do Instituto Católico de Administración de Empresas de Madrid. Tenente coronel do Corpo Xurídico da Armada.

Foi nomeado secretario da Delegación Nacional de Asociacións (1958), Gobernador civil de Cáceres (1960), e en febreiro de 1961 pasou a dirixir o Goberno civil de Lugo, cesando no cargo en novembro de 1962, ao ser nomeado Presidente do Sindicato Nacional da Mariña Mercante^[2]. Membro de honra do Consello Superior de Investigacións Científicas e xefe da Sección de Dereito Marítimo do Instituto Francisco de Vitoria. Colaborou en Finisterre e La Noche e foi guionista cinematográfico, autor do guión da película Botón de áncora.

Obras

El Corso Marítimo, 1950.
La plataforma submarina y el Derecho Internacional, 1952.
Régimen jurídico de los espacios marítimos, 1953.
La Carta de las Naciones Unidas y su posible reforma, 1955.
Legislación internacional marítima, 1955.
Jurisprudencia Internacional marítima, 1964-1966 (en colaboración con Francisco Fariña Guitián).

Vida persoal

Casou con Elena Togores Paramés.

Notas

↑ Necrolóxica en ABC, 1 de agosto de 1985 (en castelán)
↑ El Pueblo Gallego, 29-11-1962, p. 16.

Véxase tamén

Bibliografía

"Azcárraga y Bustamante, José Luis". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.

Ligazóns externas

José Luis de Azcárraga Bustamente na Auñamendi Eusko Entziklopedia (en castelán)
José Luis de Azcárraga na IMDb (en inglés).

[1] Necrolóxica en ABC, 1 de agosto de 1985 (en castelán)

[2] El Pueblo Gallego, 29-11-1962, p. 16.

[1]

[2]