Finisterre (Pontevedra)

Finisterre
	;
Fundación	1943
Lingua	lingua castelá e lingua galega
Localidade	Pontevedra
ISSN	2340-4345
Na rede
	[ editar datos en Wikidata ]

Para outras páxinas con títulos homónimos véxase: Finisterre.

Finisterre foi un periódico editado en Pontevedra entre 1943 e 1946.

Historia e características

Subtitulado Revista de Galicia, apareceu o 1 de setembro de 1943. Fundada e dirixida por Emilio Canda Pérez, o redactor xefe era Celso Emilio Ferreiro e Sabino Torres e Emilio Álvarez Negreira foron os redactores. Con vocación literaria, acolleu biografías de persoeiros da cultura galega (Martín Sarmiento, Macías o Namorado, o cura de Fruíme, Francisco Añón, Valle Inclán), ensaios, recensións literarias e creacións en prosa e en verso. Tamén apareceron artigos sobre antropoloxía, historia, xeografía, deporte, temas científicos e información sobre a actualidade pontevedresa. Publicou un dicionario ilustrado con cantigas populares. Entre os seus colaboradores figuraron Álvaro Cunqueiro, Ramón Otero Pedrayo, Vicente Risco, Xosé Filgueira Valverde, Benito Varela Jácome e Manuel Blanco Tobío. E tiña ilustracións de Laxeiro, Manuel Castro Gil e Landín e fotografías de Ksado, Jaime Pacheco e Luís Pintos Fonseca.

Tivo unha segunda etapa a principios de 1946, cando pasou a editarse en Madrid, pero continuou interesándose por temas galegos e acollendo artigos dos escritores de Galicia. No primeiro número publicou os seis poemas en galego de Federico García Lorca, artigos de Camilo José Cela e Álvaro Cunqueiro. Camilo José Cela foi director da revista durante uns meses de 1947. Esta segunda etapa non chegou ao ano de vida. Comezou unha nova etapa baixo a dirección de Leopoldo Eulogio Palacios pero só conseguiu sacar dez números máis.

Foi o primeiro periódico no que se publicaron textos en galego despois da Guerra civil española, ademais de recuperar poemas inéditos de Rosalía de Castro, Eduardo Pondal, Marcial Valladares e Alberto Camino, na sección titulada "Oro viejo".

Véxase tamén

Bibliografía

"Finisterre". Enciclopedia Galega Universal. Ir Indo. 1999-2002. ISBN 84-7680-288-9.
"Finisterre". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.
Vilavedra, Dolores, ed. (1997). Diccionario da literatura galega. Publicacións periódicas II. Vigo: Editorial Galaxia. ISBN 84-8288-137-X.

Outros artigos

Ligazóns externas

Ficha de Finisterre no Repertorio da prensa da emigración galega do CCG.