Josep Bargalló i Valls

Honorábel
Josep Bargalló i Valls
	; (2018)
Biografía
Nacemento	3 de outubro de 1958 (66 anos); Torredembarra, España
14º Minister of Education of Catalonia (en)
	29 de maio de 2018 – 25 de maio de 2021 ; ← Clara Ponsatí i Obiols – Josep González i Cambray (pt) → ; Nomeado por: Quim Torra
Deputado do Parlamento de Cataluña
	6 de novembro de 2006 – 3 de xaneiro de 2007 ; Circunscrición electoral: Tarragona
Conseller Primer
	20 de febreiro de 2004 – 11 de maio de 2006 ; ← Josep-Lluís Carod-Rovira – Supresión do cargo → ; Nomeado por: Pasqual Maragall
Minister of Education of Catalonia (en)
	17 de decembro de 2003 – 20 de febreiro de 2004 ; ← Carme Laura Gil i Miró (en) – Marta Cid → ; Nomeado por: Pasqual Maragall
Deputado do Parlamento de Cataluña
	30 de novembro de 1995 – 23 de setembro de 2003 ; Circunscrición electoral: Tarragona
Datos persoais
Educación	Universidade de Barcelona ; Universidade Rovira i Virgili
Actividade
Lugar de traballo	Barcelona
Ocupación	político, crítico literario, escritor, historiador
Partido político	Esquerra Republicana de Catalunya (1995–); Partit Socialista d'Alliberament Nacional ; Partit Socialista Unificat de Catalunya ; Nacionalistes d'Esquerra
Membro de	Assemblea de Catalunya (en) ; Nois de la Torre (en)
Xénero artístico	Ensaio
Familia
Cónxuxe	Montserrat Palau i Vergés

Josep Bargalló i Valls, nado en Torredembarra en 1958, é un político catalán e ex-Conseller en Cap (vicepresidente) da Generalitat de Cataluña.

Josep Bargalló licenciouse en filoloxía catalá pola Universidade de Barcelona. Afiliouse a Esquerra Republicana de Catalunya en 1995, pero xa era deputado por esta formación desde 1992 e continuou séndoo até 2003. Simultaneou funcións co seu posto de tenente de alcalde no seu concello natal (1999-2003) e o de vicepresidente do Consello Comarcal do Tarragonés.

Precisamente, foi en 2003 cando Bargalló ocupou o seu primeiro cargo político importante. A finais dese ano, e após a vitoria postelectoral do Partit dels Socialistes de Catalunya (PSC), Iniciativa per Catalunya-Els Verds (IC-V) e o seu propio partido, Esquerra Republicana de Catalunya (ERC), foi designado conselleiro de Educación (Conseller d'Ensenyament). Ocupou o cargo desde o 20 de decembro dese ano até o 20 de febreiro de 2004.

Logo do cesamento de Josep-Lluís Carod-Rovira como Conseller en Cap (xaneiro de 2004) por se ter reunido coa banda terrorista ETA, Bargalló foi elixido como sucesor, ocupando o cargo desde o 20 de febreiro dese ano até o 11 de maio de 2006 (data na que o presidente da Generalitat, Pasqual Maragall, destituíu todos os cargos de ERC das súas funcións).