Juanjo Serrano

Juanjo Serrano

Biografía
Nacemento	3 de outubro de 1981 (43 anos) Calamonte, España (pt)
Actividade
Ocupación	futbolista
Deporte	fútbol
Posición de xogo	Dianteiro
Traxectoria   Equipo 2000–2001 Mérida Unión Deportiva 36 (26) 2001–2003   Atlético de Madrid B 40 (3) 2003–2004   AD Alcorcón 30 (5) 2004–2005 Club Deportivo Díter Zafra 34 (6) 2005–2006   Real Jaén 31 (4) 2006–2007 Unión Deportiva Lanzarote 36 (14) 2007–2008 Mazarrón CF 33 (3) 2008–2009 UB Conquense 29 (2) 2009–2010 Club de Fútbol Villanovense 36 (21) 2010–2011   CD Guadalajara 37 (20) 2011–2012 → cesión:    Cádiz CF 29 (9) 2011–2013   Granada CF 0 (0) 2012–2013 → cesión:  Unión Deportiva Logroñés 13 (0) 2013–2013   CD Guadalajara 16 (4) 2013–2014   CD Lugo 16 (0) 2014–2015   Club Deportivo Mirandés 31 (2) 2015– Club de Fútbol Villanovense

Juan José Serrano Macías, coñecido como Juanjo, nado o 3 de outubro de 1981 en Calamonte (Badaxoz, Estremadura), é un futbolista profesional español que actualmente xoga de dianteiro no Mirandés da Segunda División B española.

Traxectoria

Juanjo naceu en Calamonte, Badaxoz, en 1981. Despois do seu debut como sénior no segundo equipo do Mérida, pasou unha década enteira en distintos clubs da Segunda División B: primeiro no Atlético de Madrid B, para continuar no AD Alcorcón, CD Díter Zafra, Real Jaén, UD Lanzarote, Mazarrón CF, UB Conquense, CF Villanovense e CD Guadalajara. No ano 2011, tras dúas tempadas consecutivas anotando máis de 20 goles, asinaría co club da Primeira División Granada CF, aínda que nunca chegou a debutar en partido oficial, xa que foi cedido ao Cádiz CF e ao SD Logroñés. O 20 de xaneiro de 2013 rescinde o seu contrato co club e regresa ao Guadalajara, cun contrato de medio ano.

Así, con 31 anos, faría o seu debut na Segunda División o 26 de xaneiro dese mesmo ano, sendo titular na derrota por 0–2 ante o Girona FC. O seu primeiro tanto no fútbol profesional chegaría co solitario gol dos alcarreños ante a UD Las Palmas o 30 de marzo, volvendo a anotar outro na seguinte xornada contribuíndo á vitoria local ante o Córdoba CF. Tras marcar outros dous tantos co Guadalajara, o descenso administrativo do club fai que Juanjo teña que buscar un novo equipo, asinando finalmente polo Club Deportivo Lugo. Tras un ano no Lugo no que non goza de moitos minutos de xogo, asina polo CD Mirandés, equipo recentemente descendido á Segunda División B.

Clubs

Club	Categoría	Ano	PX	Goles
Mérida UD	Terceira	2000-2001	36	30
Atlético B	Segunda B	2001-2002	9	1
Atlético B	Segunda B	2002-2003	31	2
AD Alcorcón	Segunda B	2003-2004	30	5
Díter Zafra	Segunda B	2004-2005	34	6
Real Jaén	Segunda B	2005-2006	31	4
UD Lanzarote	Segunda B	2006-2007	36	14
Mazarrón	Segunda B	2007-2008	31	4
UB Conquense	Segunda B	2008-2009	29	2
CF Villanovense	Segunda B	2009-2010	36	22
CD Guadalajara	Segunda B	2010-2011	37	20
Cádiz CF	Segunda B	2011-2012	29	9
UD Logroñés	Segunda B	2012-2013	13	0
CD Guadalajara	Segunda	2013	16	4
Lugo	Segunda	2013-2014	16	0
Mirandés	Segunda B	2014-2015

Véxase tamén

Ligazóns externas

• Datos do xogador en bdfutbol.com (en inglés)
• Datos do xogador en Soccer Database (en inglés)