Juliana Hatfield

Juliana Hatfield
	;
Biografía
Nacemento	27 de xullo de 1967 (57 anos); Wiscasset, Estados Unidos de América (en)
Educación	Berklee College of Music ; Duxbury High School (en) ; Universidade de Boston
Actividade
Campo de traballo	Composición musical
Ocupación	cantautora, guitarrista, autobiógrafa, compositora, artista discográfico
Período de actividade	1986 -
Xénero artístico	Música rock
Instrumento	Baixo e guitarra
Selo discográfico	American Laundromat Records (en) ; Atlantic Records ; Mammoth Records (pt)
Sitio web	julianahatfield.com

Juliana Hatfield, nada o 27 de xullo de 1967 en Wiscasset, Maine, é unha guitarrista e compositora estadounidense que tocou nas bandas de indie rock Blake Babies e Some Girls e na actualidade actúa en solitario.^[1]^[2]

Traxectoria

Hatfield naceu en Wiscasset, Maine, filla de Phillip M. Hatfield, un radiólogo, e de Julie Hatfield, unha antiga editora de moda para The Boston Globe.^[3]^[4] Medrou en Duxbury, Massachusetts, moi preto de Boston.^[5] A pesar de estar próxima a fervente cidade de Boston, en Duxbury Juliana tivo un acceso tardío ao rock. Dende pequena interesouse pola música, estudou piano e cantaba, pero só achou o seu camiño cando descubriu bandas como Replacements e Velvet Underground. Na súa época de universitaria mudouse a Boston para estudar canto no Berklee College of Music, xa coa idea de formar unha banda. Alí coñeceu a John Strohm (guitarrista) e a Brenda Love (batería) e con eles formou Blake Babies, en 1986.

Blake Babies

Blake Babies lanzou o seu primeiro álbum, Nicely, Nicely, en 1987, e a partir dese momento a banda comezou a definir o seu son aproximándose a bandas contemporáneas como R.E.M. e Throwing Muses, con Juliana como principal compositora e vocalista.

A banda editou dous discos máis, Earwig e Sunburn, e converteuse nunha das bandas máis prometedoras da escena de Boston, xunto con The Lemonheads. Nese momento, xusto cando estaban a piques de dar o salto ao gran público, Blake Babies anunciou a súa disolución. Strohm e Brenda Nunes formaron Antenna e Juliana comezou a súa carreira en solitario.

Carreira en solitario

O seu primeiro disco en solitario, Hey Babe, foi lanzado a través do selo Mammoth Records en 1992 e converteuse nun dos traballos independentes máis vendidos dese ano, superando a cifra das 300.000 copias vendidas. Hatfield recrutou unha sección rítmica formada polo antigo batería de Moving Targets e Bullet LaVolta Todd Phillips, e polo baixista de Thudpucker Dean Fisher, converténdose en The Juliana Hatfield Three.

Hatfield acadou o estrelato dentro do rock alternativo coa edición en 1993 de Become What You Are (baixo o nome de The Juliana Hatfield Three). Varios temas do disco foron emitidas regularmente en grandes emisoras estadounidenses, co seu tema "My Sister" converténdose no maior éxito da súa carreira, chegando ao número 1 da lista Modern Rock Tracks. Partes do vídeo de "Universal Heartbeat" aparecería nun episodio de Beavis and Butt-Head. Outra das súas cancións, "Spin the Bottle", foi usada na banda sonora da película Reality Bites (1994). Hatfield tamén apareceu na portada da revista Spin.

Discografía

En solitario

Hey Babe - 1992 (Mammoth)
Become What You Are - 1993 (Atlantic)
Only Everything - 1995 (Atlantic)
Bed - 1998 (Zoë / Rounder)
Beautiful Creature - 2000 (Zoë / Rounder)
Total System Failure - 2000 (Zoë / Rounder)
In Exile Deo - 2004 (Zoë / Rounder)
Made in China - 2005 (Ye Olde Records)

Con Blake Babies

Nicely, Nicely - 1987 (Chewbud Records)
Earwig - 1989
Slow Learner - 1989 (Utility Records)
Sunburn - 1990
Rosy Jack World (EP) - 1991
Innocence & Experience - 1993
God Bless The Blake Babies - 2001
Epilogue (EP) - 2002

Notas

↑ "Juliana Hatfield". www.nndb.com. Consultado o 2019-02-07.
↑ "Juliana Hatfield Background". web.archive.org. 2007-09-27. Archived from the original on 27 de setembro de 2007. Consultado o 2019-02-07.
↑ "Juliana Hatfield". BOMB Magazine (en inglés). Consultado o 2024-10-19.
↑ "Where are they now? Mainers in the music biz". Press Herald. 2013-08-11. Consultado o 2024-10-19.
↑ "Juliana Hatfield: ‘Women don’t know what to do with anger. We turn it on ourselves’". The Guardian (en inglés). 2021-05-11. ISSN 0261-3077. Consultado o 2024-10-19.

Véxase tamén

Ligazóns externas

Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] "Juliana Hatfield". www.nndb.com. Consultado o 2019-02-07.

[2] "Juliana Hatfield Background". web.archive.org. 2007-09-27. Archived from the original on 27 de setembro de 2007. Consultado o 2019-02-07.

[3] "Juliana Hatfield". BOMB Magazine (en inglés). Consultado o 2024-10-19.

[4] "Where are they now? Mainers in the music biz". Press Herald. 2013-08-11. Consultado o 2024-10-19.

[5] "Juliana Hatfield: ‘Women don’t know what to do with anger. We turn it on ourselves’". The Guardian (en inglés). 2021-05-11. ISSN 0261-3077. Consultado o 2024-10-19.

[1]

[2]

[3]

[4]

[5]

v c e The Lemonheads
Evan Dando Vess Ruhtenberg Devon Ashley P. David Hazel Ben Deily Corey Loog Brennan John Strohm Doug Trachten Jesse Peretz Juliana Hatfield Nic Dalton Dave Ryan Patrick Murphy Karl Alvarez Bill Stevenson
Álbums de estudio	Hate Your Friends Creator Lick Lovey It's a Shame About Ray Come on Feel the Lemonheads Car Button Cloth The Lemonheads
Álbums de versións	Varshons Varshons 2
EP e outros	Laughing All the Way to the Cleaners Create Your Friends Favourite Spanish Dishes Patience and Prudence The Best of the Lemonheads: The Atlantic Years
Sinxelos	"Luka" "Different Drum" "Gonna Get Along Without Ya Now" "It's a Shame About Ray" "Mrs. Robinson/Being Around" "Confetti" "Into Your Arms" "It's About Time" "Big Gay Heart" "The Great Big No" "If I Could Talk I'd Tell You" "It's All True" "The Outdoor Type" "Galveston/Balancing Act" "Become the Enemy"