Lanius

Lanius é un xénero de aves da orde dos paseriformes, infraorde dos Corvida, suborde dos oscines, unha das integrantes da familia dos lánidos.

Son paxaros de rechamante aspecto, co peteiro ganchudo e comportamento moi similar ao dos falcóns, xa que son depredadores que adoitan cazaren outros paxaros como xílgaros, pequenos roedores como o rato de campo e insectos grandes.

Un costume típico destas aves é a de inserir as súas vítimas en espiñas a modo de pequenas despensas ás que acode en caso de necesidade.

Taxonomía

Descrición

O xénero foi descrito por Linneo en 1758, na décima edición do seu Systema Naturae.

Etimoloxía

Para escoller o nome do xénero Linneo adoptou o substantivo do latín clásico lanius, -ii, que significa 'carniceiro', tomando, quizais, como modelo a expresión pendere ad lanium, 'estar pendurada (a carne) na carnizaría', debido ao costume das especies deste xénero de penduraren os corpos de pequenos vertebrados e de grandes insectos cravándoos en espiñas, como quedou dito antes.

Especies

Na actualidade recoñécense no xénero as 29 especies seguintes:

• Lanius bucephalusTemminck & Schlegel, 1845
• Lanius cabanisi Hartert, 1906
• Lanius collaris Linnaeus, 1766
• Lanius collurio Linnaeus, 1758
• Lanius collurioides Lesson, 1831
• Lanius cristatus Linnaeus, 1758
• Lanius dorsalis Cabanis, 1878
• Lanius excubitor Linnaeus, 1758
• Lanius excubitoroides Prevost & Des Murs, 1847
• Lanius gubernator Hartlaub, 1882
• Lanius humeralis Stanley, 1814
• Lanius isabellinus Hemprich & Ehrenberg, 1833
• Lanius ludovicianus Linnaeus, 1766
• Lanius mackinnoni Sharpe, 1891
• Lanius meridionalis Temminck, 1820
• Lanius minor Gmelin, 1788
• Lanius newtoni Bocage, 1891
• Lanius nubicus Lichtenstein, 1823
• Lanius pallidirostris Cassin, 1851
• Lanius phoenicuroides (Schalow, 1875)
• Lanius schach Linnaeus, 1758
• Lanius senator Linnaeus, 1758
• Lanius somalicus Hartlaub & Heuglin, 1859
• Lanius souzae Bocage, 1878
• Lanius sphenocercus Cabanis, 1873
• Lanius tephronotus (Vigors, 1831)
• Lanius tigrinus Drapiez, 1828
• Lanius validirostris Ogilvie-Grant, 1894
• Lanius vittatus Valenciennes, 1826

Galería

• 
  Lanius bucephalus
• 
  Lanius collurio
• 
  Lanius excubitor borealis
• 
  Lanius ludovicianus
• 
  Lanius minor
• 
  Lanius nubicus
• 
  Lanius souzae
• 
  Lanius tigrinus
• 
  Lanius vittatus

En Galicia

En Galicia pódense atopar as seguintes especies pertencentes ao xénero Lanius:

Nome científico	Nome común	Imaxe	Presenza	Status en Galicia	Familia
Lanius collurio	Picanzo vermello		Estival pouco común		Lánidos
Lanius excubitor	Picanzo do norte		Raro	-	Lánidos
Lanius isabellinus	Picanzo isabelino		Accidental, rareza	-	Lánidos
Lanius meridionalis	Picanzo real		Sedentario escaso con invernantes		Lánidos
Lanius minor	Picanzo pequeno		Accidental	-	Lánidos
Lanius senator	Picanzo de cabeza rubia		Estival escaso		Lánidos

Véxase tamén

Bibliografía

• Conde Teira, M. A. (1999): "Lista de nomes galegos para as aves ibéricas" Chioglossa 1: 121-138.
• Penas Patiño, Xosé M., Carlos Pedreira López e Calros Silvar (2005): Guía das aves de Galicia. A Coruña: Baía Edicións. ISBN 84-8767-406-2.
• Harris, Tony (2000): Shrikes and Bush-Shrikes. Princeton, Nova Jersey, USA: Princeton University Press. ISBN 0-6910-7036-9.
• Lefranc, Norbert (1997): Shrikes: A Guide to the Shrikes of the World. New Haven, Connecticut, USA: Yale University Press. ISBN 0-3000-7336-4.

Outros artigos

• Paseriformes
• Corvida
• Corvoideos
• Lánidos

Ligazóns externas

• Lanius Linnaeus 1758 na EOL.
• Lanius Linnaeus, 1758 no GBIF.