Laura Breglia
| Biografía | |
|---|---|
| Nacemento | 5 de febreiro de 1912 Nápoles, Italia  |
| Morte | 2 de xuño de 2003 Roma Italia |
| País de nacionalidade | Italiana |
| Educación | Universidade Federico II |
| Q89547790 | Estudos de numismática grega |
| Actividade | |
| Campo de traballo | Numismática |
| Lugar de traballo | Roma |
| Ocupación | numismático |
| Empregador | Universidade de Roma La Sapienza |
Laura Breglia, nada o 5 de febreiro de 1912 en Nápoles e finada o 2 de xuño de 2003 en Roma, foi unha numismática e profesora universitaria italiana especializada no campo da numismática da Antiga Grecia.[1]
Traxectoria
[editar | editar a fonte]Laura Breglia cursou o seu ensino primario e secundario na súa cidade natal, e en 1933 graduouse en Filoloxía Clásica na Universidade Federico II, tamén en Nápoles. Ao pouco de graduarse comezou a interesarse pola numismática e a ourivaría clásicas.[1]
En 1934 comezou a traballar no Museo Arqueolóxico de Nápoles para se encargar da reordenación da súa colección numismática, traballo que compaxinou a partir de 1938 co de profesora axudante da cátedra de Arqueoloxía na universidade napolitana. A partir de 1840 comezou a impartir tamén clases de numismática, de xeito gratuíto, ata que en 1944 a universidade a contratou como profesora desa materia. Breglia ocupábase a un tempo da docencia universitaria e do seu labor no Museo Arqueolóxico de Nápoles, e a isto uniu a súa vinculación ao Museo Nacional de Reggio Calabria, aberto en 1949.[1]
En 1952 foi contratada como profesora de Numismática na escola de posgrao da Universidade de Roma La Sapienza, e na Facultade de Letras e Filosofía desa mesma universidade ocupou a cátedra de Numismática Grega e Romana, de xeito interino desde 1954 e xa formalmente a partir de 1968.[1]
Xa en Roma, ingresou no Instituto Italiano de Numismática para se responsabilizar da xestión científica e para dirixir, a partir de 1954, a nova revista da institución, Annali dell'Istituto italiano di numismatica, nuns anos que marcaron un novo pulo nos estudos numismáticos en Italia.[2] Breglia chegou a ser presidenta do Instituto entre 1962 e 1991. En 1965 impulsou tamén a creación do Centro Internacional de Estudos Numismáticos.[1]
Entre 1955 e 1972 foi membro da xunta de goberno do Consello Internacional de Numismática (CIN), organización da que foi vicepresidenta entre 1959 e 1968. En 1961 dirixiu o Congreso Internacional de Numismática que o CIN celebrou en Roma, nun ambiente que supuxo unha renovación nas investigacións sobre o mundo antigo en Italia e que se trasladou ao seguinte congreso, celebrado en Copenhague en 1967.[1] Giovanni Gorini fíxose eco dese ambiente e do papel de Laura Breglia nun artigo na Rivista italiana di numismatica con estas palabras: "un [...] novo curso parece impregnar toda a investigación da Antigüidade en Italia, grazas en parte a Bianchi Bandinelli e á súa escola e, para a numismática, en particular a Laura Breglia e os seus estudantes [...]".[2]
Laura Breglia foi comisionada para diversas misións estatais relacionadas coa numismática, como a reorganización da colección de Vítor Manuel III (en 1952), doada ao Estado cando este marchou ao exilio e asignada ao Instituto Italiano de Numismática; o recoñecemento (en 1954) das moedas recuperadas polo exército aliado no Banco de Italia; a reordenación (tamén en 1954) da colección numismática da Casa da Moeda de Roma; ou a inventariación (en 1958) de todas as coleccións públicas de moedas de Italia.[1]
A vinculación de Laura Breglia coa Universidade de Roma concluíu en 1982, cando foi nomeada profesora emérita.[1]
Entre as entidades numismáticas das que Laura Breglia foi membro ao longo da súa carreira cabe salientar as seguintes:[1]
- Consello Internacional de Numismática.
- Sociedade Numismática Italiana.
- American Numismatic Society.
- Royal Numismatic Society.
- Sociedade Suíza de Numismática.
Publicacións
[editar | editar a fonte]A obra de Laura Breglia é moi ampla. Esta é unha mostra non exhaustiva da súa produción no que se refire ás monografías:[3][4][5]
Antes de 1940
[editar | editar a fonte]- (1925): Vecchie notizie e nuove visioni nella monetazione di Napoli.
- (1930): Monnaies antiques : grecques, romaines, byzantines etc.: bibliotheque numismatique. Xenebra. Ars Classica.
- (1934): Di alcuni tesoretti monetali del Museo di Taranto. Istituto Italiano di Numismatica.
- (1935): Di un recente acquisto monetale del Museo Nazionale di Napoli. Circolo Numismatico Napoletano.
- (1935): La storia di Taranto attraverso la sua monetazione. Tarento. Editrice Cressati.
- (1936): Un ripostiglio di Frasso Telesino. Nápoles. Circolo Numismatico Napoletano.
- (1937): Riflessi di rappresentazioni plastiche sulla moneta romana. Nápoles. Reale Accademia di archeologia.
- (1938): Avanzi di villa romana a Torre del Greco. Nápoles.
- (1939): Le oreficerie del Museo di Taranto. Bari. Alfredo Cressati.
- (1939): Contributo allo studio della circolazione monetale in Magna Grecia. Nápoles. Reale Accademia di Archeologia, Lettere ed Arti.
- (1939): Un lingotto aureo di zecca Imperiale Romana. Nápoles. Circolo Numismatico Napoletano.
Década de 1940
[editar | editar a fonte]- (1940): Correnti d'arte e riflessi di ambienti su monete greche. Florencia. Sansoni.
- (1941): Una testa d' arte italica del Museo Campano. Florencia.
- (1941): Nuovi elementi di conoscenza per la circolazione monetale e la storia dell'Epiro. Nápoles. Accademia di Acheologia, Lettere e Belle Arti.
- (1941): Monete di Babba a Butrinto. Perugia. Grafica Societa Anonima per le Arti Grafiche.
- (1941): Catalogo delle oreficerie del Museo nazionale di Napoli. Roma. La Libreria dello Stato.
- (1942): Due Tesoretti di monete greche della Magna Grecia. Nápoles. Accademia di Archeologia, Lettere e Belle Arti di Napoli.
- (1942): Posizione della Campania nell' arte italica. Florencia. Sansoni.
- (1946): Particolarita di una moneta macedone di eta imperiale romana. Nápoles. Bollettino del Circolo Numismatico Napoletano.
- (1946): Rinvenimento monetale di Sessa Aurunca. Perugia. Grafica.
- (1947): L'oro del giuramento e i denari romani e italici del Iº sec. Perugia. Grafica.
- (1948): La monetazione di Capua e il problema del denario. Perugia. Grafica.
- (1948): La coniazione argentea di Alesa Arconidea. Palermo. Società Siciliana per la Storia Patria.
- (1949): A proposito di riconiazioni. Nápoles. Istituto della Stampa.
- (1949): Le Campano-tarentine e la presunta lega monetale fra Taranto e Napoli. Nápoles. Accademia di Archeologia, Lettere e Belle Arti.
Década de 1950
[editar | editar a fonte]- (1950): Spunti di politica monetale romana in Sicilia ed in Sardegna. Nápoles. Accademia di Archeologia, Lettere e Belle Arti di Napoli.
- (1950): Pompeiana : raccolta di studi per il secondo centenario degli scavi di Pompei (con A. Maiuri). Nápoles.
- (1950): Circolazione monetale ed aspetti di vita economica a Pompei. Nápoles. Gaetano Macchiaroli.
- (1951): Note stilistiche sul "quadrigato". Roma. Accademia Nazionale dei Lincei.
- (1952): La prima fase della coniazione romana dell'argento. Roma. P. e P. Santamaria.
- (1954): Problemi della più antica monetazione di Magna Grecia. Roma. Istituto Italiano di Numismatica.
- (1958): Magna Grecia. Roma. Istituto italiano di numismatica.
- (1959): Numismatica greca. Turín. Soc. ed. Internationale.
Década de 1960
[editar | editar a fonte]- (1961): Monete italiane del Rinascimento : mostra organizzata in occasione del Congresso internazionale di numismatica (con F. Pavini-Rosati). Roma. Istituto Italiano di Numismatica.
- (1964): Numismatica antica: storia e metodologia. Milán. Feltrinelli.
- (1964): Presentazione di uno statere incuso di Poseidonia. Roma. P. e P. Santamaria.
- (1966): Le antiche rotte del Mediterraneo documentate da monete e pesi. Roma. L'Erma di Bretschneider.
- (1966): Contributi numismatici alla storia della Sicilia antica. Roma. Banco di Sicilia.
- (1966): Prospetto unitario della monetazione nella Sicilia antica. Nápoles. Istituto italiano di numismatica.
- (1968): L'arte romana nelle monete dell'età imperiale. Milán. Silvana.
- (1968): Roman Imperial Coins- Their Art & Technique. Nova York. F. A. Praeger.
- (1969): La circolazione della moneta ateniese in Sicilia e in Magna Grecia: atti del I convegno del Centro Internazionale di Studi Numismatici, Napoli, 5-8 aprile 1967. Roma. Istituto italiano di numismatica.
Década de 1970
[editar | editar a fonte]- (1973): La monetazione di bronzo di Poseidonia-Paestum: atti del III Convegno del Centro Internazionale di Studi Numismatici, Napoli 19-23 aprile 1971. Roma. Istituto italiano di numismatica
- (1974): Interrogativi sulle "Creseidi". Pisa. Scuola Normale Superiore.
- (1974): Il materiale proveniente dalla base centrale dell'Artemision di Efeso e le monete di Lidia. Nápoles.
Publicación en homenaxe a Laura Breglia
[editar | editar a fonte]En 1987 publicouse unha obra conxunta de colaboracións sobre numismática como homenaxe a Laura Breglia por parte de antigos compañeiros, logo da súa xubilación en 1982:[6]
- (1987): Studi per Laura Breglia. Roma. Bollettino di Numismatica (supplemento). Istituto Poligrafico e Zecca dello Stato. ISBN 978-8824014106
- Parte I: Generalia, Numismatica Grega.
- Parte II: Numismatica Romana, Medioevale e Moderna.
- Parte III: Arqueologica e Historia.
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 1,7 1,8 Stazio, A. (2003).
- ↑ 2,0 2,1 Gorini, G. (1988).
- ↑ Procura: Laura Breglia. OPAC SBN Catalogo del Servizio Bibliotecario Nazionale.
- ↑ "Laura Breglia". Worldcat.
- ↑ VV.AA. (1987): Studi per Laura Breglia. Roma. Bollettino di Numismatica (supplemento). Istituto Poligrafico e Zecca dello Stato. Parte I. Páxinas 13-15. ISBN 978-8824014106
- ↑ Herrero Albiñana, C. (1990). "Recensión: Studi per Laura Breglia". En Gerión. Revista de Historia Antigua. Vol. 8. Páxinas 300 a 302.
Véxase tamén
[editar | editar a fonte]Bibliografía
[editar | editar a fonte]- Gorini, G. (1988). "Cento anni della Rivista italiana di numismatica". En Rivista italiana di numismatica. XC.
- Sorda, S. (2005). "In ricordo di Laura Breglia". En Rivista italiana di numismatica e scienze affini. CVI. Páxinas 15-22. ISSN 1126-8700
- Stazio, A. (2003). "Nécrologie: Laura Breglia Arquivado 12 de maio de 2022 en Wayback Machine.". En International numismatic commission: Compte rendu 50. Páxinas 22-25.
