Limoges CSP

	Limoges CSP
Información xeral
Liga	Pro A / BCL
Fundación	1929
Cores	Verde, branco, ouro
Presidente	Céline Forte
Adestrador	Massimo Cancellieri
Patrocinador	Intermarché
Localización
Cidade	Limoges, Francia
Pavillón	Palais des Sports de Beaublanc
Capacidade	5 516
Inauguración	1981
Campionatos
Euroliga	1 (1993)
Recopa	1 (1988)
Copa Korać	3 (1982, 1983, 2000)
Liga	11 (1983−1985, 1988−1990, 1993−1994, 2000, 2014−2015)
Copa	6 (1982−1983, 1985, 1994−1995, 2000)
Supercopa	1 (2012)
	limogescsp.com

O Limoges Cercle Saint-Pierre, comunmente coñecido como Limoges CSP, é un club de baloncesto profesional francés con sede na cidade de Limoges, Lemosín. O club foi fundado en 1929 e viviu os seus mellores momentos nas décadas de 1980 e 1990, cando conquistou os máis importantes títulos de Francia en diversas ocasións, así como diversos títulos europeos, incluída a Euroliga conquistada en 1993. Actualmente compite na LNB Pro A, máxima categoría do baloncesto francés.

Historia

O Limoges Cercle Saint-Pierre foi fundado en 1929, con todo, non comeza a ser un equipo exitoso até a década de 1980, cando en 1981 gaña o seu primeiro título importante: a Copa de Francia. A partir desta data o club comeza a gañar con asiduidade os títulos de campión de Liga e de Copa no seu país, alén de destacar en competicións europeas. De feito, foi o primeiro equipo galo en gañar o máximo título europeo en calquera deporte ao conseguir a Euroliga en 1993. Porén, o equipo xa gañara anos antes varios títulos continentais, como dúas Copas Korać, en 1982 en 1983, ambas ante o Šibenka Šibenik (90–84 e 94–86), e unha Recopa en 1988 ante o Joventut Badalona (96–89). Posteriormente, no ano 2000, gaña de novo a Korać, esta vez ante o Unicaja Málaga (80–58 e 51–60).

A nivel local, na temporada 1999–00 o Limoges conseguía gañar o seu noveno título de Liga, con todo, sería descendido ao final da temporada á LNB Pro B por problemas financeiros. O equipo só permanece un ano na segunda división, máis o seu retorno á máxima categoría sería breve, descendendo de novo en 2004. De feito, ao comeza a temporada 2004–05 o Limoges xogaba na NM1, a terceira categoría. Desde esa temporada o club tardaría seis anos en volver á elite, aparecendo fugazamente na primeira división en 2011 para volver a descender. Con todo, o club regresa á Por A ao ano seguinte volvendo ás súas vellas glorias o conseguir en 2014 o seu décimo título de liga tras vencer ao Strasbourg IG por 0–3 na final.^[1]

Debido ao título de liga o club sería invitado para xogar a Euroliga 2014–15, no que sería o seu retorno a máxima competición europea tras dezasete anos de ausencia. Con todo, o retorno non sería destacábel, xa que o Limoges perdería 8 dos 10 partidos disputados, gañando unicamente ao Unics Kazan e ao Cedevita, antes de ser relegados á Eurocup, onde foi tamén rapidamente eliminado. No campionato local o club volve facerse co título de campión. Durante a fase regular o Limoges quedaría clasificado en terceiro lugar tras o JSF Nanterre e o Strasbourg, porén o club consegue chegar á final. Na final, o club do Lemosín vence de novo ao Strasbourg, esta vez por 1-3.

Uniformes

1929-1992
1992-2004
2004-2011
2011

Pavillón

Artigo principal: Palais des Sports de Beaublanc.

O Palacio de Deportes Beaublanc (en occitano: Bòsc Blanc) está situado no parque de deportes da cidade de Limoges. Foi construído en 1981 grazas a. Xavier Popelier e a Albert Chaminade. Desde aquela acolle os partidos como local do Limoges, alén doutros eventos deportivos como a Copa Davis ou partidos de baloncesto e balonmán femininos. Até a construción do Palais des Sports de Pau en 1991 era o pavillón de baloncesto máis grande do país.

Xogadores

Cadro actual

Limoges CSP 2015−2016

Xogadores

Adestradores

Pos.	#	Nac.	Nome	Altura	Peso	Procedencia
1.0 !B	3	!	Culpepper, Randy	1,83 m (6 ft 0 in)	75 kg (165 lb)	Krasny Oktyabr (2015)
3.0 !A	5	!	Wojciechowski, Mathieu	2,03 m (6 ft 8 in)	90 kg (198 lb)	ESSM Le Portel (2015)
4.0 !AP	6	!	Daniels, Will	2,03 m (6 ft 8 in)	104 kg (229 lb)	Mets de Guaynabo (2015)
2.0 !E	8	!	Gattens, Matt	1,96 m (6 ft 5 in)	95 kg (209 lb)	Ankara Kolejliler (2015)
1.0 !B	9	!	Westermann, Leo	1,98 m (6 ft 6 in)	86 kg (190 lb)	FC Barcelona (2014)
2.5 !E-A	11	!	Payne, Mark	2,03 m (6 ft 8 in)	104 kg (229 lb)	Châlons-Reims (2015)
4.0 !AP	12	!	Camara, Ousmane	2,02 m (6 ft 8 in)	102 kg (225 lb)	BCM Gravelines (2014)
5.0 !P	14	!	Zerbo, Fréjus	2,09 m (6 ft 10 in)	125 kg (276 lb)	BCM Gravelines (2011)
3.0 !A	16	!	Boungou Colo, Nobel	2,02 m (6 ft 8 in)	90 kg (198 lb)	Le Mans (2012)
5.0 !P	24	!	Traoré, Ali	2,08 m (6 ft 10 in)	113 kg (249 lb)	Strasbourg IG (2015)

Adestrador

Philippe Hervé

Asistente(s)

Jim Bilba
Bertrand Parvaud

Lenda

(C) Capitán
Lesionado

Cadro
Actualizado: 16-09-2015

Palmarés

Competicións europeas

Euroliga
- Campións (1): 1992−93
- F4 3º posto (1): 1989−90
- F4 4º posto (1): 1994−95
Copa Saporta
- Campións (1): 1987−88
Copa Korać
- Campións (3): 1981−82, 1982−83, 1999−00
- Subcampións (1): 1986−87

Competicións domésticas

Liga de Francia
- Campións (11): 1982−83, 1983–84, 1984–85, 1987–88, 1988–89, 1989–90, 1992–93, 1993–94, 1999−00, 2013−14, 2014−15
Copa de Francia
- Campións (6): 1981−82, 1982–83, 1984–85, 1993–94, 1994–95, 1999−00
Leaders Cup
- Campións (2): 1987−88, 1989–90
Supercopa de Francia
- Campións (1): 2012
Segunda Divisón de Francia
- Campións (2): 2000−01, 2011–12