Lista de catástrofes naturais en 2018

Esta é unha lista sobre as catástrofes naturais que aconteceron durante o ano 2018.

Catástrofes naturais por países

País	mortos	feridos	desprazados	desaparecidos
Indonesia	1 964	632	448 148	29
Francia	1 505	26	0	2
India	1 023	0	846 680	36
Xapón	402	900	8 600	87
Guatemala	188	2 853	2 839	240
Nixeria	162	24	0	20
Filipinas	155	0	126 000	0
Kenya	112	0	260 200	0
Grecia	94	187	0	0
Corea do Norte	76	0	0	75
Canadá	70	0	0	0
Paquistán	65	0	0	0
Estados Unidos	62	1	0	43
R.D. do Congo	44	0	0	0
España	38	20	0	0
Níxer	22	0	0	0
Laos	20	0	6 600	131
Costa do Marfil	18	0	0	0
Myanmar	15	0	149 004	0
Vietnam	12	5	0	6
Italia	11	0	0	5
Israel	11	0	0	0
Bolivia	8	0	0	0
Alemaña	6	0	0	0
Tunisia	4	0	0	0
Irán	2	255	0	0
China	2	213	0	0
Países Baixos	2	0	0	0
Bélxica	1	0	0	0

Catástrofes naturais por continentes

Continente	Mortos	Feridos	Desprazados	Desaparecidos
Asia	3 687	2 005	1 585 032	364
África	318
América	312
Europa	130

Catástrofes naturais por tipoloxía

Tipo de catástrofe	mortos	feridos	desprazados	desaparecidos
Terremoto	557	0	431 416	0
Inundacións	385	0	849 004	0
Onda de calor	208	0	0	0
Erupción volcánica	156	2 853	2 839	268
Incendios	94	187	0	0
Crecida de río	10	0	0	5
Furacán	6	0	0	2

Catástrofes naturais por mes

Xaneiro

5 de xaneiro

• República Democrática do Congo: Inundacións en Kinshasa no 2018. As fortes choivas torrenciais do 4 de xaneiro provocaron derrubamentos na capital, Kinshasa deixaron: 44 mortos, 192 casas destruídas e 5 100 inundadas.
• Francia: Tormenta Eleanor no 2018. A tormenta Eleanor deixa nos Alpes 5 mortos, 26 feridos e 2 desaparecidos.

13 de xaneiro

• Estados Unidos: Inundacións en California en xaneiro de 2018. As inundacións provocadas polas fortes choivas e os desprendementos no estado de California, deixa 18 mortos e 43 desaparecidos.

18 de xaneiro

• Alemaña: Tormenta Friederike no 2018. A tormenta Friederike durante o 18 de xaneiro provocou fortes ventos que deixaron 6 mortes en Alemaña.
• Países Baixos: Tormenta Friederike no 2018. A tormenta Friederike deixa nos Países Baixos 2 mortos.
• Bélxica: Tormenta Friederike no 2018. A tormenta Friederike deixa en Bélxica 1 morto.

Febreiro

19 de febreiro

• Bolivia: Fortes choivas en Bolivia en febreiro de 2018. As fortes choivas deixaron en Bolivia polo menos 8 mortos e máis de 15 000 afectados. O maior número de vítimas sucedeu en Tiquipaya.

25 de febreiro

• Estados Unidos: Inundacións nos Estados Unidos do 25 de febreiro de 2018. As graves inundacións provocadas polas fortes choivas do 25 de febreiro deixaron no centro e nordeste do país 5 mortos.

Abril

27 de abril

• Israel: Tormentas en Israel durante o 26-27 de abril de 2018. As fortes tormentas deixaron grandes cantidades de choiva que provocaron a formación de riadas e torrentes principalmente na rexión de Arava. O número total de vítimas mortais ascende a 11.

Maio

4 de maio

• Kenya: Fortes choivas en Kenya dende principios de marzo do 2018. A tempada de choivas en Kenya deixa polo 112 mortes, 48 477 fogares destruídos, 260 200 desprazados e grandes zonas agrícolas danadas.

15 de maio

• Ruanda: Inundacións en Ruanda no 2018. Despois de catro meses de intensas choivas e graves inundacións deixaron un saldo total de máis de 200 mortos, uns días antes de acabar a tempada de choivas houbo un derrubamento que provocou 18 mortos. Máis de 9 000 casas foron destruídas.

21 de maio

• Paquistán: Onda de calor dende o 19 de maio ata o 24 de maio de 2018 en Paquistán. Unha onda de calor que afectou a cidade de Karachi, deixou polo menos 65 mortos polas altas temperaturas.

27 de maio

• Somalia: Inundacións en Hirshabelle, Yubaland e Banadir dende marzo de 2018. As inundacións provocadas polas intensas chuvias en varios estados de Somalia deixan, polo menos, 21 mortos, 800 000 persoas afectadas e máis de 230 000 persoas tiveron que abandonar os seus fogares.

28 de maio

• Etiopía: Derrubamento de terras no Sur de Etiopía en maio do 2018. As fortes choivas provocaron graves derrubamentos de terras que deixaron no Sur de Etiopía 32 mortos e 6 feridos.

29 de maio

• Estados Unidos: Furacán Alberto de 2018. O furacán Alberto ao seu paso por Carolina do Norte deixa 2 mortos.

Xuño

3 de xuño

• Guatemala: Erupción do volcán do Fuego do 3 de xuño de 2018: A erupción volcánica en Guatemala deixou polo menos 188 mortos, 2 853 feridos, 240 desaparecidos, 2 839 refuxiados e preto de 2 millóns de afectados.

18-20 de xuño

• Costa do Marfil: Inundacións por fortes choivas do 18 ao 20 de xuño de 2018 en Abiyán. As intensas choivas provocaron inundacións que asolaron a cidade de Abiyán e deixaron 18 mortos. As autoridades políticas declararon a alerta vermella na zona afectada.

Xullo

6 de xullo

• Canadá: Onda de calor dende o 29 de xuño de 2018 ata o 6 de xullo de 2018 no Canadá. Unha onda de calor na rexión do Quebec deixou polo menos 70 mortos. 34 deles en Montreal.

9 de xullo

• Xapón: Inundacións do 28 de xuño ao 9 de xullo de 2018 no Xapón. As inundacións provocadas polas fortes choivas deixa 209 mortos e máis de 50 persoas aínda seguen desaparecidas. Unhas 5 900 persoas permanecen en refuxios.

• Xapón: Onda de calor no Xapón do 9 de xullo ao 26 de xullo de 2018. A onda de calor que afectou ao Xapón deixou 138 mortos e 71 266 persoas tiveron que ser hospitalizadas por insolación. Unha das zonas máis afectadas polas altas temperaturas é Kumagaya.

17 de xullo

• Nixeria: Inundacións en xullo de 2018 en Nixeria. As inundacións provocadas polas fortes choivas entre os días 15 e 16 deixaron 52 mortos, 24 feridos e 20 desaparecidos no estado de Katsina, sendo a zona máis afectada a cidade de Jibia.

18-22 de xullo

• Vietnam: Furacán Son Tinh do 18 de xullo ao 22 de xullo de 2018 en Vietnam. O furacán Son Tinh que afectou ao norte do país deixa ao menos 19 mortos e 13 desaparecidos, afectou a 15 000 fogares e tamén arrasou varias zonas agrarias.

23-24 de xullo

• Camerún: Inundacións en Limbé e Douala do 23 ao 24 de xullo de 2018. As inundacións provocadas polas fortes choivas deixa en Limbé 6 mortos e varios edificios inundados.

23-26 de xullo

• Grecia: Incendios forestais provocados en Grecia do 2018: Numerosos incendios provocados afectaron as localidades que se sitúan nos arredores de Atenas, entre elas Mati, onde houbo o maior número de mortos, en total os incendios deixaron 94 mortos, 187 feridos e 3 600 afectados. Os incendios comezaron o 23 de xullo e remataron o 26 de xullo de 2018.

26 de xullo

• Laos: Inundacións pola ruptura dunha presa en Laos no 26 de xullo de 2018. A ruptura dunha presa hidroeléctrica na provincia de Attapeu provocou a inundación de numerosas localidades que se encontraban preto dela. Isto deixou un saldo de polo menos 20 mortos, 131 desaparecidos e 6 600 persoas sen fogar.

Agosto

1-6 de agosto

• Myanmar: Inundacións en Myanmar do 1 ao 6 de agosto de 2018. As inundacións, provocadas polas choivas monzónicas, afectaron a varios estados do país. O número de desprazados ascende aos 149 004. Os estados polo número de mortos sería da seguinte forma: o Estado de Mon con 5 mortos, na rexión de Bago con 4 mortos, no Estado de Kayin con 3 mortos, na rexión de Magway con 2 mortos e na rexión de Tanintharyi con 1 morto. O que dá un total de 15 mortos.

2 de agosto

• Corea do Sur: Onda de calor en Corea do Sur no 2018. Unha onda de calor no país asiático matou a 29 persoas por insolación provocadas polas altas temperaturas.

4 de agosto

• Vietnam: Corremento de terras en Vietnam no 4 de agosto de 2018. As fortes choivas provocaron uns corrementos de terras que deixaron 6 mortos, 4 desaparecidos e 5 feridos na provincia de Lai Chau.

9 de agosto

• Níxer: Inundacións de agosto de 2018 en Níxer. As inundacións, que afectaron especialmente a Maradi e Diffa, deixaron 22 mortos e 50 000 damnificados; ademais da destrución de miles de casas, tamén afectaron a zonas de cultivo, ao gando e pozos de auga potable.

5 e 19 de agosto

• Indonesia: Terremotos na illa de Lombock en agosto de 2018. A illa de Lombock sufriu dous graves terremotos que provocaron 557 mortos e 431 416 persoas tiveron que abandonar os seus fogares. O custo económico dos sismos é de 459 millóns de euros. O número de feridos é descoñecido.

10-21 de agosto

• India: Inundacións na India do 2018. As inundacións, provocadas polas chuvias torrenciais do monzón no Estado de Kerala —que se prolonga dende o 29 de maio— deixa 417 mortos, 36 desaparecidos e 846 680 refuxiados,. As chuvias tamén afectaron a outros estados como o de Uttar Pradesh con 204 mortos, Bengala Occidental con 195 mortos, Karnataka con 161 mortos e Assam con 46 mortos. Todas estas mortes son rexistradas ata o 22 de agosto, polo que a cifra de vítimas mortais pode cambiar. O número total de mortos é de 1 023. As perdas ascenden aos 2 800 millóns de dólares só no estado de Kerala.

18 de agosto

• Vietnam: Furacán Bebinca en Vietnam do 18 de agosto de 2018. O furacán Bebinca provocou en Vietnam polo menos 6 mortos e 2 desaparecidos. Ademais de destruír 21 casas e 1 200 quedaron inundadas.

20 de agosto

• Italia: Crecida do Raganello do 20 de agosto de 2018. As fortes choivas provocaron a crecida do río Raganello en Civita, na rexión de Calabria, deixando 11 mortos, 5 desaparecidos e 23 persoas atrapadas que logo foron rescatadas. As cifras poden cambiar.

25 de agosto

• Irán: Terremoto en Irán do 26 de agosto de 2018. Un terremoto de 6'0 graos na provincia de Kermanshah deixa polo menos 2 mortos e 255 feridos e varios danos materiais. As cifras poden cambiar.

31 de agosto-actualidade

• Nixeria: Inundacións do río Níxer dende o 31 de agosto en Nixeria. As inundacións provocadas pola crecida do río Níxer que afectou a 10 estados diferentes en Nixeria deixaron polo menos 100 mortos e numerosas persoas sen fogar.

Setembro

4 de setembro

• Xapón: Furacán Jebi no Xapón dende o 27 de agosto ao 4 de setembro do 2018. O furacán Jebi deixa no Xapón 11 mortos, máis de 300 feridos e numerosas infraestruturas danadas como o Aeroporto Internacional de Kansai, onde preto de 3 000 persoas tiveron que pasar a noite pola chegada do furacán.
• Nixeria: Inundacións en setembro de 2018 en Nixeria. As inundacións polas choivas intensas provocaron no estado de Kebbi polo menos 10 mortos. Ademais de destruír varias casas e zonas de cultivo e de gando.

5 de setembro

• Xapón: Terremoto de 6'7 graos no Xapón do 5 de setembro de 2018. Un terremoto de 6'7 graos en Hokkaido, que provocou corrementos de terras afectando especialmente a aldea de Atsuma. 44 persoas morreron. O número de feridos ascende a 600. Máis de 2 700 persoas tiveron que abandonar os seus fogares, por danos estruturais.

6 de setembro

• Corea do Norte: Inundacións en setembro de 2018 en Corea do Norte. As inundacións provocadas polas fortes choivas en varias provincias deixan 76 mortos e 75 desaparecidos, moitos deles nenos. Uns 800 edificios foron destruídos.

7 de setembro

• España: Onda de calor en Cataluña no 2018. Unha onda de calor na primeira semana de agosto deixa en Cataluña 23 mortos mentres que as altas temperaturas de xullo provocaron 2 mortos. Ademais houbo 66 persoas que foron hospitalizadas por ataques de calor.
• Guinea: Inundacións mortais en Dokö no 2018. As fortes choivas provocaron graves inundacións que mataron a 2 mineiros e destruíron polo menos 11 vivendas no distrito de Kolènda, na subprefectura de Dokö.

14 de setembro-actualidade

• Estados Unidos: furacán Florence. Tocou o 14 de setembro terra na costa leste dos Estados Unidos. Afectando principalmente ao estado de Carolina do Norte e Carolina do Sur onde xa deixou 37 mortos, 1 ferido e preto de 1 000 000 persoas sen subministración eléctrica.

15 de setembro-actualidade

• Filipinas: Furacán Mangkhut no 2018. O furacán Mangkhut deixa no norte da illa de Luzón, polo menos 155 mortos, 126 000 de afectados e 70 desaparecidos, ademais de danar zonas de cultivo.

• China: Furacán Mangkhut no 2018. O furacán deixa 2 mortos e 213 feridos na rexión de Hong Kong.

21 de setembro

• Francia: Canícula no verán en Francia de 2018. A canícula durante o verán de 2018 en Francia e unha onda de calor entre o 24 de xullo e o 8 de agosto deixa 1 500 mortos.

22-23 de setembro

• Tunisia: Inundacións do 22 e 23 de setembro en Tunisia. As fortes choivas no nordeste do país, do 22 e 23 de setembro provocaron inundacións que mataron polo menos 4 persoas.

28 de setembro

• Indonesia: Terremotos e tsunami na illa de Sulawesi o 28 de setembro de 2018. O 28 de setembro na illa de Sulawesi houbo unha serie de terremotos, no que o máis potente foi de 7'5 graos, que provocou un tsunami o cal xunto aos terremotos provocaron a destrución e o caos principalmente nas cidades de Palu e Donggala. O total de mortos é de 2 256, 4 612 feridos e 680 desaparecidos, ademais hai 70 821 desprazados e 65 733 vivendas danadas ou destruídas. As autoridades dixeron que pode aumentar o número de vítimas.

30 de setembro

• Xapón: Furacán Trami no Xapón no 2018. O poderoso furacán Trami tocou o domingo 30 de setembro terra nas illas periféricas do arquipélago xaponés, deixando ao seu paso 4 vítimas mortais, 2 persoas desaparecidas e 150 feridas.
• Grecia: Medicane Zorba en 2018. O medicane Zorba afectou a varias zonas de Grecia e deixou polo menos 3 desaparecidos.

Outubro

7 de outubro

• Haití: Terremoto de 5'8 graos en Haití no 2018. Un terremoto de 5'8 graos sacudiu Haití deixando 17 mortos e máis de 330 feridos. As autoridades informaron que hai varios edificios que se derrubaron e outros quedaron danados.

9 de outubro

• España: Choivas torrenciais en Sant Llorenç des Cardassar o 9 de outubro de 2018. As choivas torrenciais que comezaron pola tarde do martes en Sant Llorenç des Cardassar, na illa de Mallorca deixan 13 mortos, 3 feridos e máis de 200 persoas desaloxadas. Dúas das vítimas mortais son cidadáns británicos.

11 de outubro

• Uganda: Esvaramento de terra ao leste de Uganda o 11 de outubro de 2018. As fortes choivas provocaron un crecemento do caudal dun río que se sitúa preto da fronteira con Kenya e á súa vez produciuse un esvaramento de terra que deixou varias aldeas afectadas. O número de mortos ascende a 41.

6 - 12 de outubro

• Estados Unidos: Furacán Michael no 2018. O furacán Michael comezou o seu percorrido o 6 de outubro e atravesou durante os seguintes días ata o 12 de outubro varios estados, entre eles o de Florida. O total de mortos é de 45 e miles de persoas seguen desaparecidas.

13-15 de outubro

• Portugal: Furacán Leslie no 2018. O furacán Leslie tocou o 13 de outubro de 2018 en Portugal. Os distritos de Coímbra e Leiria foron os máis afectados. Deixou 28 feridos leves, 61 persoas desaloxadas e 325 000 vivendas sen electricidade.
• España: Furacán Leslie no 2018. As choivas torrenciais provocadas polo paso do furacán por Cataluña deixan 17 persoas feridas, 5 delas de gravidade.
• Francia: Furacán Leslie no 2018. As choivas torrenciais provocadas pola entrada en forma de tormenta de Leslie ocasionou preto de Carcasona graves inundacións, que deixaron polo momento 10 mortos, 1 desaparecido, 30 feridos graves e 7 000 vivendas sen electricidade.

25 de outubro

• Xordania: Inundacións en outubro en Xordania. As inundacións mortais en Xordania deixan un saldo de 21 mortos, 35 feridos e varias persoas desaparecidas.

27 de outubro

• Estados Unidos: Furacán Iutu no 2018. O tifón Iutu atravesou as illas Marianas do Norte, deixando un saldo de 1 morto e milleiros de persoas sen electricidade.
• Filipinas: Furacán Iutu no 2018. O tifón Iutu deixa polo menos 15 mortos en Filipinas, aínda que as autoridades temen que aumente o número de vítimas mortais.

30 de outubro

• Italia: Temporal do 28 de outubro ao 30 de outubro de 2018 en Italia. Un temporal afecta a diferentes zonas de Italia, entre elas Venecia dende o pasado domingo, 30 de outubro. O saldo é de polo menos 29 mortos, máis de 7 000 incidencias e numerosas localidades incomunicadas.

Novembro

2 de novembro

• Malí: Inundacións en Malí no 2018. As inundacións nos últimos días no país deixa polo menos 14 mortos, 41 feridos, 5 300 casas destruídas e uns 70 000 damnificados.

12 de novembro

• Estados Unidos: Incendios forestais de California en novembro do 2018. Os numerosos incendios forestais que afectan ao estado de California deixan o seguinte saldo: O incendio Camp afecta ao Norte do estado, case queimou 45 000 hectáreas, matou a 29 persoas. O incendio Woolsey calcinou 34 600 hectáreas, matou 2 persoas. O terceiro, Hill, queimou 1 800 hectáreas. Hai 228 persoas que se encontran desaparecidas e máis de 300 000 persoas tiveron que abandonar os seus fogares.

Decembro

22 de decembro

• Indonesia: Tsunami nas costas do estreito de Sonda no 2018. A erupción do volcán indonesio Anak Krakatoa provocou un alude submarino, co que se produciu un tsunami que acabou nas costas do estreito de Sonda. O número de vítimas mortais ascende a 373 e 1 459 persoas feridas. Hai 5 665 desprazados, danos en 611 vivendas, 69 hoteis, 60 tendas e 420 barcos. O número de desaparecidos é de 128 persoas.

Véxase tamén

Outros artigos

• Lista de terremotos en 2018