Luís Porteiro Garea
![]() ![]() | |
Biografía | |
---|---|
Nacemento | 16 de novembro de 1889 ![]() Lugo, España ![]() |
Morte | 27 de outubro de 1918 ![]() Frades, España ![]() |
Causa da morte | gripe ![]() |
Datos persoais | |
País de nacionalidade | España ![]() |
Educación | Universidade de Santiago de Compostela ![]() |
Actividade | |
Ocupación | avogado , político ![]() |
Lingua | Lingua galega e lingua castelá ![]() |
![]() |
Luís Porteiro Garea, nado en Lugo o 16 de novembro de 1889 e finado en Frades o 27 de outubro de 1918, foi un avogado e político galego, fundador das Irmandades da Fala en Santiago de Compostela[1].
Traxectoria[editar | editar a fonte]
Licenciado en Dereito pola Universidade de Santiago de Compostela, doutorouse en Madrid en 1914 coa tese El sistema parlamentario en España y sus relaciones con el caciquismo. Foi catedrático na USC, concelleiro agrarista e presidente das Irmandades da Fala en Santiago de Compostela. En febreiro de 1918 presentouse como candidato rexionalista a deputado en Cortes polo distrito de Celanova, pero foi derrotado polo candidato conservador Senén Canido Pardo. Colaborou en diversas publicacións como El Radical, Gaceta de Madrid, Estudios Gallegos e A Nosa Terra.
![](http://upload.wikimedia.org/wikipedia/commons/thumb/b/b2/Discurso_de_Porteiro_Garea_%C3%B3_fundarse_a_Irmandade_da_Fala_en_Santiago_no_ano_1917%2C_N%C3%B3s_1932.pdf/page1-300px-Discurso_de_Porteiro_Garea_%C3%B3_fundarse_a_Irmandade_da_Fala_en_Santiago_no_ano_1917%2C_N%C3%B3s_1932.pdf.jpg)
Morreu prematuramente en 1918, vítima da pandemia de influenza coñecida como gripe española. Os seus restos descansan en Gafoi, no concello de Frades.
Pensamento[editar | editar a fonte]
Foi un dos creadores do nacionalismo na súa vertente política, pois apostou por superar as reivindicacións puramente lingüísticas e culturais e avanzar cara á creación dunha organización política. Tamén foi un acérrimo defensor da lingua galega, sen esquecer a europeización da cultura, e rexeitou o separatismo. Considerou a Galicia e a España como dous entes diferenciados pero cunha estreita interrelación.
![](http://upload.wikimedia.org/wikipedia/commons/thumb/8/8f/Revista_del_Centro_Gallego_de_Buenos_Aires_%281931%29.jpg/220px-Revista_del_Centro_Gallego_de_Buenos_Aires_%281931%29.jpg)
Os seus escritos atenderon a un dobre núcleo temático: definiu España como unha organización defectuosa que se fundou na oligarquía e o caciquismo e responsabilizou os galegos e os factores endóxenos de Galicia dos seus propios problemas. Defendeu o establecemento dunha república presidencialista e progresista.
Recoñecemento[editar | editar a fonte]
A Universidade de Santiago de Compostela convocou o Premio Luís Porteiro Garea a prol da normalización lingüística.[2]
Obras[editar | editar a fonte]
- A los gallegos emigrados, 1918.
- Un mensaxe a García, 1919.
- A fala galega, 1936.
Notas[editar | editar a fonte]
- ↑ Beramendi, Xusto G. (28 de maio de 2017). "Lois Porteiro Garea". Álbum de Galicia (Consello da Cultura Galega).
- ↑ "II Premio “Luís Porteiro Garea” á promoción e uso do galego na USC". USC. Consultado o 9 de outubro de 2018.
Véxase tamén[editar | editar a fonte]
![]() |
Wikimedia Commons ten máis contidos multimedia na categoría: Luís Porteiro Garea ![]() |
Bibliografía[editar | editar a fonte]
- "Porteiro Garea, Lois". Dicionario biográfico de Galicia 3. Ir Indo Edicións. 2010-2011. p. 125.
- Castro, Xavier (2005). "Porteiro Garea, Lois". Gran Enciclopedia Galega Silverio Cañada (DVD). El Progreso. ISBN 84-87804-88-8.
- Cores Trasmonte, Baldomero (2005). Luís Porteiro Garea. Santiago de Compostela: tresCtres. ISBN 84-934335-5-1.
- Couceiro Freijomil, Antonio (1951-53). Diccionario bio-bibliográfico de escritores (en castelán) III. Bibliófilos Gallegos. p. 114.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 345. ISBN 84-7492-465-0.