Luceiros

Os luceiros, barbas de vello, barbas de ouro, damas do bosque, (Nigella damascena), chamada en inglés: love in the mist (amor na brétema) ou devil in the bush (demo no mato) é unha planta anual de xardín cultivada polas súas flores, que pertence á familia Ranunculaceae. Toda a planta é tóxica.

Descrición

Os seus sépalos - moito máis grandes e coloreados que os seus pétalos - poden ser brancos, rosados, azuis ou violetas claros. Cultivada para a decoración ou arranxos florais, obténdose cores moi variadas e impresionantes. Florea de maio a xullo.

Hábitat e distribución

É nativa do sur de Europa, propia da zona mediterránea e macaronésica, aparece na cornixa cantábrica procedente de cultivos. Tamén se poden atopar, aínda que de maneira escasa en países ao norte de Europa, norte de África e suroeste de Asia. Comunmente tamén medra nos xardíns de América do Norte.

Medra silvestre en sitios anegados. Cultivada como ornamental, aparece en ocasións asilvestrada en gabias, bermas, beirís de camiños e zonas alteradas.

Cápsula.

Sinónimo

• Nigella taurica Steven [1856]
• Nigella damascena var. coarctata W.T.Aiton [1811]
• Nigella damascena subsp. minor (Boiss.) A.Terracc. [1897]
• Nigella bourgaei Jord. [1852]
• Melanthium damascenum (L.) Medik. [1789]
• Nigella multifida Gaterau [1789]
• Nigella involucrata Moench [1794]
• Nigella elegans Salisb. [1796]
• Nigella caerulea Lam. [1779]
• Erobatos damascenum (L.) Spach
• Nigella arvensis var. minor Boiss.
• Nigella arvensis var. oligogyna Caball.
• Nigella bourgaei Jord.

Ligazóns externas

• http://www.botanical-online.com/fotosnigelladamascena.htm#castella1