Manspreading

Exemplo de manspreading nun autobús de Corea do Sur.

O manspreading, en galego espraiamento, é un anglicismo co que se adoita referir á práctica masculina de sentar en lugares públicos (asentos de medios de transpote, paradas de autobús, bancos públicos) espallando as pernas, abranguendo máis espazo que o que ocuparía un asento estándar. A dita práctica estaría a prexudicar as persoas sentadas ao carón ao teren menos espazo persoal. Foi cuestión de debate nas redes sociais e é unha reivindicación que acotío denuncian grupos e organizacións feministas. En agosto de 2015 foi recollido polo dicionario Oxford English Dictionary, e posteriormente por organizacións españolas coma a Fundeu BBVA. Porén, a Real Academia Galega da lingua non a recolle.

Etimoloxía

A orixe do termo mansnpreading provén da unión das palabras inglesas man e spreading. O prefixo man ("home") e o sufixo spreading ("espallándose" ou "espraiándose"). O termo adoita empregarse coma substantivo, aínda que non ten tradución á lingua galega.

Galería de imaxes

• 
  Cartel no metro de Madrid que insta aos homes a evitaren o manspreading.
• 
  Manspreading no metro de Estocolmo.
• 
  A inocencia no omnibus (Innocence in an Omnibus). Pé de foto: "Oh, if you please, sir, you're treading on my toes." ("Señor, faga o favor, está a pisar os meus nocellos").
• 
  Transporte público en Columbia.

Véxase tamén

Outros artigos

• Feminismo
• Shebagging
• Machismo
• Mansplaining

Ligazóns externas

• Despatarrados. Artigo de opinión de Francisco Ríos sobre o fenómeno de manspreading. La Voz de Galicia.
• Autobuses contra o 'manspreading': o costume dos homes de sentaren coas pernas abertas. Nova do Atlántico Diario.