Saltar ao contido

Manuel Outumuro

Na Galipedia, a Wikipedia en galego.
Modelo:BiografíaManuel Outumuro

Outumuro no seu estudio en Barcelona
Biografía
Nacemento9 de setembro de 1949 Editar o valor en Wikidata (75 anos)
A Merca, España Editar o valor en Wikidata
País de nacionalidadeEspañol
Actividade
OcupaciónFotógrafo
BNE: XX1577490


Manuel Outumuro Conde, nado na Merca o 9 de setembro de 1949, é un fotógrafo galego.[1]

Traxectoria

[editar | editar a fonte]

A moi curta idade trasladouse a Barcelona, onde se formou como deseñador gráfico na Escola Massana. Barcelona é a cidade na que sempre residiu, exceptuando unha paréntese de catro anos en Nova York. Foi colaborador da revista Por Favor e director de arte do suplemento La Vanguardia-Mujer. Impartiu clases en EINA durante cinco anos na modalidade de Dirección de Arte. Foi membro da xunta directiva do ADG-FAD (Associació de Dissenyadors Gràfics do Foment de lles Arts i o Disseny). Durante os anos que residiu en Nova York, colaborou como deseñador gráfico e ilustrador en diferentes publicacións. En 1990 inicia a súa actividade como fotógrafo.

O seu estudio de Barcelona creou a imaxe gráfica e comunicación visual de famosos deseñadores de moda. Como fotógrafo publicou en diferentes revistas internacionais (Vogue, Elle, Zest) e españolas (Telva, Fotogramas, Woman, La Vanguardia, el Mundo, Elle, El País e especialmente e dunha forma continuada en Marie Claire). A cámara de Outumuro é unha testemuña excepcional documentando a historia da indumentaria neste último cambio de século. As súas fotografías de moda, organizadas nun amplo arquivo con máis de 10.000 negativos e unha gran cantidade de material dixital, constitúen un documento único que reflicte unha parte da historia da moda nestes últimos vinte anos. Este material segue ampliándose coas súas continuas colaboracións en diversas publicacións.

Noutra vertente, o seu arquivo constitúe tamén unha memoria visual única onde se atopa gran parte da historia do cine español dos últimos 25 anos. Por diante da cámara de Outumuro pasaron e seguen pasando case todos os actores, actrices e directores do noso cine, así como un gran número de personalidades de diferentes ámbitos culturais.

Entre os seus últimos proxectos, cabe destacar o ser comisionado polo Ministerio de Cultura e a Fundación Balenciaga para fotografar os traxes históricos do novo Museo Cristóbal Balenciaga.

Foi galardoado en varias edicións cos premios Lux de Ouro da Asociación de Fotógrafos Profesionais e recibiu varios Laus de Ouro. Foi distinguido co premio ARI como mellor fotógrafo do ano 2002 outorgado pola Asociación de Editores de Revistas de Información. O seu estudio de Barcelona, asentado no Palacio Palmerola (século XVII), recibiu o Premio ACCA 2002 (Associació de Crítics d’Art de Catalunya) á iniciativa privada da recuperación do patrimonio.[2]

En 2022 recibiu no Carnegie Hall de Nova York un premio Lucie pola súa traxectoria no mundo da fotografía de moda.[3]

Exposicións

[editar | editar a fonte]
  • 1990: FIFTEEN OF MY FIFTY WITH TIFFANY (F.I.T, Fashion Institute of Technology, Nova York). Comisario da retrospectiva que esta prestixiosa institución dedicou á deseñadora de xoias Elsa Peretti.
  • 1996: ACTORES -individual- (Galería Marisa Marimón). Colección de retratos de actores e actrices do cine español. E traballa na preparación dun libro recompilatorio destas imaxes.
  • 2001: BARCELONA OUTRA VISIÓN -individual- (Galería Vinçon). Unha mirada insólita a unha Barcelona inédita a través dunha colección de imaxes que captan non só a arquitectura, senón tamén diferentes sensacións e momentos de luz na Cidade Condal.
  • 2003: FLUÍDOS -individual- (Compact Art Gallery). Unha colección de 20 fotografías onde o cromatismo das anilinas debuxan sobre a auga suxestivas formas abstractas.
  • 2003: TRAS EL ESPEJO -colectiva- (Museo de Arte Raíña Sofía, Madrid). Selección de varias fotografías para ilustrar a grande exposición retrospectiva que este museo dedicou á historia da Moda en España.[4]
  • 2004: VITRINA DEL FOTÒGRAF -individual- (Palacio Robert). Esta pequena galería foi sempre un referente no mundo da fotografía en Barcelona. Outumuro expuxo nela unha serie de material fotográfico procedente do seu arquivo composto por: polaroid, contactos, probas de laboratorio etc. Podería dicirse que son fotografías realizadas para conseguir “a fotografía”. Desta exposición xurdiu a idea de publicar o libro TEST.
  • 2005: GENIO Y FIGURA (Museo de Arte Moderna Saitama, Tokio). Patrocinada pola S.E.E.I e o Ministerio de Cultura de España. O compromiso de Outumuro co mundo da “arte e a moda”, levouno a proxectos como o comisariado de GENIO Y FIGURA. La Influencia de la Cultura Española en la Moda. Pinturas orixinais de Picasso, Miró, Casas, Julio Romero de Torres, Anglada Camarasa etc, até un total de 40 obras de arte, compartindo espazo con 60 traxes de grandes deseñadores internacionais que nalgunha ocasión inspiráronse no español.
  • 2006: GENIO Y FIGURA (Museo do Traxe, Madrid). Comisariado da itinerancia da exposición presentada anteriormente no Xapón.
  • 2007: ESPEJOS DEL ALMA -colectiva- . O retrato fotográfico na España dos nosos días. Exposición colectiva organizada pola Consellería de Cultura e Turismo da Comunidade de Madrid a través da Dirección Xeral de Arquivos, Museos e Bibliotecas.[5]
  • 2008: -individual- (Festival de Cine de San Sebastián). Serie de fotografías onde 30 actores do cine español recrean secuencias míticas de grandes películas da historia da sétima arte.
  • 2009: REMAKES II -individual- (Festival de Cine de San Sebastián). Unha colección de fotografías seguindo co concepto da exposición realizada no 2008.[6]
  • 2009: TEMPO ATOPADO -individual- (Museo Municipal de Ourense). Unha serie de 60 fotografías onde o autor descobre os resultados extraídos do seu libro “Test”.
  • 2010: OUTUMURO LOOKS, VINTE ANOS FOTOGRAFANDO MODA -individual- (Museo do Deseño de Barcelona). Retrospectiva de Outumuro organizada polo Ajuntament de Barcelona a través do DHUB (Disseny Hub Barcelona). Recompilación de 250 fotografías de moda disparadas entre 1990 e 2010.[7][8] Xullo de 2010: Primeira itinerancia na sala de exposicións do Auditorio de Galicia en Santiago de Compostela.
  • 2010: DEL OJO QUE SE RESGUARDA EN LOS MARES -colectiva- (Galería Raíña Lupa).[9] Mostra colectiva con varios fotógrafos e vídeo artistas (Isabel Coixet, Francesc Torres, David Liventhal, Vari Caramés etc) representados pola galería.
  • 2011: MIRAR Y PENSAR BALENCIAGA -individual- (Sala Boulevard Kutxa, San Sebastián). 60 imaxes de gran formato seleccionadas de entre as máis de 250 realizadas por Outumuro para o catálogo da Colección Permanente do Museo Cristóbal Balenciaga.[10]
  • 2011: 49 TESTS -individual- (Galería Raíña Lupa).Unha tirada especial de 49 fotografías numeradas e asinadas polo autor, extraídas do seu libro TEST.[11]
  • 2012: MIRAR Y PENSAR BALENCIAGA -individual-. Primeira itinerancia de abril a xuño de 2012 na Fundación NovaCaixa Galicia e posteriormente no Museo do Traxe de Madrid xuño a setembro de 2012.
  • 2012: VER O NO VER -individual- (Casa América, Madrid).[12] Unha colección de 50 retratos de diferentes personaxes do mundo cultural, o deporte e a ciencia nunha acción solidaria para a Fundación Ollos do Mundo.
  • 2013: OUTUMURO. LOOKS -individual- (Multimedia Art Museum, Moscova (MAMM)).[13] De 8 de marzo ao 3 de abril a mostra expúxose dentro da bienal "Fashion and Style in Photography", concretamente na mítica sala Central Exhibitions Hall Manege.
  • 2013: BARCELONA PRÊT A PORTER, 1958-2008 -colectiva- (Palacio Robert).[14] Mirada retrospectiva a 50 anos de moda catalá a través da indumentaria e a fotografía.
  • 2013: A COP D'ULL -lameva.barcelona.cat- (Palacio da Virreina).[15] Exposición fotográfica colectiva que recolle a cultura visual fotográfica de Barcelona na última década.
  • 2014: OUTUMURO. LOOKS -individual- (Museo Etnográfico de Castela e León).[16]
  • 2015: ESTAR O (TALVEZ) SOÑAR, figurados, figuraciones, figurantes -individual- (Fundación Iberdrola). A creación en Euskadi a través da obra dos museos da Comunidade Autónoma Vasca: pintura, collage, escultura, gravado etc, incluíndo 8 fotografías de gran formato de Outumuro para Balenciaga.
  • 2015: DISTINCION. Un século de fotografía de moda -colectiva- Museo do Deseño de Barcelona.[17] Mostra de fotografías dos 35 autores que forman parte da colección permanente do museo.
  • 2015: LAST YEAR AT MARIENBAD -colectiva- (Kunsthalle Bremen). Unha homenaxe ao enigmático filme de Alain Resnais e a súa influencia en varios artistas como Cindy Sherman, Jeff Koons, Alex Katz, Rober Longo, Kota Ezawa, Karl Lagerfeld e Outumuro entre outros.
  • 2016: LAST YEAR AT MARIENBAD -colectiva- Galería Rudolfinum, Praga.[18]
  • 2016: CRISTÓBAL BALENCIAGA, PENSAMENTOS FOTOGRÁFICOS Museo de Arte Moderna, MAMM, México.[19]
  • 2016: CON-FIO EN GALICIA -colectiva- Centro Gaias, Cidade da Cultura de Galicia. Historia da moda feita en Galicia. Ademais de indumentaria inclúese unna colección de fotógrafos de moda galegos.
  • 2016: OUTUMURO BCN RETRATS -individual- (Palacio Robert). Unha colección de 80 retratos de personaxes vinculados con Barcelona.
  • 2018: !MODA! EL DISEÑO ESPAÑOL A TRAVÉS DE LA FOTOGRAFÍA -colectiva- Festival PhotoEspaña. Museo do Traxe (Madrid)
  • 2020: DE BARRO Y LUZ -individual- (Lonxa de Zaragoza). Concello de Zaragoza e Festival PhotoEspaña.[20]

Libros publicados

[editar | editar a fonte]
  • Barcelona Otra Visión (2001). Disparo Editorial. 240 páxs. ISBN 978-84-932211-0-2. Unha colección de imaxes atípicas sobre a Cidade Condal.
  • Close-Up Up-Close: (2002). Disparo Editorial. 136 páxs. ISBN 978-8493221119.
  • Genio y figura. La cultura española en la moda internacional (2005). Sociedad Estatal para Exposiciones Internacionales. 211 páxs. ISBN 978-84-611-0925-8. Tradución de Miren Arzalluz.
  • Liquid (2007). Disparo Editorial. ISBN 9788493221133. un proxecto composto de 20 fotografías sobre a abstracción accidental do cromatismo das anilinas na auga.
  • Test (2009). Disparo Ed. 295 páxs. ISBN 978-84-932211-4-0. Recompilación de 300 fotografías realizadas para conseguir “a fotografía”. Polaroids, contactos, probas de luz, probas de laboratorio etc. constitúen unha colección de imaxes que mostran o proceso creativo do fotógrafo para lograr a imaxe definitiva.
  • Tempo Atopado (2009). Disparo Ed. 120 páxs. ISBN 978-84-932211-5-7. Libro editado con motivo da exposición presentada no Museo Municipal de Ourense. 60 fotografías que plasman 60 resultados do libro "Test".
  • Outumuro Looks. Veinte años fotografiando moda (2010). ISBN 978-84-9850-209-1. Extenso libro de 300 páxinas editado polo Departamento de Cultura de l’Ajuntament de Barcelona, no que se recompilan 250 fotografías de moda realizadas por Outumuro entre 1990 e 2010. A edición está complementada con textos asinados por xornalistas, teóricos e expertos en fotografía e moda, que nutren de argumento e rigorosidade o traballo de Outumuro.
  • Balenciaga (2012). edición especial realizada pola Fundación Cristóbal Balenciaga e Editorial Nerea, no que se recolle o traballo fotográfico realizado por Outumuro, tendo como obxecto os traxes históricos do Museo Cristóbal Balenciaga.[21]
  • Ver o no ver (2012). Editado pola Fundación Ollos do Mundo, o catálogo recompila 50 retratos en branco e negro de rostros coñecidos no mundo do cine, a moda, as artes escénicas, a literatura, o deporte ou a gastronomía tendo todos eles como nexo de unión, a mirada dos seus protagonistas. Exposición solidaria contra a cegueira evitable.[22]
  • Manuel Outumuro, PhotoBolsillo (2015). Colección da Biblioteca de Fotógrafos Españois, publicado por Editorial A Fábrica. Un exemplar que reúne 64 fotografías en branco e negro realizadas entre 1993 e 2014 reflectindo a unión entre arte, retrato e moda.[23] 98 páxs. ISBN 978-84-16248-05-6.
  • El libro de los retratos (2019). Editorial A Fábrica. 352 páxs. ISBN 978-84-17769-08-6. Unha recompilación de 200 retratos disparados nos últimos 25 anos

Notas

[editar | editar a fonte]
  1. ↑ "Manuel Outumuro: «La luz que infudimos los fotógrafos no puede anular la luz de cada uno»". La Voz de Galicia (en castelán). 2022-10-23. Consultado o 2022-10-26. 
  2. ↑ "Edición del lunes, 04 octubre 2004, página 4 - Hemeroteca - Lavanguardia.es". hemeroteca.lavanguardia.com. Consultado o 2022-10-26. 
  3. ↑ Gràffica (2022-10-26). "La fotografía de moda de Manuel Outumuro recibe un premio Lucie". Gràffica (en castelán). Consultado o 2022-10-26. 
  4. ↑ "ELMUNDO.ES SUPLEMENTOS MAGAZINE 194 Vestidos dignos de museo". www.elmundo.es. Consultado o 2022-10-26. 
  5. ↑ Bootlab; Díaz, Irene. "ESPEJOS DEL ALMA, fotografías de la España de nuestros días". dolcecity-madrid (en castelán). Arquivado dende o orixinal o 26/10/2022. Consultado o 2022-10-26. 
  6. ↑ "Marie Claire homenajea al cine en San Sebastián". web.archive.org. 2010-03-29. Archived from the original on 29 de marzo de 2010. Consultado o 2022-10-26. 
  7. ↑ "«Outumuro LOOKS. Veinte años fotografiando moda» Disseny Hub Barcelona". web.archive.org. 2010-01-30. Archived from the original on 30 de xaneiro de 2010. Consultado o 2022-10-26. 
  8. ↑ L, M. P. (2010-03-20). "Outumuro, veinte años retratando pasarelas". Cinco Días (en castelán). Consultado o 2022-10-26. 
  9. ↑ "Vari Caramés". web.archive.org. 2010-06-16. Archived from the original on 16 de xuño de 2010. Consultado o 2022-10-26. 
  10. ↑ "Museo". cristobalbalenciagamuseoa. [Ligazón morta]
  11. ↑ "Page not found Raiña Lupa" (en castelán). Consultado o 2022-10-26. 
  12. ↑ "Fundación Ojos del mundo presenta la exposición “Ver o no ver” de Manuel Outumuro , una muestra a favor del Derecho Universal a la Visión". www.casamerica.es (en castelán). Consultado o 2022-10-26. 
  13. ↑ "Exhibitions: OUTUMURO. LOOKS (Multimedia Art Museum, Moscow)". Multimedia Art Museum, Moscow. Consultado o 2022-10-26. 
  14. ↑ "Descubre". lameva.barcelona.cat. [Ligazón morta]
  15. ↑ "A cop d’ull. Cultura visual fotográfica reciente en Barcelona [La Virreina] Centre de la Imatge". web.archive.org. 2015-06-14. Archived from the original on 14 de xuño de 2015. Consultado o 2022-10-26. 
  16. ↑ P, E. (2014-05-08). "El Etnográfico mostrará fotografías de Manuel Outumuro". La Opinión de Zamora (en castelán). Consultado o 2022-10-26. 
  17. ↑ "Distinción. Un siglo de fotografía de moda". Museu del Disseny de Barcelona (en castelán). 2015-03-30. Consultado o 2022-10-26. 
  18. ↑ "Influences: Last Year at Marienbad". Poetic & Chic (en inglés). Arquivado dende o orixinal o 26 de outubro de 2022. Consultado o 2022-10-26. 
  19. ↑ "Cristóbal Balenciaga | Museo de Arte Moderno" (en inglés). 4 de mayo de 2016. Arquivado dende o orixinal o 5 de diciembre de 2018. Consultado o 5 de diciembre de 2018. 
  20. ↑ Aragón, Heraldo de. "Outumuro expresa en 130 retratos el tránsito de la infancia y el barro hacia la luz definitiva". heraldo.es (en castelán). Consultado o 2022-10-26. 
  21. ↑ Ramírez, CristóBal (2011-05-22). "Balenciaga se hace Museo". El País (en castelán). ISSN 1134-6582. Consultado o 2022-10-26. 
  22. ↑ "Manuel Outumuro nos guía por 'Ver o no ver'". www.casamerica.es (en castelán). Consultado o 2022-10-27. 
  23. ↑ Press, Europa (2015-04-12). "El fotógrafo Manuel Outomuro, protagonista del nuevo volumen de Photobolsillo". www.europapress.es. Consultado o 2022-10-26. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Manuel_Outumuro&oldid=6784716»