Masito

Masito
	; (2014)
Biografía
Nacemento	(mul) Manuel Emilio Aristóteles Beiró Martínez ; 10 de xaneiro de 1955 (69 anos); Padrón, España
Educación	Universidade de Santiago de Compostela
Actividade
Ocupación	pintor, cartelista, ilustrador, xornalista
Pseudónimo literario	Masito
Familia
Pai	Manuel Beiró Buxán
	Sinatura
Descrito pola fonte	Gallegos; Enciclopedia Galega Universal

Manuel Emilio Aristóteles Beiró Martínez, máis coñecido como Masito, nado na Trabanca (Padrón) o 10 de xaneiro de 1955,^[1] é un xornalista, pintor, ilustrador e cartelista galego.

Traxectoria

É fillo do pintor Manuel Beiró Buxán. No ano 1963 acadou o primeiro premio de pintura infantil organizado polo xornal La Voz de Galicia e participou nunha exposición colectiva de novos valores na Coruña, no local A Terraza. Foi bolseiro da Escola de Artes Mestre Mateo e diplomouse en Xeografía e Historia pola Universidade de Santiago de Compostela.

Traballou como xefe de prensa do concello de Padrón^[2] e como xornalista na axencia EFE. Foi tamén correspondente do xornal El Correo Gallego dende 1986 ata 1990, foi director fundador da revista Petroglifo da Asociación Galega de Artes Gráficas,^[3] traballou en programas de radio e participou en diversos ámbitos culturais da vila padronesa.

Unha escolma da súa obra foi exposta na Bienal do Convento do Carme de Padrón, e no certame de pintura Bello Piñeiro de Ferrol. Participou en exposicións en Rianxo, Pontevedra, Santiago de Compostela, Arte-Mostra Santiaguiño, O Courel e Forcarei.

Realizou a ilustración dos libros Pseudopoesía: ala Costa de la muerte: marineras (1978) de Arturo Romaní; Paixón e vida dun poeta (1981) e Almenar poético (1985) os dous de Maximino Castiñeiras; Balada do vento na ría (1987) de Xesús Santos; Diáspora.com (2002) de Xosé Manuel Lobato e mais no primeiro libro editado do certame de poesía Rosalía de Castro, con limiar de Méndez Ferrín, da Asociación Cultural Galega Rosalía de Castro de Cornellà en 1992.^[4]

Tras facer Laxeiro a portada do primeiro número, fixo a portada do seguinte número da revista Olláparo (1984) de Cedeira, con limiar de Carlos Casares. Ilustrou a portada da revista Lúa Nova da Asociación Cultural Galega Rosalía de Castro de Cornellà^[5] e para a revista Ólisbos (1990) creou o retrato do escritor Miquel Àngel Riera. Foi autor de numerosos carteis de festas, como os da Pascua de Padrón,^[1] A Anguía de Valga, Corrubedo, o Congreso do Deportivo da Coruña (1999), o Irmandamento Noirmountier (1993) etc.

Fixo ó longo da súa carreira como pintor diversas exposicións individuais, dende París^[1] a Barcelona, Noirmoutier-en-l'Île ou Buenos Aires.^[6]^[7] Malia padecer unha enfermidade dexenerativa da mácula ocular continúa a pintar.

Velaquí a presenza do home e mais da arte: este Masito Beiró que, como ben ensinado, afirma e expande todo un espírito e unha vontade: a de sermos. Velaquí o padronés que ilustra poesías e conciencias, aquel que leva como poucos o selo da súa e da nosa terra, o que soubo herdar pinceis e lapis, e tardes e noites de traballo e entrega. Védeo.

Anxo Angueira (1992).^[8]

Notas

↑ ^1,0 ^1,1 ^1,2 López, Uxía (19-06-2001). "«Meu pai abriume moitas portas cando era novo»". El Cronómetro. La Voz de Galicia. Consultado o 10-11-2023.
↑ López, Uxía (23-11-2002). "O premio Maruxa Villanueva recoñece o «nivel interpretativo» de Susana Dans". La Voz de Galicia. Consultado o 10-11-2023.
↑ "Petroglifo". Enciclopedia Galega Universal. Ir Indo. 1999-2002. ISBN 84-7680-288-9.
↑ Certame "Rosalía de Castro" de poesía en lingua galega. Sotelo Blanco. 1994. ISBN 84-7824-205-8.
↑ "Lúa Nova. Órgano de difusión da Asociación Cultural Galega Rosalía de Castro". Consello da Cultura Galega. Consultado o 10-11-2023.
↑ "Masito". Cultura Galega. Arquivado dende o orixinal o 31-10-2014. Consultado o 10-11-2023.
↑ Guía sobre a exposición da Mostra de pintura de Masito. Cornellà: Asociación Cultural Galega Rosalía de Castro. 1993.
↑ "Cita de Anxo Angueira". Cultura Galega. 1992. Arquivado dende o orixinal o 31-10-2014. Consultado o 10-11-2023.

Véxase tamén

Bibliografía

Barrera, Feliciano, ed. (2002). "Beiró Martínez, Manuel Emilio A.". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 63. ISBN 84-8064-113-4.
"Beiro Martínez, Manuel E.". Diccionario enciclopédico galego universal 8. La Voz de Galicia. 2003-2004. p. 90. ISBN 84-7680-429-6.
"Beiro Martínez, Manuel E.". Enciclopedia Galega Universal. Ir Indo. 1999-2002. ISBN 84-7680-288-9.

Ligazóns externas

"Algunhas obras de Masito". Cultura Galega (Galería). Arquivado dende o orixinal o 31-10-2014.

[cronómetro-1] 1,0 ^1,1 ^1,2 López, Uxía (19-06-2001). "«Meu pai abriume moitas portas cando era novo»". El Cronómetro. La Voz de Galicia. Consultado o 10-11-2023.

[2] López, Uxía (23-11-2002). "O premio Maruxa Villanueva recoñece o «nivel interpretativo» de Susana Dans". La Voz de Galicia. Consultado o 10-11-2023.

[3] "Petroglifo". Enciclopedia Galega Universal. Ir Indo. 1999-2002. ISBN 84-7680-288-9.

[4] Certame "Rosalía de Castro" de poesía en lingua galega. Sotelo Blanco. 1994. ISBN 84-7824-205-8.

[5] "Lúa Nova. Órgano de difusión da Asociación Cultural Galega Rosalía de Castro". Consello da Cultura Galega. Consultado o 10-11-2023.

[6] "Masito". Cultura Galega. Arquivado dende o orixinal o 31-10-2014. Consultado o 10-11-2023.

[7] Guía sobre a exposición da Mostra de pintura de Masito. Cornellà: Asociación Cultural Galega Rosalía de Castro. 1993.

[8] "Cita de Anxo Angueira". Cultura Galega. 1992. Arquivado dende o orixinal o 31-10-2014. Consultado o 10-11-2023.

[1]

[2]

[3]

[4]

[5]

[6]

[7]

[8]