Museo Imperial da Guerra

Museo Imperial da Guerra
Coordenadas	51°29′45″N 0°06′31″O
País	Reino Unido
Cidade	Southwark
Director	Diane Lees
Inauguración	1917
Superficie	54.600 m²
Na rede
https://www.iwm.org.uk e https://www.iwm.org.uk/visits/iwm-london
[ editar datos en Wikidata ]

O Museo Imperial da Guerra (Imperial War Museum en inglés) é o museo militar británico. Creouse logo da primeira guerra mundial en 1917.

Orixinalmente situado no Crystal Palace en Sydenham Hill, o museo abriu as súas portas en 1920. En 1924 o museo foi trasladado ao Instituto Imperial en South Kensington e, finalmente, en 1936, o museo adquiriu un local permanente onde antes se atopaba o Hospital Real de Bethlem en Southwark. Durante 1970 o museo comezou a expandirse cara a outras sedes.

As coleccións do museo inclúen arquivos de documentos persoais e oficiais, fotografías, material cinematográfico, gravacións de historia oral, unha ampla biblioteca, unha colección de arte e vehículos e avións militares.

Atópase distribuído en diversas instalacións en Inglaterra, tres das cales atópanse en Londres:

• A Sede principal do Imperial War Museum atópase situada en Londres e trata sobre todo da primeira guerra mundial e en menor medida da segunda guerra mundial.
• O Museo Imperial de Guerra de Duxford, preto de Cambridge, é un importante museo aeronáutico con dúas coleccións distintas, unha sobre os avións americanos e outra sobre os avións británicos.
• O edificio de Manchester é coñecido como do norte (Imperial War Museum North) está situado en Trafford e abriuse o 5 de xullo de 2002 nun edificio singular deseñado polo arquitecto Daniel Libeskind.

HMS Belfast

• O buque de guerra HMS Belfast, fondeado no Támese diante da Torre de Londres.
• Churchill War Rooms, situado no interior do centro de mando de Winston Churchill durante a segunda guerra mundial.

Vista do interior do Museo Imperial da Guerra de Londres

Véxase tamén

Ligazóns externas

• (en inglés) Sitio oficial do museo
• (en inglés) Through My Eyes website (contén historias persoais sobre a guerra que se encontran nos arquivos do museo.)