Parque Nacional de Lorentz

Parque Nacional de Lorentz
	(id) Taman Nasional Lorentz
Tipo	parque nacional de Indonesia; Reserva natural
Epónimo	Hendrikus Albertus Lorentz
Localización
División administrativa	Papúa, Indonesia
	4°45′00″S 137°50′00″L / -4.75, 137.83333
Características
Altitude	64 m
Superficie	25,056 km²; Patrimonio da Humanidade: 2.350.000 ha
Patrimonio da Humanidade
Tipo	Patrimonio natural → Asia-Oceanía insular
Data	1999 (23ª Sesión), Criterios de Patrimonio da Humanidade: (viii), (ix) e (x)
Identificador	955
Categoría II da UICN: Parque Nacional
World Database on Protected Areas
Identificador	1500
Historia
Data de creación ou fundación	1997

O Parque Nacional de Lorentz é un parque nacional que se atopa na provincia de Papúa, en Indonesia, no suroeste de Nova Guinea Occidental. Cunha área de 25 056 km², é o meirande parque nacional do sueste asiático. En 1999, Lorentz foi declarado un Patrimonio da Humanidade pola UNESCO.

Un exemplo destacado da biodiversidade de Nova Guinea, Lorentz é un dos parques nacionais con máis diversidade ecolóxica do mundo. É a única reserva natural da rexión de Asia-Pacífico que contén unha gama altitudinal completa de ecosistemas que se estenden por áreas mariñas, de mangleiral, de mareas e selva inundable, selva tropical de terra baixa e montaña, tundra alpina e glaciares ecuatoriais. Con 4884 metros, Puncak Jaya (anteriormente coñecida como Carstensz Pyramid) é a montaña máis alta entre o Himalaia e os Andes.

Birdlife International considerou o Parque de Lorentz como “probablemente a máis importante reserva en Nova Guinea”.^[1] Contén cinco ecorrexións das "Global 200" do Fondo Mundial para a Natureza: bosques de terras baixas do sur de Nova Guinea; bosques montañosos de Nova Guinea; pasteiros subalpinos da cordilleira central de Nova Guinea; mangleirais de Nova Guinea; e ríos e regatos de Nova Guinea.^[2]

O parque de Lorentz contén moitas áreas sen cartografar e inexploradas, e seguramente contén moitas especies de plantas e animais aínda descoñecidos para a ciencia occidental. O coñecemento etnobotánico e etnozoolóxico das comunidades locais sobre a biota de Lorentz tamén está moi pouco documentado.

O parque recibe o nome de Hendrikus Albertus Lorentz, un explorador neerlandés que pasou pola zona na súa expedición de 1909-1910.

Notas

↑ Birdlife International, 1999 Arquivado 03 de xaneiro de 2009 en Wayback Machine., consultado o 14 de maio de 2010
↑ WWF Ecoregions, consultado o 14 de maio de 2010

Véxase tamén

Bibliografía

Petocz, Ronald G. (1989). Conservation and Development in Irian Jaya. Leiden: E.J. Brill.

[1] Birdlife International, 1999 Arquivado 03 de xaneiro de 2009 en Wayback Machine., consultado o 14 de maio de 2010

[2] WWF Ecoregions, consultado o 14 de maio de 2010

[1]

[2]