Perdiz moura
| Perdiz moura | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| Estado de conservación | |||||||||||||||||
 Pouco preocupante[1] | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| 'Alectoris barbara' (Bonnaterre, 1791) | |||||||||||||||||
A perdiz moura (Alectoris barbara) é unha ave da familia dos faisánidos (Phasianidae), autóctona do norte de África.
Descrición
[editar | editar a fonte]Están moi emparentadas coa perdiz (Alectoris rufa), da que as diferencian o deseño da cabeza e da gorxa Teñen aspecto gordecho e arredondado e miden entre 33 e 36 cm. de lonxitude. A parte superior do corpo é castaña agrisada, o peito gris e o ventre da cor do ante. A cara é gris clara e teñen unha zona ampla de cor castaña avermellada na zona do colo. Os flancos son brancos con vetas castañas avermelladas.
Distribución e hábitat
[editar | editar a fonte]É unha perdiz nativa do norte de África e, segundo algunhas opinións,[2] de Xibraltar e as illas Canarias, aínda que a súa presenza nestas últimas rexións é se cadra máis axiña consecuencia de introducións antigas. No norte de África espállanse dende a beira norte do Sáhara ata o noroeste de Exipto e Marrocos. Nas Canarias (Sb. Alectoris barbara koenigi [3]viven en Fuerteventura Tenerife, Lanzarote e a illa da Gomera. Foi introducida en Portugal e Madeira, aínda que non hai rexistros recentes da súa presenza nesta illa. Dentro deste ámbito de distribución distínguense catro subespecies.
Son aves de terras secas e abertas, a miúdo en zonas de outeiros, pero a súa capacidade de adaptación permítelles vivir en terras de cultivo, estepas de euforbiáceas, bosques de eucaliptos e en montañas ata ó límite das neves..
Bioloxía e costumes
[editar | editar a fonte]Aliméntanse de sementes e algúns insectos. Fan o niño nunha depresión do chan. Poñen entre 10 e 14 ovos con pencas castañas avermelladas. O período de incubación é duns 25 días. Os polos adoitan ficar cabo dos pais ata que comeza a seguinte época reprodutora.
Notas
[editar | editar a fonte]- ↑ BirdLife International (2012). "Alectoris barbara". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 2013/11/26.
- ↑ "The Gibraltar Bird List: Bird species observed in or from the territory of Gibraltar". Gibraltar Ornithological & Natural History Society. Consultado o 2007-07-24.
- ↑ Martín Gómez, Pedro; Cardona Sosa, Antonio. Aves de las zonas bajas. mdc.ulpgc.es (Cabildo Insular de Fuerteventura). p. 55. Arquivado dende o orixinal o 10 de xullo de 2019. Consultado o 2019-07-10.
Véxase tamén
[editar | editar a fonte]Bibliografía
[editar | editar a fonte]- Heinz-Sigurd Raethel; Wachteln, Rebühner, Steinhühner, Frankoline und Verwandte, Verlagshaus Reutlingen, Reutlingen 1996, ISBN 3-88627-155-2
Ligazóns externas
[editar | editar a fonte]- https://dx.doi.org/10.2305/IUCN.UK.2016-3.RLTS.T22678707A85855433.en Alectoris barbara na "Lista vermella de especies ameazadas" da IUCN